Fréttablaðið - 06.10.2014, Blaðsíða 46

6. október 2014 MÁNUDAGUR| LÍFIÐ | 22
THE EQUALIZER KL. 6 - 9
PARÍS NORÐURSINS KL. 5.45 - 8 - 10.15
VONARSTRÆTI KL. 6 - 9
BOYHOOD KL. 6 - 9
KL. 5.45 - 8 - 10.15
DRACULA LÚXUS KL. 10.45
THE EQUALIZER KL. 5 - 8 - 10.45
THE EQUALIZER LÚXUS KL. 5 - 8
THE MAZE RUNNER KL. 5.30 - 8 - 10.30
LET́S BE COPS KL. 5.45 - 8 - 10.15
PÓSTURINN PÁLL ÍSL. TAL 2D KL. 3.30
AÐ TEMJA DREKANN 2 ÍSL. TAL 2D KL. 3.30
SMÁHEIMAR 2D KL. 3.30
DRACULA UNTOLD 8, 10
SMÁHEIMAR 5:40
THE EQUALIZER 6, 9
WALK AMONG TOMBSTONES 5:40, 8, 10:20
LAUGARÁSBÍÓ Sýningartímar
ÁLFABAKKA
AKUREYRI
EGILSHÖLL
KRINGLUNNI
KEFLAVÍK
FRÁ ÞEIM SÖMU OG FÆRÐU OKKUR
THE CONJURING
THE FRIGHT FILE
ALLS EKKI FYRIR VIÐKVÆMA
HJÖRDÍS STEFÁNSDÓTTIR, MORGUNBLAÐIÐ
NÝGIFT Hjónin dvelja á eyju í Indlands-
hafi.
Hjónin nýgiftu Amal Alamuddin og
George Clooney eru farin í brúð-
kaupsferð og er staðsetningin ekki
af verri endanum. Héldu þau til
Seychelles-eyjanna í Indlandshafi
þar sem þau munu dvelja í lúxus
villu, en nóttin þar kostar tæp sjö
hundruð þúsund krónur á manninn.
Er eyjan sem þau dvelja á svo
afskekkt að einungis er hægt að
komast þangað með þyrlu. Þessi
staður er einkar vinsæll hjá fræga
fólkinu og hafa bæði Angelina Jolie
og Brad Pitt og svo Vilhjálmur prins
og Kate Middleton verið þar í fríi.
-asi
Íburðarmikil
brúðkaupsferð
ÞETTA var fyrsta stefnumótið. Ég var
með minn besta rakspíra og mjög stressað-
ur. Stelpan var sæt og tvítugi ég var alveg
til í kelerí. En fyrst þurfti ég að lifa þessa
kvöldstund af. Segja ekkert asnalegt og
reyna að slaka á.
VIÐ sátum á kaffihúsi sem er ekki lengur
til. Of ung til að kunna að meta kaffi
þannig að ég keypti bjór. Líklega hefur
hann kostað 500 kall eða minna. Svona
var þetta einu sinni. Já, og auðvitað
keypti ég líka bjór fyrir hana. Ég er
séntilmaður. Við spjölluðum um heima og
geima. Eftir hálftíma var allt stress
farið úr mér. „Þetta gengur bara
vel,“ hugsaði ég og ákvað að
nú væri rétti tíminn til að
segja eitthvað fyndið. Ég
man ekki hvað ég sagði en
hún hló. Til þess var leik-
urinn gerður.
ÉG man að hún hrós-
aði mér fyrir skeggið
mitt. Það var óalgengt
á þessum tíma að tví-
tugir menn væru með
skegg. Ég var með góðan vöxt sem ég safn-
aði í hökutopp. Ekki mín besta ákvörðun,
ég viðurkenni það, en passaði svo sem við
rakspírann. Við höfðum gleymt okkur og
nokkrum bjórum síðar var klukkan farin að
nálgast miðnætti. Kaffihúsið var að loka og
við ákváðum því að segja þetta gott. Húsið
hennar var á leiðinni heim til mín og við
vorum samferða. Ég ætlaði ekki að reyna
neitt. Sýna bara biðlund. „Stúlkur kunna að
meta það,“ hugsaði ég. Séntilmaður muniði.
Við nálguðumst híbýli hennar. Gengum
fram hjá söluturni. Ég mundi skyndilega
eftir orðagríni sem ég og vinur minn höfð-
um fundið upp. Það voru nefnilega mörg orð
inni í nafni söluturnsins. Ég sagði „hey“ og
benti stúlkunni á skiltið.
DREKINN – Rekinn – Ekinn – Kinn – Inn.“
Mögulega sagði ég líka Nn og N, ég man það
ekki alveg, en þögnin var þrúgandi. Gleðin
í augum hennar breyttist í spurningamerki.
Þetta var kannski fyndnara þegar ég og
vinur minn sögðum þetta. Hún hló ekki
neitt. Gaf bara frá sér lágt samúðarfliss.
Hvað var ég að spá?
ÞETTA var síðasta stefnumótið.
Rekinn
„Íslensk börn eru að meðaltali 11
ára gömul þegar þau sjá klám í
fyrsta skipti. Það segir okkur að
10-12 ára krakkar eru alls ekki
of ungir til að fá fræðslu því
þau þurfa að þróa með sér gagn-
rýna hugsun,“ segir Brynhildur
Björnsdóttir, leikstjóri myndar-
innar Stattu með þér! sem frum-
sýnd verður í öllum grunnskólum
landsins á fimmtudaginn.
Brynhildur og Þórdís Elva Þor-
valdsdóttir unnu myndina saman
og er hún sjálfstætt framhald
„Fáðu já!“ sem þær stöllur gerðu
ásamt Páli Óskari. Sú mynd var
ætluð börnum í 10. bekk en mynd-
irnar eiga það sameiginlegt að
vera forvarnarmyndir gegn kyn-
ferðisofbeldi.
„Við fengum þau skilaboð frá
krökkunum sem sáu Fáðu já! að
þau hefðu viljað fá þessa fræðslu
fyrr. Börn á aldrinum tíu til tólf
ára eru markhópur fyrir alls kyns
kynferðisleg skilaboð löngu áður
en þau komast á unglingsaldur,“
segir Brynhildur.
Í myndinni er ekki fjallað á
beinan hátt um kynlíf og klám
heldur er verið að reyna að undir-
búa börnin fyrir áreitið sem þau
munu verða fyrir frá umhverfinu.
„Við viljum að þau noti gagnrýna
hugsun þegar þau þurfa að taka
ákvörðun um hvort þau til dæmis
sendi nektarmynd af sér vegna
þrýstings frá félögum. Einnig
förum við yfir hluti eins og fjöl-
miðlalæsi, líkamsvitund, að vera
stoltur af líkama sínum og tökum
þar photoshop sérstaklega fyrir,“
segir Brynhildur og vonar að
árangurinn verði að börn standi
með eigin skoðunum og viðhorf-
um í stað þess að taka þátt í ein-
hverju sem þeim þykir óþægilegt,
þótt auðvitað beri gerendur alltaf
ábyrgð á ofbeldi en ekki þeir sem
verða fyrir því. Fyrst og fremst
þurfi börn þó að bera virðingu
fyrir sjálfum sér.
erlabjorg@frettabladid.is
Efl a gagnrýna hugsun áður
en börn byrja að skoða klám
Stuttmynd um sjálfsvirðingu, ofb eldi og mikilvægi þess að setja mörk verður sýnd öllum 10-12 ára börnum í
grunnskólum landsins í vikunni. Myndin er sjálfstætt framhald hinnar vinsælu Fáðu já! og er fyrir yngri börn.
95% fannst myndin áhugaverð.
66% fannst þau skilja betur muninn á kynlífi í raunveruleikanum og
kynlífi sem sýnt er í kvikmyndum eða klámi.
70% fannst þau skilja betur hvað það þýðir að fá samþykki fyrir kynlífi.
58% stráka og 34% stelpna töldu auðveldara að tala um kynlíf við þann
sem þá langar að stunda kynlíf með.
Árangur myndarinnar Fáðu já!
➜ Könnun á meðal unglinga í 10. bekk
ÖFLUGT TEYMI
Þórdís Elva
Þorvaldsdóttir
samdi handritið
fyrir Stattu með
þér! en myndin
er fyrsta leik-
stjórnarverke-
fni Brynhildar
Björnsdóttur.
FRÉTTABLAÐIÐ/VALLI
BAKÞANKAR
Hauks Viðars
Alfreðssonar
★★ ★ ★★
Sumarnætur
(Nuits d‘été)
LEIKSTJÓRI: Mario Fanfani
IMDB: 5,9
Sumarnætur er fyrsta bíómynd
franska leikstjórans Mario Fan-
fani. Sumarnætur gerist í Frakk-
landi árið 1959 á meðan Alsírs-
stríðið var í fullum gangi. Michel
(Guillaume de Tonquedec) er upp-
rennandi stjórnmálamaður sem
er í fullkominni sambúð, að því er
virðist, við Hélèn (Jeanne Balibar).
Michel býr þó yfir leyndarmáli.
Hverja helgi heldur hann í sveita-
setrið Les Epicéas þar sem hann
verður Mylène. Þar fær hann sína
útrás ásamt gömlum vini sínum
úr stríðinu, Jean-Marie (Nicolas
Bouchaud), sem er dragdrottning
og skemmtikraftur.
Sumarnætur fjallar á merkileg-
an hátt um þetta tímabil og hversu
þungt það hefur verið að þurfa að
fela það að vera klæðskiptingur.
Myndin fjallar líka um kröfurnar
sem voru gerðar til þeirrar kyn-
slóðar karlmanna sem barðist í
seinni heimsstyrjöldinni, og síðan
15 árum síðar í alsírska stríðinu.
Þótt það séu mörg ljúf augnablik
í myndinni þá náði hún ekki alveg
að halda athyglinni í 100 mínútur,
og skotin virðast stundum dálítið
klunnaleg. Þar fyrir utan er þetta
merkileg mynd með áhugavert
umfjöllunarefni en atriðin í dragg-
klúbbnum eru líklega hápunktur-
inn – þarna var menning og tón-
list í gangi sem er ekki oft fjallað
um og var kannski jafnvel á undan
sinni samtíð. - þij
Afi þinn var klæðskiptingur
GLÆSILEGAR Atriðin í draggklúbbnum eru líklega hápunktur myndarinnar.
MYND/SKJÁSKOT