Akureyri - 05.06.2014, Page 8

8 21. tölublað 4. árgangur 5. júní 2014
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjabúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjorn@akureyrivikublad.is eða hringið í síma 862 0856.
LOF OG LAST VIKUNNAR
LAST fær veitingastaðurinn Strikið
á Akureyri, skrifar bæjarbúi sem sendi
blaðinu bréf. „Við hjónin áttum pantað
borð á Strikinu 31. maí og ætluðum að
halda upp á fimm ára brúðkaupsafmæli.
Við komum á staðinn, borðið var ekki
tilbúið en svo fengum við sætin og biðum
... og biðum ... og biðum. Aldrei talað
við okkur! Virt að vettugi. Biðum í tæpan
hálftíma og ekkert talað við okkur!! Geir
Kristinn forseti bæjarstjórnar og konan
hans komu þarna (án þess að hafa pantað
borð skilst mér) og fengu borð og komin
með drykki innan skamms! Par sem kom
á eftir okkur inn var komið með drykki og
brauð ... ömurleg þjónusta og við algjör-
lega hunsuð. - Hringdum á La vita é Bella
og fengum borð þar og bara æðislegan
mat og frábæra þjónustu. Við munum
framvegis halda upp á okkar áfanga þar
en ekki koma nálægt Strikinu aftur,“ skrif-
ar bæjarbúinn og er mikið niðri fyrir...
LAST fá öll framboð á Akureyri fyrir
að hafa yfirgefið kynningarbása sína á
Glerártorgi allt of snemma daginn fyrir
kosningar, segir maður sem hringdi í blað-
ið. Hann var á röltinu daginn fyrir kosn-
ingar og var ekki búinn að gera upp hug
sinn, ætlaði að spyrja fulltrúa allra flokka
um ákveðið mál en þegar hann gekk um
Glerártorg síðdegis á föstudag voru fulltrú-
ar allra flokka horfnir á braut nema fulltrúi
Framsóknarflokksins, Sjálfstæðisflokks
og Dögunar. „Þau framboð fá lof, en hin
last,“ segir bæjarbúinn.
LOF fær Blómaval á Akureyri, segir kona
sem hringdi í blaðið fyrir hönd vinkvenna-
hóps. Þær fóru nokkrar saman um síðustu
helgi í Blómaval og „... það var svo
einstaklega hreint og fínt allt saman þar
sem sumarblómin eru seld. Maður hefur
oft áður hreinlega vaðið þarna í mold og
drullu en nú var allt tipp topp, nýþrifið,
uppraðað og aðgengilegt. Þarna var líka
kona að vinna með einstaka þjónustulund
og algjör viðbrigði síðan í fyrra. Þau hafa
tekið sig hressilega á og eiga allt það
besta skilið fyrir vikið,“ segir konan...
AKUREYRI VIKUBLAÐ 21. TÖLUBLAÐ, 4. ÁRGANGUR 2014
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjorn @ akureyrivikublad.is, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
Sveltur sitj-
andi kráka
Kjörsókn Akureyringa var skárri en í sumum bæjarfélögum, eigi að síður afleit. Fræðingar
hafa stigið fram og velt vöngum yfir skýringum.
Rætt hefur verið um hvort rafræn kosning sé málið,
hvort aka þurfi ungmennum líkt og gamalmennum
á kjörstað, því krakkarnir okkar séu keyrða kyn-
slóðin! Hvort dræm þátttaka hafi aukið fylgi gömlu
valdaflokkanna. Ræða verður málin.
Í skýrslu ÖSE sem fjallaði um framkvæmd kosn-
inga til Alþingis árið 2009 hér á landi voru gerðar
nokkrar athugasemdir. Þær lutu meðal annars að
auglýsingum og pólitík, sambandi fjölmiðla, frétta
og kosninga og misvægi atkvæða eftir svæðum. En
sérstaklega var tekið fram sem hraustleikamerki
lýðræðis hér á landi að kjörsókn væri góð sem benti
til virkrar þátttöku borgara í lýðræðinu.
Aðeins fimm árum síðar er kjörsókn hrunin hér
á landi. Hið virka lýðræði reyndist óvirkt síðast-
liðinn laugardag. Í umræðu um málið hefur verið
spurt hvernig hægt sé að virkja fólk til þess að
kjósa eins og sökin liggi öll hjá þeim sem heima
sátu. En enn betri spurning er: Hvers vegna kýs
fólk ekki? Og fyrst það kýs ekki, verður þá ekki
að bregðast við því?
Hvar sem maður fór síðustu dagana fyrir
kosningar hitti maður fólk sem sagðist ekki ætla
á kjörstað. Það var ekki bara ungt fólk. Sumir
höfðu á orði að þeir „væru búnir að gefast upp“.
Að hér einkenndist mestöll stjórnsýsa af tengsl-
um og tengslahyggju. Að heimskan réði ríkjum,
að millistéttin væri æ minna með í ráðum. Nefnd
voru dæmi um dekur við hina best settu, svo sem
sægreifana, og frumvörp sem gerðu hæst launuðum
kleift að auka enn hagnað sinn.
En sveltur sitjandi kráka. Sá sem lætur duga
að nöldra á götuhorninnu um að stjórnmálamenn
séu eignir hagsmunaafla og forréttindahópa er ekki
líklegur til að breyta samfélaginu. Að setja læk
við status á facebook er ekki ígildi virkrar afstöðu
líkt og þeirrar að mæta í kröfugöngu eða koma á
kjörstað og leyfa eigin rödd að heyrast.
Lýðræðið er skrumskælt, spillt og bjagað en
það er ekki í boði að gefast upp. Virk félagsaðild
er vopn. Að nýta sér félagsfrelsi og skoðanafrelsi,
skrifa greinar, viðra vilja, mæta á kjörstað og sýna
valdhöfum aðhald. Það eru lyklar að betri framtíð.
Björn Þorláksson
AÐSEND GREIN ODDUR HELGI HALLDÓRSSON
Ég hlakka svo til
Fjórða árið í röð er nú boðið upp á
beint flug frá Akureyri til Slóveníu.
Það er Ferðaskrifstofan Nonni, sem
hefur séð um þessar ferðir. Það hefur
verið farin ein ferð á ári.
Það kemur flugvél með slóvenska
ferðamenn og fer með Íslendinga til
baka. Dvalið er ytra í átta nætur og svo
haldið heim á leið þar sem Slóvenarn-
ir bíða heimferðar. Ég átti þess kost
þegar fyrstu Slóvenarnir komu hing-
að sumarið 2010 að taka á móti þeim
og gróðursetja með þeim tré í Kjarna-
skógi. Búa til vinalund. Við þá athöfn
var sendiherra Slóveníu líka. Þetta er
fallegur siður sem haldið hefur verið
síðan Þegar flugvélin lendir er byrjað
á að gróðursetja, áður en farþegarnir
dreifa sér um landið, en ýmist dvelja
þeir hér á Akureyri eða ferðast um
landið á eigin vegum eða í skipulögð-
um hópferðum.
Við hjónin fórum til Slóveníu 2013.
Sú ferð var á allan hátt frábær og við
ákváðum strax þegar við komum heim
að fara aftur. Því leggjum við land
undir fót 18. júní. Beint frá Akureyri.
Þetta er innan við fjögurra tíma flug.
Skipulag og fararstjórn er alveg til
fyrirmyndar og því hiklaust hægt að
mæla með þessum ferðum.
Slovenía er eitt fallegasta og
skemmtilegasta land sem ég hef komið
til. Þar er margt að skoða og aðstaða
mjög góð til að njóta þess að vera í
fríi. Góðar sólarstrendur, hrein náttúra
og fallegt landslag. Margir merkileg-
ir staðir eins og t.d. Postojna dropa-
steinshellarnir, Bledvatn og Bohinj
þjóðgarðurinn. Fólkið er afskaplega
elskulegt og því er notalegt að dvelja
þarna. Síðast fórum við í nokkrar
skoðunarferðir, sem voru afskaplega
skemmtilegar, en núna ætlum við
njóta þess að vera í Portoroz og baða
okkur í sólinni og Adríahafinu.
Allir sem hafa prófað vita hversu
þægilegt það er að fara beint héðan.
Enn þægilegra er að lenda hér og vera
komin heim til sín nokkrum mínútum
seinna.
Það er mikilvægt fyrir okkur að fá
beint millilandaflug frá Akureyri og
ferðaþjónustuaðilar eiga heiður skilið
fyrir sína aðkomu að markaðssetn-
ingu á beinu flugi. Það er því mikils
vert að Norðlendingar séu duglegir að
notfæra sér þessar ferðir til að hægt sé
að halda þeim áfram og auka. Ég hvet
því alla til að kanna möguleika á beinu
flugi héðan, þegar þeir íhuga ferðalög
til útlanda.
AÐSENT
Oddur Helgi
Halldórsson
ÚTSÝNIÐ ER STÓRKOSTLEGT yfir Bledvatn úr kastalanum
ÚTIDREKKUTÍMI! Þótt snjófannir séu enn nálægt byggð hefur straumur ferðamanna tekið kipp síðustu daga. Þessir erlendu ferðamenn
nutu veðurblíðunnar, nestisbitans og útsýnisins skammt frá Grímsstöðum í Mývatnssveit þegar ljósmyndara blaðsins bar að garði. BÞ