Fréttablaðið - 06.09.2014, Page 110

6. september 2014 LAUGARDAGUR| LÍFIÐ | 62
„Allir í Hollywood eru dóttir
eða frænka einhvers.“
LILY COLLINS, LEIKKONA OG DÓTTIR
SÖNGVARANS PHILS COLLINS, Í VIÐTALI
VIÐ NÝJASTA TÖLUBLAÐ MARIE CLAIRE.
„Þetta er algjör tilviljun, piltur-
inn kom fram í gegnum Borgar-
leikhúsið fyrir tónleika okkar.
Hann er ákaflega hæfileika-
ríkur og er jafn vígur í söng, leik
og dansi,“ segir Jakob Frímann
Magnússon Stuðmaður. Umrædd
lýsing á við um ellefu ára gamlan
pilt að nafni Jóhann Jóhannsson,
sem er ekki í frásögur færandi
nema fyrir það að hann er dóttur-
sonur Sæma rokk. „Sæmi rokk
dansaði með okkur árið 1976 á
upphaflega Tívolítúrnum en nú
ætlar dóttursonur hans, Jóhann,
að koma fram á þessum tónleik-
um,“ útskýrir Jakob Frímann. Það
er því gaman að sjá hvernig Stuð-
menn hafa skemmt heilu kynslóð-
unum og hvernig næsta kynslóð
kemur að sýningu sveitarinnar.
Stuðmenn slá eigið met í kvöld
þegar þeirra lengsta törn á einum
sólarhring í spilamennsku verður
að veruleika. „Okkar fyrra met er
frá árinu 1999 á Þjóðhátíð í Vest-
mannaeyjum þegar við lékum frá
klukkan 2.30 til 8.30. Nú er það
19.30 til 03.00,“ segir Jakob Frí-
mann léttur í lundu.
Stuðmenn leggja Hörpu undir
sig í dag og kvöld er þeir halda
tvenna tónleika í Eldborgar-
sal Hörpu og þá fer fram Stuð-
mannaball í beinu framhaldi af
seinni tónleikunum í Silfurbergi
en sveitin hefur ekki komið full-
skipuð fram á opinberum dansleik
síðan árið 2005. Fyrir þá sem ekki
eiga miða á tónleikana, fara ör fáir
miðar á dansleikinn eingöngu í
sölu á hádegi á Harpa.is. Fyrri
tónleikarnir hefjast klukkan 19.30
og seinni klukkan 22.30. - glp
Stuðmenn sameina kynslóðirnar
Jóhann Jóhannsson, dóttursonur Sæma rokk, dansar og syngur með Stuð mönnum
í kvöld en ein 38 ár eru síðan Sæmi rokk sjálfur dansaði með sveitinni frægu.
STUÐMENN Ragnhildur Gísladóttir og
Egill Ólafsson í góðu stuði. MYND/DANÍEL
„Um það bil helmingur tónleika
minna í kringum sumartímann eru
tónleikar eins og þessir hérna á
Íslandi. Ég hef mjög gaman af því
að spila á svona skóla böllum, þetta
er skemmtileg blanda, eins konar
blanda þess að spila á klúbbi og á
stórum tónleikum,“ segir sænski
tónlistarmaðurinn Basshunter en
hann tróð upp á skólaballi Versl-
unarskóla Íslands á fimmtudags-
kvöldið í íþróttahúsinu í Kapla-
krika. En veit hann eitthvað um
skólann sem hann var að spila
fyrir? „Ég hef heyrt að það séu
bara allir nemendurnir mættir
og að þetta sé fjölmennasti skól-
inn. Ég hef líka heyrt að þetta sé
skemmtilegasti skólinn,“ segir
Basshunter og hlær.
Basshunter kom fyrst fram á
sjónarsviðið hér á landi þegar
hann gaf út lagið Boten Anna árið
2006 sem var geysilega vinsælt og
kom meðal annars hingað til lands
það ár.
„Ég er að koma hingað í þriðja
sinn, fyrst þegar ég kom var
vetur og mjög kalt en nú er gott
og fallegt veður. Ég held ég hafi
komið með góða veðrið með mér
frá Svíþjóð,“ segir Basshunter og
hlær.
Hann er ákaflega hrifinn af
landi og þjóð. „Fólkið hérna er ynd-
islegt og landið virkilega fallegt,“
bætir Basshunter við, honum
þykir leitt að geta ekki verið hér
lengur og skoðað landið. Spurður
út í hvort hann eigi sér uppáhalds
íslenskan tónlistarmann segir
hann Björk vera í miklu uppáhaldi.
Basshunter fer sérlega fögrum
orðum um kvenfólkið á Íslandi.
„Íslenskt kvenfólk er alveg sér-
staklega fallegt.“
Þó að ekki hafa mikið bólað
á kappanum hér á landi undan-
farið er nóg að gera hjá honum í
tónleikahaldi og lagasmíði. „Ég er
búinn að vera að spila mikið um
allan heim og það hefur verið mjög
mikið að gera í sumar. Ég hef spil-
að í yfir fimmtíu löndum þannig að
það hefur verið nóg að gera og er
ég mjög þakklátur fyrir það.“
Hann segist semja sína tónlist og
texta sjálfur. „Ég sem allt sjálfur
en stundum hjálpar umboðsmaður-
inn minn þó aðeins við textasmíð-
ina, sérstaklega þegar mér gengur
illa að finna réttu ensku orðin.“
Hann yfirgaf landið á föstu-
dagsmorgun og hefur í nógu að
snúast. „Ég er að fara til Spánar
að spila og svo til Skotlands og
Englands. Fleiri tónleikar, meira
vín og fleiri stelpur,“ segir Bass-
hunter og hlær.
gunnarleo@frettabladid.is
Fleiri tónleikar, meira
vín og fl eiri stelpur
Hinn vinsæli, sænski tónlistarmaður Basshunter kom fram á skólaballi Versl-
unar skóla Íslands í vikunni. Hann segir að sér fi nnist gaman að spila á böllum.
NÓG UM AÐ VERA HJÁ BASSHUNTER Tónlistarmaðurinn stoppar stutt á Íslandi í
þetta skiptið, en hann var að koma í þriðja sinn. FRÉTTABLAÐIÐ/ANDRI MARINÓ
Basshunter heitir réttu nafni
Jonas Erik Altberg og er 29 ára
gamall Svíi.
Hann hefur gefið út sex plötur á
ferlinum.
Hans þekktustu lög eru:
● Boten Anna
● Vi sitter i Ventrilo och spelar
DotA
● Now You’re Gone
● All I Ever Wanted
Brot úr sögu
Basshunters
Íslenskt kvenfólk er
alveg sérstaklega fallegt.
Basshunter
Hver tími er 60 mínútur og kennt er tvisvar í viku á
þriðjudögum og fimmtudögum kl. 17:30 í leikfimissal
Hvassaleitisskóla. Námskeiðið er tólf vikur.
Kennari er Birgitta Sveinbjörnsdóttir danskennari.
Skráning er hafin á námskeiðið sem hefst
1 . .
Upplýsingar og skráning í síma: 899-8669.
Suðræn sveifla er skemmtileg
líkamsrækt fyrir konur á öllum
aldri. Námskeiðið byggist upp á
mjúkri upphitun, latin dönsum
eins og Cha Cha, Jive, Salsa og fl.,
kviðæfingum og góðri slökun.
Framhaldsaðalfundur
Félags íslenskra félagsliða
Framhaldsaðalfundur Félags íslenskra félagsliða verður
haldinn þriðjudaginn 16. september 2014 kl. 17
á Grettisgötu 89, 105 Reykjavík.
Efni fundar er ársreikningur félagsins.
Félagsmenn fjölmennum á fundinn.
Stjórn Félags íslenskra félagsmanna
Barnakór Fríkirkjunnar hefur starfsemi sína á ný eftir sumarfrí.
Allir söngelskir krakkar á aldrinum 6−12 ára eru velkomnir og hvattir til
að mæta.
Í vetur verða æfingar á þriðjudögum frá 16:30−17:30. Fyrsta æfing
verður þriðjudaginn 9. september.
Nánari upplýsingar gefur Álfheiður Björgvinsdóttir kórstjóri í
síma 849-8660 og skrifstofa Fríkirkjunnar í Reykjavík í síma 552-7270.
Barnakór við Tjörnina!
- Viltu vera með?
FYRIRSJÁANLEG SAGA
Gagnrýnandi hins virta tímarits The
Hollywood Reporter, Jordan Mintzer,
gefur ekki mikið fyrir kvikmyndina
Vonarstræti, eftir leikstjórann Baldvin
Z. Hann segir leikarana nægilega góða
til þess að hann héldi myndina út, sem
hann gaf þó í skyn að væri óþarflega
löng, en segir jafnframt vanta
frumlegheit í handritið.
Hann segir Vonarstræti
fyrirsjáanlega og bætir við
að það komi kannski ekki
á óvart að kvikmyndin sé
ekki upp á marga fiska
í ljósi þess að það búi
jafn margir á Íslandi og
í borginni St. Louis í
Missouri-ríki. - ósk
KRÍA Á FREMSTA BEKK
Bandaríska leikkonan Emma Myles
hefur tekið ástfóstri við skartið frá
Jóhönnu Metusalemsdóttur, Kría
Jewlery. Myles er hvað þekktust
fyrir leik sinn í sjónvarpsþáttunum
vinsælu Orange Is the New Black en
hún birti tvær myndir af sér á In-
stagram frá tískuvikunni
í New York þar sem hún
lýsir ást sinni á Kríu-
skartinu. Á annarri
myndinni situr My-
les á fremsta bekk
á tískusýningu
ásamt meðleik-
konu sinni í
þáttunum, Lea
De Laria. - áp
BÓ Á LJÓSANÓTT
Það eru fjölmargir samankomnir í
Keflavík þessa helgina í tilefni þess
að Ljósanótt fer þar fram. Á meðal
þeirra sem voru staddir í Bítlabænum
í gær voru tónlistarmennirnir Björgvin
Halldórsson og Magnús Kjartansson.
Það fór vel á með þeim
félögum þegar þeir stilltu
sér upp fyrir framan
myndavél Víkur-
frétta. Ragnheiður
Elín Árnadóttir
iðnaðarráðherra
stóð skammt frá,
fylgdist grannt
með og lýsti því sem
fram fór á fésbókar-
síðu sinni. - jhh