Akureyri - 27.03.2014, Síða 16

16 12. tölublað 4. árgangur 27. mars 2014
Tilbúið á einungis 2-3 mín .
Ferskt og fljótlegt!
Þrekvirki hjá Þingeyingum
Síðastliðinn laugardag frumsýndi
Leikdeild Eflingar í samkomuhúsinu
á Breiðumýri glænýtt íslenskt verk,
Í beinni, eftir Hörð Þór Benónýsson
með tónlist eftir Jaan Alavere í leik-
stjórn Jennýjar Láru Arnórsdóttur
og tónlistarstjórn Jaan Alavere og
Péturs Ingólfssonar.
Verkið er samtímaverk sem gerist
á einum sólarhring um verslunar-
mannahelgina á ýmsum stöðum á
landinu, auk þess sem beinar út-
sendingar frá útvarpsstöðinni FM
101 eru í gangi. Má segja að verkið sé
gamandrama þar sem m.a. er fjallað
á grátbroslegan hátt um fréttamat
nútímans, auk þess sem skyggnst
er nánar í fjölskyldulíf nokkurra
persóna.
Í sýningunni taka þátt 25 leik-
arar, fjögurra manna hljómsveit og
að tjaldarbaki er fjölmennur hópur
fólks sem vinnur að sýningunni með
einum eða öðrum hætti.
Að sögn Freydísar Önnu Arn-
grímsdóttur formanns leiknefndar-
innar gekk frumsýningin vonum
framar þar sem veðrið var búið að
setja stórt strik í reikninginn á loka-
spretti æfingaferilsins. Á frumsýn-
ingardaginn komust allir leikarar í
hús og sýndu hvers þeir eru megn-
ugir með flottri sýningu.
Mikill fögnuður braust út að lok-
inni frumsýningu um helgina. „Þetta
er þrekvirki, ekkert annað,“ sagði
frumsýningargestur sem blaðið hafði
tal af.
Má geta þess að nokkur hópur
nemenda Framhaldsskólans á Laug-
um, sem nú eru fórnarlömb kennara-
verkfalls, eru meðal leikara.
Sýningar á, Í beinni, verða næst-
komandi helgar á Breiðumýri í
Reykjadal og er sýningarplan fram
að páskum inn á leikdeild.is.
Að venju verða kvenfélagskon-
ur með kaffi og vöfflur á sýning-
um. Einnig býður Dalakofinn upp
á sérstakt leikhústilboð í samstarfi
við Eflingu þar sem hægt er að fá
saman í pakka mat og leikhúsmiða.
Af þessu má sjá má að leiksýning
sem þessi hefur margvíslegs áhrif
inn í sveitarfélagið.
Miðapantanir eru í síma 618-3945
eða á leikdeild@leikdeild.is
Facebooksíða Leikdeildar Efl-
ingar a
LANDSMÓT KVÆÐAMANNA
Kvæðamenn landsins hittast nú í annað sinn á formlegu landsmóti á Siglufirði
um næstu helgi, 28. – 30 mars. Boðið verður upp á fjölbreytilega dagskrá
með námskeiðum í kveðskaparlist og tvísöng. Kennarar verða Bára Gríms-
dóttir og Steindór Andersen.
Á föstudagskvöldi verða tónleikar með Steindóri Andersen og Hilmari
Erni Hilmarssyni í Bátahúsi Síldarminjasafnsins og hefjast þeir kl. 20. Á
laugardagskvöldi verður opin kvöldskemmtun í Rauðku með málsverði og
skemmtiatriðum.
Landsmótið á sér upphaf í móti norðlenskra kvæðamanna á Siglufirði
fyrir tveimur árum og í fyrra voru Landssamtök kvæðamanna, Stemma,
stofnuð. Formaður er Guðrún Ingimundardóttir á Siglufirði.
Áhugavert erindi
Hinn þekkti kanadíski sérfræðing-
ur í fornleifarannsóknum Birgitta
Wallace mun halda erindi í Háskól-
anum á Akureyri sunnudaginn 30.
mars. Birgitta fjallar um heimildir
fyrir landafundum og landnámi nor-
rænna manna á Vínlandi fyrir rúm-
lega þúsund árum og ferðalög þeirra
um austurströnd Norður-Ameríku.
Birgitta kemur hingað til lands
á vegum Þjóðræknisfélags Ís-
lendinga. Hún mun halda fjóra fyr-
irlestra um rannsóknir sínar, þ. á m.
í Þjóðminjasafni Íslands, Háskól-
anum á Hólum og í Háskólanum á
Akureyri.
Fyrirlesturinn í HA sunnudaginn
30. mars fer fram í stofu M 102 á Sól-
borg. Aðgangur er ókeypis og öllum
heimill. Fyrirlesturinn er á ensku.
Halldór Árnason, formaður Þjóð-
ræknisfélags Íslendinga, segir um
mjög áhugaverðan fyrirlestur að
ræða. Birgitta hafi víða birt niður-
stöður víðtækra rannsókna sinna á
norrænu landnámi vestanhafs og
stjórnað uppbyggingu Víkingasafns.
„Birgitta Wallace hefur sett fram
rökstuðning fyrir staðsetningu ým-
issa staðaheita sem koma fram í Ei-
ríkssögu rauða og Grænlendingabók.
Þannig telur hún að Straumfjörður,
Leifsbúðir og L‘Anse aux Meadows
sé einn og sami staðurinn. Ennfrem-
ur að Helluland og Markland séu
Baffinseyjar og Labrador.“ a
GLEÐI RÍKTI HJÁ Aðstandendum Leikdeildar Eflingar að lokinni frumsýningu. Hörður Þór Benónýson handritshöfundur lengst til vinstri. Jenný lengst til hægri. Víðir Péturs.