Akureyri - 29.05.2014, Blaðsíða 8

8 20. tölublað 4. árgangur 28. maí 2014
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjabúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjorn@akureyrivikublad.is eða hringið í síma 862 0856.
LOF OG LAST VIKUNNAR
LOF fær Framsóknarflokkurinn fyr-
ir góða nýtingu atkvæða. Svo skrifar
Eyrarpúki í bréfi til blaðsins. „Fyrir borg-
arstjórnarkosningar ekki alls fyrir löngu
fluttu Framsóknarmenn fólk af erlendu
bergi brotnu í rútuförmum á kjörstað og
hermdu fregnir að þeir hefðu greitt fólkinu
fyrir atkvæðin með mat og öðru góðgæti.
Nú herma fregnir að Framsóknarmenn ætli
að sparka þessu sama fólki og trú þess útí
hafsauga og fá í staðinn atkvæði íslenskra
útlendingahatara sem munu vera um 20%
þjóðarinnar samkvæmt áliti eins fjölmargra
álitsgjafa Háskólasamfélagsins. Já, þrátt
fyrir að vera oftast tengdir við landbúnað
verður ekki annað sagt en Framsóknar-
menn kunni að haga seglum eftir vindi,“
skrifar Eyrarpúkinn...
LAST fá umhverfissóðar, segir bæjarbúi
sem sendi blaðinu bréf. „Á Akureyri og í
kringum Akureyri eru margir fallegir staðir
sem henta vel fyrir útivist. Staðir sem við
öll höfum aðgang að, án endurgjalds.
Það er því sorglegt til þess að vita að sumt
fólk virðist engan veginn bera virðingu fyr-
ir umhverfi sínu og náttúrunni og gengur
vægast sagt illa um. Um síðustu helgi fór-
um við konan á fallegan stað beint á móti
Akureyri sem okkur er kær og við notum
mikið. Aðkoman þar var ömurleg, bjór- og
gosdósir skildar eftir sem og tvö einnota
grill, hálfbrunnið spýtnabrak, umbúðir
utan af ávaxtasöfum, servíettur út um
allt, matarleifar og mannaskítur. Það er
ömurlegt að verða vitni að slíkri umgengni
og alveg ótrúleg hugsun eða hugsunaleysi
sem þar liggur að baki. Maður verður
bæði reiður og sorgmæddur þegar maður
verður vitni að svona hlutum. Um leið og
ég vil LASTA þá sem eiga sök á þessu
vil ég hvetja fólk til þessa að nota íslenska
náttúru en ganga vel um hana og þrífa
upp eftir sig,“ skrifar bæjarbúinn.
LOF fær starfsfólk Giljaskóla og þá ekki
síst starfsmenn sérdeildarinnar. Svo mælir
kona sem hringdi inn lofið. „Það er ekki
annað hægt en að hrósa þeim, það er ekki
betri staður til fyrir börnin. Sama mætti
segja um vistunina í gamla húsmæðraskól-
anum. Það hlýtur að vera gott fólk sem
ræðst til svona starfa,“ segir konan.
AKUREYRI VIKUBLAÐ 20. TÖLUBLAÐ, 4. ÁRGANGUR 2014
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjorn @ akureyrivikublad.is, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
X börn
Blaðamennska er umdeild eins og öll mannanna verk. Hún liggur vel við höggi vegna sýnileikans.
Stundum verða blaðamenn boxpúðar almennings í
kjölfar skrifa sinna. Stundum vegna þess að þeir eiga
það skilið. En stundum eru blaðamenn líka skotnir sem
sendiboðar vondra tíðinda, vegna réttra frétta sem ýfa
upp tilfinningar okkar og sýna að veröldin er ekki eins
fullkomin og mörg okkar viljum trúa.
Orðtakið að skjóta sendiboðann vísar til þess að
til forna er sagt að póstburðamaður sem hljóp langa
leið með bréf handa yfirvaldi hafi verið drepinn vegna
vondra frétta í bréfinu. Morð á sendiboðum vondra
frétta tíðkast enn víða í heiminum en hér á landi eru
blaðamenn frekar skotnir með vandlætingu en bys-
sukúlu. Í síðasta tölublaði unnu starfsmenn Akureyr-
ar vikublaðs mikla rannsóknarvinnu, þeir hlupu með
„vonda frétt“ eins og póstburðarmaðurinn forðum og
birtu. Fjallað var um barnavernd, tímabundna svipt-
ingu forræðis og umdeilda ákvörðun barnayfirvalda.
Umræðan hefur síðan farið út um víðan völl en margt
hefur gagnlegt komið fram.
Opinberir starfsmenn geta oft ekki sagt það sem þeir
vildu segja vegna trúnaðar. En þau rök að öll mál sem
tengist trúnaði skuli ætíð falla utan sviðs fjölmiðlanna
standast enga skoðun. Þótt blaðamenn skrifi að jafnaði
ekki um einstök barnaverndarmál á meðan þeim vindur
fram er mat Akureyrar vikublaðs var að sagan sem sögð
var í síðasta blaði varði almannahagsmuni. Að það sé
ekki bara réttur almennings að fá upplýsingar heldur
skylda blaðsins að miðla almenningi upplýsingum.
Við gerum öll mistök, sjálfur geri ég oft mistök. Til
dæmis yfirsást mér að blaðið birti rangt höfundar-
nafn með aðsendri grein í síðustu viku. Mig langar
að biðja frambjóðanda Framsóknarflokksins Siguróla
Sigurðsson afsökunar á því. Þá var oddviti BF kallaður
oddviti Dögunar á öðrum stað. Í kjölfar mistakanna
varð endurskoðun á vinnulagi okkar sem vonandi mun
leiða til færri vinnslumistaka. Ef mistök hafa verið
gerð í umræddu barnaverndarmáli þarf að endurskoða
vinnulag. Endurskoðun kann að leiða til betra barna-
verndarstarfs. Kannski þarf að leiðrétta mistök með
sama hætti og blöðum ber að leiðrétta eigin bommertur.
Mistök verða vegna þess að við erum mannleg og
allir menn gera mistök. Mistök ber ekki að hræðast
heldur læra af þeim. Stundum þarf að fjalla opinberlega
um vafa á mistökum. Oft þarf þess ekki. En stundum
ber nauðsyn til.
Blaðamönnum ber að segja frá hlutunum eins og þeir
sjá þá, að því gefnu að reynsla þeirra, menntun og sér-
fræðikunnátta hafi skapað þeim heilbrigða dómgreind.
Hver á að gæta hagsmuna varnarlausra barna ef
ekki blaðamenn?
X börn. Réttur þeirra sem hafa minnstar varnir og
veikasta rödd ætti að vera á dagskrá blaðamanna alla
daga ársins.
Björn Þorláksson
AÐSEND GREIN RAGNAR SVERRISON
Þrenging hugarfarsins
Fátt er sorglegra en þegar velviljaðir
menn hafa ekki yfirsýn yfir mikilvæg
málefni en hreiðra um sig í einum
afmörkuðum kima og festast þar án
tengsla við heildarmyndina. Verra er
þó þegar slík þrenging hugarfarsins
leiðir af sér viðskilnað við staðreyndir
sem fyrir liggja og ekki á að þurfa að
deila um. Þetta hlutskipti valdi Njáll
Trausti Friðbertsson sér með grein sinni
í síðustu viku um ný samþykkt mið-
bæjarskipulag Akureyrar. Hann held-
ur því fram að stærsta breyting þessa
nýja skipulags sé þrenging Glerárgötu
í gegnum miðbæinn og fullyrðir jafn-
framt að Vegagerðin hafi sett sig á móti
þeirri niðurstöðu sem fékkst í löngu og
vönduðu ferli. Við þennan málflutning
vil ég gera alvarlegar athugasemdir.
Í góðri sátt við Vegagerðina
Þegar metið er hver er stærsta breyting
með nýja miðbæjarskipulaginu er ekki
nokkur vafi á að þar skiptir mestu vilji
íbúaþingsin
s frá 2004 að mynda skjólsælan bæj-
arhluta, lágreista byggð og tengingu
við sjóinn. Á tíu ára ferli og með
gríðarlegri vinnu tókst að útfæra þessa
sýn og fylgja eftir vilja bæjarbúa sem
nú birtist í nýju miðbæjarskipulagi.
Ofangreind atriði eru að mínu mati
mikilvægustu breytingarnar og allt
annað útfærslur á því. Hitt er fjarri
lagi að þrenging Glerárgötu sé stærsta
breytingin eins og Njáll Trausti held-
ur fram enda þótt hún skipti auðvitað
máli. Niðurstaðan varð sú að hægja
þyrfti umferð um Glerárgötu í gegn-
um miðbæinn enda mannlífið á þessu
svæði sett í öndvegi. Því var eðlilegt
að þrengja götuna frá Grænugötu suð-
ur að Kaupvangsstræti og setja þar
40 km hámarkshraða. Kallað var eft-
ir athugasemdum við útfærsluna og
komu meðal annars fram ábendingar
frá Vegagerðinni. Tekið var tillit til
þeirra í lokaútfærslunni og þannig
samþykkti Vegagerðin hana fyrir sitt
leyti. Allar fullyrðingar Njáls Trausta
um að útfærsla Glerárgötunnar sé í
blóra við Vegagerðina og almennar
viðmiðanir eru því út í hött.
Rangar fullyrðingar
Njáll Trausti segir ennfremur: „það
getur reynst þrautin þyngri að koma
á breytingum síðar þegar búið er
að byggja verslunar-, skrifstofu- og
íbúðarhúsnæði upp að götu eins og
dæmin sanna.“ Af því dregur hann
þá ályktun að ekki verði mögulegt að
breikka götuna síðar ef óskað verður
eftir því. Hér eru staðreyndirnar ansi
mikið farnar að þvælast fyrir mínum
manni því í skipulaginu eins og það
hefur verið samþykkt var fallið frá því
að byggja slík hús ofan í götuna. Þar
verða því engin hús til að fjarlægja ef
breikka þarf götuna í framtíðinni. Því
eru ályktanir hans fallnar um sjálfa sig
og ekki framlag til vitrænnar umræðu.
Bara á móti
Auðvitað er sjálfsagt að taka undir orð
Njáls Trausta um að auka enn frekar
umferðaröryggi í bænum. Það gerist
aðeins með uppbyggilegri samvinnu
bæjarbúa og þeirra sem falið er að
stjórna bænum hverju sinni. Hitt er
öllu snúnara þegar hann boðar bæjar-
búum þá stefnu Sjálfstæðismanna að
þeir muni hafna þrengingu Glerárgötu.
Auðvelt að vera á móti en öllu hall-
ærislegra þegar menn bjóða enga aðra
lausn í staðinn. Það gerist tæpast öllu
snautlegra veganestið sem Sjálfstæð-
isflokkurinn býður kjósendum upp á
að þessu sinni. Lítil næring í því. a
AÐSENT
Ragnar Sverrisson
HÚSVÍKINGUM BARST GÓÐ gjöf um helgina þegar flogið var með Náttfara á fyrsta farrými með Arngrími Jóhannssyni flugkappa. Kristinn G.
Jóhannsson, bróðir Arngríms málaði myndina. Aðstoðarflugmaður í ferðinni var Ólafur Ragnar Grímsson, forseti Íslands. Völundur