Akureyri - 15.05.2014, Blaðsíða 2

2 18. tölublað 4. árgangur 15. maí 2014
113 nemar hættu námi
vegna andlegra veikinda
Talið er að skimun fyrir nemend-
um í brotthvarfshættu geti minnk-
að brotthvarf. Þetta kemur fram í
skýrslu frá mennta- og menningar-
málaráðuneytinu. Skimunarpróf
fóru fram í nokkrum framhalds-
skólum sl. vetur. Skólameistarar og
náms- og starfsráðgjafar lýsa allir
ánægju með verkefnið.
Ráðuneytið kallaði eftir skýr-
slum frá skólunum, alls 17 talsins,
þar sem m.a. var óskað eftir upplýs-
ingum um hvernig fyrirlögn prófs-
ins hefði gengið. Einnig var óskað
eftir upplýsingum um hvaða al-
mennu aðgerðir til að sporna gegn
brotthvarfi, hefðu verið til staðar
innan skólanna áður en þátttaka í
verkefninu hófst.
Fulltrúar skólanna töldu
skimunarprófið góða viðbót við
það sem fyrir væri gert til að
sporna gegn brotthvarfi. Í kjölfar
skimunarprófs voru nemendur sem
greindust í hvað mestri brotthvarfs-
hættu boðaðir í viðtöl hjá náms- og
starfs ráðgjöfum. Í einhverjum
skólum var boðið upp á hópráð-
gjöf fyrir umrædda nemendur sem
full trúar skóla sögðu að hefði gefist
afar vel. Í niðurstöðum úr skýrslum
frá skólunum má einnig sjá að allir
fulltrúar skólanna telja að stíft eft-
irlit með mætingum nemenda svo
og gott samstarf við foreldra ólög-
ráða nemenda sé meðal þess sem
talið er gagnast vel til að draga úr
brotthvarfi.
Niðurstöður brotthvarfs á
haustönn 2013 sýna að fjöldi þeirra
sem vikið er úr skóla vegna brots
á skólareglum/slakrar mætingar
eykst verulega eftir því sem nem-
endur eldast. Þar gæti lagalegt
ákvæði um fræðsluskyldu haft
áhrif, en samkvæmt fræðsluskyldu
eiga nemendur yngri en 18 ára rétt
á skólavist óski þeir þess að fara í
skóla.
„Ljóst er samkvæmt niðurstöð-
um frá skólunum að öflug náms- og
starfsráðgjöf við nemendur er talin
gegna veigamiklu hlutverki þegar
kemur að því að sporna gegn brott-
hvarfi,“ segir í skýrslunni.
SÁLFRÆÐIÞJÓNUSTA MIKILVÆG
Niðurstöður sýna að 11% nem-
enda, eða 113 nemendur, hættu
námi á einni og sömu önninni vegna
andlegra veikinda. Líkt og á vor-
önn má sjá að hjá þeim skólum sem
boðið var upp á sálfræðiþjónustu
fyrir nemendur hættu hlutfallslega
færri vegna andlegra veikinda en í
sambærilegum skólum. „Því mætti
í framhaldinu velta því fyrir sér
hvort hægt væri að minnka brott-
hvarf vegna andlegra veikinda með
aukinni sálfræðiaðstoð innan skól-
anna,“ segir í skýrslunnni.
„Brotthvarf er ekki vandamál
einstakra skóla heldur samfélags-
ins í heild og því þarf að eiga sér
stað samspil á milli haghafa til að
árangur náist í að minnka brott-
hvarf frá námi sem í framhaldinu
myndi þýða hækkað menntunarstig
þjóðarinnar og lægri kostnað vegna
fræðslu- og velferðarmála í í fram-
tíðinni,“ segir í skýrslunni. -BÞ
Norðlenska sækir í aukið
frystipláss á Húsavík
„Það er rétt að við höfum skoðað
hús þeirra Vísismanna við Hafnar-
stétt á Húsavík. Það eru frystar og
sú aðstaða sem þeim fylgir sem
við vorum að skoða þar án þess að
vera með hugmyndir um flutning á
starfsemi til Húsavíkur. Við erum
með takmarkað aðgengi að fryst-
um og því erum við að skoða þetta,“
segir Sigmundur Ófeigsson, fram-
kvæmdastjóri hjá Norðlenska.
Talsmaður Vísis lét þess getið á
starfsmannafundi á Húsavík þegar
ákvörðun var kynnt um flutning
starfseminnar burt úr bænum að
vitað væri um áhuga kjötvinnslu-
fyrirtækis að flytja starfsemina til
Húsavíkur, m.a. vegna aðgangs að
frystigeymslum. Sláturhús Norð-
lenska er á Húsavík. Sigmundur
Ófeigsson hafnar því að flutningur
á starfsemi sé fyrirhugaður frá Ak-
ureyri.
„Fyrir rúmu ári síðan keyptum
við Suðurgarð 2 á Húsavík af þeim
Vísismönnum og vorum fyrst og
fremst að ná okkur í frystipláss þar.
Reyndar fór Icelandic Byproduct
inn í það hús einnig. En úrvinnsla
úr aukaafurðum hefur aukist veru-
lega hjá okkur og hentaði vel að
fara með þá starfsemi inn í það hús.“
-BÞ
Fjölmiðlar spiluðu með
Sigurður Kristinsson, prófess-
or í heimspeki við Háskólann
á Akureyri, er í hópi innlendra
sérfræðinga sem hafa
gagnrýnt lífsýnasöfnun Ís-
lenskrar erfðagreiningar og
Landsbjargar. Í yfirlýsingu
sem hópur siðfræðinga og
fræðimanna sendi frá sér
segir: „Allt fer þetta í bága
við vinnubrögð í þroskuðu
lýðræðissamfélagi og orkar
tvímælis í ljósi þeirra við-
miða sem mótast hafa í sið-
fræði rannsókna. Með því að beita
slíkum aðferðum er hætt við að
grafið sé undan trausti á vísindum
og þátttökuvilja í rannsóknum til
lengri tíma litið.“
Sigurður er eini fræðimaðurinn
utan höfuðborgarsvæðis-
ins sem ritaði undir gagn-
rýnina. Hörð viðbrögð hafa
orðið við henni en Sigurður
gagnrýnir fjölmiðla og ger-
ir hroka Kára Stefánssonar
að umræðuefni.
„Lífsýnasöfnun Íslenskr-
ar Erfðagreiningar (ÍE)
bar mjög brátt að. Hún var
kynnt í fjölmiðlum og með
auglýsingaátaki daginn sem fólk
fékk sýnatökuspaða senda í pósti og
skilja mátti að björgunarsveitirnar
myndu þegar byrja að ganga í hús.
Þetta var sannkölluð leiftursókn og
spiluðu fjölmiðlar gagnrýnislaust
með. Í þau fáu skipti sem forstjóri ÍE
var spurður hvort þessi aðferð skap-
aði e.t.v. óeðlilegan þrýsting svaraði
hann með þjósti og hroka. Síendur-
tekið svar hans var nokkurn veginn
á þá leið að ef menn væru eitthvað
óánægðir með að hann skyldi senda
okkar ástkæru björgunarsveitir til
að bjarga sýnunum þá ættu menn að
íhuga að hann hefði hann alveg eins
getað sent illmenni og þrjóta heim
til fólks. Svona ummæli frá þetta
miklum áhrifamanni í samfélaginu
dæma sig auðvitað sjálf. Þegar
forstöðumaður Siðfræðistofnunar
hafði uppi efasemdir um leiftur-
sóknina voru viðbrögð forstjóra ÍE á
þá leið að Siðfræðistofnun væri nær
að sinna einhverju þarflegra og að
hún sé enginn leyfisveitandi. Þetta
kallast í daglegu tali skætingur og
þess vegna notuðum við það orð í
upphaflegri yfirlýsingu okkar,“ segir
Sigurður.
„Eins og ótal dæmi sanna og
nýlega var fjallað ítarlega um í
Kjarnanum býr íslenskt háskóla-
samfélag því miður við það bar-
baríska umhverfi að þegar háskóla-
fólk fjallar á gagnrýninn hátt um
samfélagsleg málefni má búast við
þöggunartilburðum frá valdamikl-
um aðilum úr stjórnmálum og við-
skiptalífi. Viðbrögð ÍE við gagnrýni
Siðfræðistofnunar eru þar engin
undantekning. Einnig er sterk staða
ÍE í íslensku rannsóknarsamfélagi
umhugsunarefni eins og vikið er að
í viðbrögðum okkar við yfirlýsingu
vísindamanna. Gagnrýni okkar á
útkallsátakið dró ekki í efa um-
fangsmikið vísindastarf ÍE og sneri
ekki að árangri þess eða háleitum
markmiðum – það er önnur um-
ræða. Við gagnrýndum aðferðirnar
við lífsýnasöfnunina og sú gagnrýni
stendur óhögguð,“ segir Sigurður.
-BÞ
Grandagarði 16—101 Reykjavík— Sími 696 0008—info@karl.is
WWW.KARL.IS
3 millimetrar sem skipta máli og hafa bjargað mannslífum.
VMA HEFUR BROTIÐ blað í sálfræðiþjón-
ustu við nemendur.
RYKIÐ AF GÖTUNNI inn í garðana! Eins og sést á þessum myndum kosta flestir sigrar
fórnir. Árvökull bæjarbúi myndaði götusópinn fyrir nokkrum dögum og þótt allir
bæjarbúar vilji hafa götur og gangstéttir vel sópaðar sést hvernig rykmökkinn leggur af
framkvæmdinni. „Þetta fer yfir á lóðir íbúa og jafnvel inn í hús,“ segir bæjarbúinn.
ERUM EKKI AÐ flytja frá Akureyri, segir framkvæmdastjóri Norðlenska. Völundur
SIGURÐUR
KRISTINSSON