Akureyri - 29.05.2014, Blaðsíða 4

4 20. tölublað 4. árgangur 28. maí 2014
Steinsmiðja Akureyrar • Glerárgötu 36 • S: 466 2800 • sala@minnismerki.is • www.minnismerki.is
Opnunartímar: Mán. - fim. kl. 13:00-18:00, föst. kl. 13:00-17:00
Frábært úrval af minnismerkjum!
Fagmennska • Gæði • Gott verð • 25 ára reynsla
Reynt að auka fitu í mjólk
Hjá Bústólpa hafa verið þróaðar og
settar í sölu tvær nýjar kjarnfóð-
urblöndur sem ætlað er að tryggja
hámarksefnamagn í mjólk, bæði
fitu og prótein, um leið og nyt er
hámörkuð. Með þessu fóðri eru
sameinaðir kostir hefðbundinna
fiskimjölsblandna Bústólpa og
sérblandna sem ætlað er að vinna
sérstaklega gegn lágu fituinnihaldi
í mjólk.
Frá því að upp kom sú staða
að verulegt magn mjólkur vantaði,
og þá sérstaklega fitu, til að sinna
þörfum markaðarins hefur verið
leitað allra leiða til að ná aukinni
nyt og aukinni fitu í mjólk með
aukinni kjarnfóðrugjöf. „Frá þeim
tíma hafa verið reyndar hjá Bú-
stólpa ýmsar sérblöndur sem inni-
halda hátt hlutfall sykurrófuhrats...
jafnhliða þessu höfum við unnið að
þessum nýju fóðurblöndum sem nú
eru komnar á markað,“ segir í til-
kynningu frá Bústólpa.
Við þessar aðstæður er mik-
ilvægt að glata ekki þeim góða
árangri sem náðst hefur í mjólk-
urmagni og próteininnihaldi mjólk-
urinnar með gjöf á fiskimjölsríkum
fóðurblöndum Bústólpa. Þegar
hækka á fituna er því mikilvægt
að horfa til allra efnaþáttanna og
mjólkurmagnsins í einu, með því
móti einu ná bændur að hámarka
afurðir sínar og afkomu.
„Tilraunir hafa sýnt að fóðrun
með kúafóðri Bústólpa sem inni-
heldur ríkulegt magn af hágæða
fiskimjöli (háprótein kolmunna-
mjöl) gefa besta raun. Þannig hafa
samanburðartilraunir sýnt að gefa
þarf 10-12% meira magn af jurta-
próteinblöndum okkar til að ná
sama árangri í mjólkurmagni. Þetta
skiptir nú enn meira máli þegar
auka á kjarnfóðurgjöf til að ná
hámarks nyt þar sem augljóslega
er hægt að auka gjöf af fiskimjöls-
blöndunum meira án þess að það
valdi truflun á meltingarstarfsemi
kúnna.“ a
Fær ríkið Hofs-
staði á silfurfati?
Jörðin Hofsstaðir í Mývatnssveit
kann að verða ríkiseign innan tíðar.
Jörðin er mikil hlunnindajörð, ekki
síst vegna þess að Laxá í Mývatns-
sveit rennur um jörðina. Þá hefur
stórmerkur fornleifauppgröftur
farið fram á landareigninni.
Tveir bræður bjuggu síðast á
Hofsstöðum. Þeir eru báðir látnir,
sá seinni lést fyrir nokkrum vikum.
Bræðurnir voru báðir barnlausir og
með fráfalli þeirra horfir í að ríkið
fái jörðina frítt. Enginn lögerfingi
hefur fundist að jörðinni og ekki
var gerð erfðaskrá. Sveitarfélagið
Skútustaðahreppur hefur ásælst
jörðina auk þess sem nágranna-
bændur hafa nýtt hluta Hofsstaða-
landsins undir beit. Þeim þykir sárt
að missa afnot af landinu.
Fulltrúi sýslumanns á Húsavík
segir of snemmt að spá fyrir um
lyktir málsins. Hann telur þó lík-
legt að ríkið fái jörðina. Ef enginn
gefi sig fram sem lögerfingi verði
krafist opinberra skipta. Sam-
kvæmt erfðalögum fái ríkið jarðir
ef enginn njóti erfðaréttar. Erfða-
lögin séu frá 1962 og hafi meira
gildi en ella komi til álitamála, þar
sem ekki hafi verið hróflað við þeim
svo lengi.
Leigutekjur af Laxá í Mývatns-
sveit eru sagðar nema mörgum
milljónum árlega auk annarra
hlunninda. a
Konur í Eyjafirði tvöfalt
menntaðri en karlar
Kreppunni er lokið í Eyjafirði. Þetta
segir Jón Þorvaldur Heiðarsson
hagfræðingur og kennari við HA
en hann flutti fyrirlestur í síðustu
viku þar sem kynnt var ný skýrsla
að frumkvæði AFE.
„Kreppunni er lokið í Eyjafirði og
nú virðast hafa skapast skilyrði til
að sækja fram, sérstaklega hjá fyr-
irtækjum. „Við spiluðum varnar-
leik eftir hrunið, en nú er kominn
tími á sóknarleik.“
Hagfræðingurinn skoðaði gögn
frá skattinum og Hagstofunni og
fann út að ekki væri lengur hægt
að halda fram að Eyjafjörður væri
láglaunasvæði heldur væru með-
altekjur á pari við landið. Tekju-
skattstofn hefði vaxið örugg-
lega frá hruni en heildartekjur á
einstakling væru 220.000-300.000
kr. að jafnaði á hvern einstakling á
Eyjafjarðarsvæðinu, börn meðtalin.
Hæstur tekjurnar eru í Dalvík og
Fjallabyggð. Tekjur í eyfirskri sveit
eru almennt lægri en á Akureyri.
Ein stærsta fréttin er að sögn Jóns
Þorvaldar að eigið fé fyrirtækja
í Eyjafirði óx úr 90 milljörðum
í 2008 í 135 milljónir árið 2012!
„Þetta er eiginlega alveg lygilegt.
Og við erum ekki bara að tala um
sjávarútveg heldur eru öll fyrirtæki
á uppleið.“
Fleiri áhugaverðar niðurstöður
voru kynntar. Mun færri háskóla-
menntaðir eru að meðaltali búsett-
ir í Eyjafirði en á landinu í heild.
Þegar greint er eftir kyni kem-
ur á daginn að háskólamenntun
eyfirskra kvenna er að nálgast
landsmeðaltal, en karlar eru langt
fyrir neðan landsmeðaltal. „Það
sem vekur mig mest til umhugs-
unar er þetta hutfall, fyrir hverjar
tvær háskólamenntaðar konur er
bara einn karl. Hver er skýringin?“
Spurði hagfræðingurinn.
Í umræðum um þetta kom fram
að nærtækt væri að álykta að
80% nemenda við HA væru kon-
ur. Þar væri kenndar hefðbundn-
ar „kvennagreinar“ s.s. hjúkrun
og kennaranám. „Ef við ætlum að
breyta þessu er fyrsta skrefið að
bjóða upp á nám sem karlar sækja
í, tölvunarfræðinám, verkfræði
eða tæknifræði,“ sagði fundar-
gestur.
Fram kom að ef svo færi sem
horfði yrðu allir karlar í Eyjafirði
senn undir stjórn háskólamennt-
aðra kvenna. Ef marka má hlekki
kynjakerfisins og undirskipun
kvenna verður þó að álykta að
önnur framtíðarsýn sé mögu-
leg. Að menntaðar konur þurfi að
lúta stjórn ómenntaðra eyfirskra
karla. Sú útkoma væri í takt við
niðurstöður ýmissa alþjóðlegra
rannsókna. Konur mennta sig meir.
Karlar hafa völdin.
-BÞ
KONUR ERU 80% af nemendum Háskólans á Akureyri, það kann að mjög hallar nú á hlutfall menntaðra karla í Eyjafirði. Völundur