Fréttablaðið - 06.10.2014, Blaðsíða 17

BLEIKA SLAUFAN Á FRÍMERKI
Krabbameinsfélagið hefur hannað frímerki með
Bleiku slaufunni og hefur Pósturinn tekið það í
sölu. Allur ágóði af sölu frímerkisins rennur beint
til Bleiku slaufunnar, herferðar Krabbameins-
félagsins gegn krabbameinum í konum.
Veldu öruggt start með TUDOR.
VERIÐ VELKOMIN Í NETTÓ
GRANDA OG MJÓDD
DAG SEM NÓTT
JÓLASKAP
Það er ágætt að byrja
jólainnkaup snemma til
að draga úr stressi auk
þess sem það kemur
betur út fyrir budduna.
MYND/GETTY
Á sumum heimilum eru jólagjafa-kaup stór liður í heimilisbók-haldinu. Margar gjafir þarf að
kaupa og fimmþúsundkallarnir fljótir
að fjúka. Gott er að setja saman lista
strax í byrjun október yfir gjafir sem
þarf að kaupa. Síðan ætti gefandinn að
reyna að forvitnast um hvað kæmi sér
vel hjá viðkomandi jólabarni og grípa
vöruna á tilboðsdögum verslana. Það
er hægt að spara mikla peninga með
fyrirhyggju. Hins vegar þarf að athuga
að flestar verslanir eru með skilafrest í
einn mánuð nema samið sé um annað.
Rannsóknarsetur verslunarinnar
hefur birt spár fyrir jólin um komandi
jólavertíð. Að sögn Emils B. Karlssonar
forstöðumanns verður spáin í ár ekki
tilbúin fyrr en í byrjun nóvember. Á
síðasta ári varð nokkur aukning í jóla-
sölu frá árinu áður eins og búist hafði
verið við.
„Fólk er ekki alveg komið í jóla-
skapið enn þótt snjóað hafi í Esjuna.
Við sendum tilkynningu og beiðni
eftir tillögum fljótlega. Síðan er sett
upp ákveðin valnefnd en hún finnur
út jólagjöfina í ár,“ segir Emil. „Við
munum í leiðinni koma með áætlun
um hver jólaverslunin gæti orðið. Þá
er velta ársins skoðuð og spár gerðar
eftir henni. Miðað við þá aukningu sem
orðið hefur í einkaneyslu á þessu ári
má búast við að hún eigi eftir að aukast
talsvert frá fyrra ári. Dregið hefur úr
verðhækkunum, sumar vörutegundir
lækkað og gengið styrkst. Allt þetta
gefur vonir um aukna veltu í verslun,“
segir Emil. „Við vitum að það hefur
orðið mikil aukning í sölu raftækja
á þessu ári. Vörugjaldslækkun sem
kemur til framkvæmda eftir áramót er í
sumum verslunum þegar komin á. Það
er jákvætt,“ segir Emil.
Sandra Arnardóttir, verkefnastjóri
markaðsdeildar hjá Smáralind, segir að
kaupmenn séu bjartsýnir með jóla-
sölu. Um 25-30 þúsund manns komu í
Smáralind á miðnæturopnun á fimmtu-
dag til að nýta sér afslætti sem í boði
voru. „Það var greinilegt að fólk var að
kaupa jólagjafir og nýta sér afslætti.
Við höfum verið með vel heppnaða
miðnæturopnun tvisvar á ári,“ segir
Sandra. Þegar hún er spurð hvort fleiri
slíkir tilboðsdagar verði til jóla, segir
hún það ekki ákveðið. „Yfirleitt eru
þetta óvæntar uppákomur, ákveðnar
með stuttum fyrirvara.“
■ elin@365.is
TÍMANLEGA FYRIR JÓLIN
GLEÐILEG JÓL Það er gott að sýna fyrirhyggjusemi fyrir jólin og byrja snemma
að kaupa jólagjafir. Margar verslanir eru með góð tilboð þessa dagana og um
að gera að nýta sér þau og minnka stressið í desember.
TILBOÐ Sandra Arnar-
dóttir segir að einhverjir
séu þegar byrjaðir að
kaupa jólagjafir.
RANNSÓKN Emil B.
Karlsson, forstöðu-
maður Rannsóknaseturs
verslunarinnar, segist
búast við meiri jólasölu
en í fyrra.