Skessuhorn - 03.07.2013, Blaðsíða 36

36 MIÐVIKUDAGUR 3. JÚLÍ 2013
Leikritið 21:07 var frum-
sýnt með pompi og prakt
sl. fimmtudag í Frysti-
klefanum í Rifi. Leikrit-
ið er samstarfsverkefni
þeirra Kára Viðarssonar
og Víkings Kristjánsson-
ar en það fjallar um lend-
ingu geimvera á Snæfells-
jökli 5. nóvember 1993
og er því að hluta sann-
sögulegt. Atburðurinn
vakti mikla athygli á sín-
um tíma og hafði tölu-
verð áhrif á landsmenn
eins og kynnast má í leik-
ritinu. Frumsýningin gekk vel og
komust færri að en vildu.
Sýningin gerist á rauntíma og
fjallar um tímann í aðdraganda
lendingu geimveranna og
bregða Kári og Víkingur,
sem báðir eru á sviðinu,
sér í líki margra persóna
sem koma við sögu. Sum-
ar þeirra eru enn búsett-
ar á svæðinu við Snæfells-
jökul. Auk frumsýningar-
innar fóru fram tvær sýn-
ingar á verkinu um liðna
helgi. Næstu sýningar
verða á föstudaginn og
laugardaginn og hefjast
báðar kl. 20. Miðasala fer
fram í síma 865-9432, á
netfanginu frystiklefinn@
gmail.com og á midi.is.
lh
Hinn árlega Safnadag ber að þessu
sinni upp á sunnudaginn 7. júlí nk.
Að venju verður af því tilefni gerð-
ur dagamunur í Landbúnaðarsafni
Íslands á Hvanneyri. Safnið verð-
ur opið kl. 12-17. Aðgangur að
safninu verður ókeypis þann dag
en frjáls framlög gesta til safns-
ins þegin með þökkum. Kl. 13.30
verður Kaupafólksganga á Hvann-
eyrarengjar. Farið verður í fótspor
kaupafólks á Hvanneyrarengjum
á síðustu öld, hugað að sögnum,
minjum, verkháttum og breyting-
um á þeim á hinu sérstæða vot-
lendissvæði sem frá og með liðnu
vori varð Ramsar-verndarsvæði.
Forgöngumenn Kaupafólksgöng-
unnar verða Bjarni Guðmunds-
son og fleiri. Gestir eru eindreg-
ið hvattir til þess að taka með sér
orf eða hrífu, nú ellegar forn-
dráttarvél með greiðusláttuvél til
stuttra heyverka ef þannig viðrar –
í félagsskap við fornsláttuvélar úr
Landbúnaðarsafni. Verði óþurrk-
ur færum við okkur inn í Hall-
dórshlöðu safnsins og lögum dag-
skrá að henni.
Klukkan 16 verður brugðið á
leik með Sveitasöngvum í stór-
hlöðu Halldórsfjóss, er þá verð-
ur með „brekku“-söng frumreynd
sem tónleikahöll. Forsöngvar-
ar verða Snorri Hjálmarsson og
fleiri. Kl. 14-17 verður vöfflukaffi
Kvenfélagsins 19. júní á boðstólum
í Skemmunni, elsta staðarhúsinu.
Það var reist árið 1896 og stend-
ur í gróðurríku umhverfi syðst á
Gamla staðnum. Ullarselið verð-
ur að venju opið kl. 12-18. Þar
býðst al-borgfirsk hágæðavara og
hver veit nema þar verði brugðið á
leik með rokkum og fleiru. Hægt
verður að líta inn í hina fallegu og
nær 110 ára gömlu Hvanneyrar-
kirkju, eina af listaverkum Rögn-
valdar Ólafssonar húsameistara.
-fréttatilkynning
Fimmtudaginn 27. júní sl. frum-
sýndi Frystiklefinn í Rifi leiksýn-
inguna 21.07 í leikstjórn Kára Við-
arssonar og Víkings Kristjánssonar
sem einnig eru höfundar leikverks-
ins og leika allar persónur verksins.
Undirritaður fór í Frystiklefann og
stóðst ekki mátið að skrifa sína
upplifun.
Í leikskránni segir að leik-
verkið sé gamanleikrit byggt
á atburðum í tengslum við
meinta lendingu geimvera
á Snæfellsjökli 5. nóvember
1993. Fléttast síðan saman
nokkrar sögur einstaklinga þar
sem sjónarhornið breytist eft-
ir því hver á í hlut og viðhorf
viðkomandi til þess sem er að
gerast. Er þetta fjórða frum-
samda leikverkið sem sett er upp i
Frystiklefanum en leikhússtjóri er
Kári Viðarsson.
Kári og Víkingur leika öll hlut-
verkin í leikritinu sem eru fjölmörg
og leysa það af mikilli snilld. Eru
þetta persónur sem mikið mæddi á
þegar þessi viðburður kom til. Sam-
spilið, krafturinn, leikgleðin og túlk-
unin var aðdáunarverð. Það er ekki
sjálfgefið að leika og leikstýra leik-
verki en það gengur upp hér. Hér
eru á ferðinni fantagóðir leikarar og
leikstjórar sem vinna heimavinnuna
sína vel.
Það sem mætti helst setja út á er
þáttur Susan Kennedy sem kom
hingað til lands sem fréttamaður.
Var þar eytt of miklu púðri að mínu
mati í samskipti hennar og Magn-
úsar Skarphéðinssonar. Einnig var
upphækkun fyrir áhorfendur ekki
nægilega góð þar sem ég sat.
Leiksýningin er öll mjög fagmann-
lega unnin. Mikið mæðir á ljós og
hljóðvinnu sem er í höndum Sindra
Þór Hannessonar og Ragnars Inga
Hrafnkelssonar. Gefa þessir þætt-
ir verkinu sterkan blæ en í sýning-
unni er mikið lagt upp með að sýna
fréttaskot frá þessum viðburði.
Sviðsstjórn var í öruggum hönd-
un Guðrúnar Láru Pálmarsdótt-
ur og allar skiptingar hnökralaus-
ar. Leikrými og leikmynd sem er
í höndum Kára Viðarssonar er
vel nýtt, en hluti af því að búa til
leikrit er að finna lausnir og það
heppnast hér. Búningar í umsjón
Huldu Skúladóttur eru í sam-
ræmi við timabilið og ekki má
gleyma leikskrá sem er virkilega
vel hönnuð af Guðrún Láru.
Niðurstaða. Hér er á ferðinni
metnaðarfull og kraftmikil leiksýn-
ing sem fangar einstakan viðburð á
faglegan og gamansaman hátt. Enn
ein rósin í hnappagatið hjá þessu
metnaðarfulla leikhúsi í Rifi.
Gunnsteinn Sigurðsson, Ólafsvík.
Ljósm. Alfons Finnsson.
Í síðasta Skessuhorni birtist grein
undirrituð af Gunnari Sigurðssyni
og Einari Brandssyni bæjarfulltrú-
um Sjálfstæðisflokksins og átti hún
trúlega að vera svar við grein okkar
um ársreikning Akraneskaupstað-
ar. Uppistaðan í greininni var þó
að mestu aðfinnslur og þrætubók-
arskrif um okkur persónulega. Við
nennum ekki eða viljum eyða plássi
til að svara því en förum yfir málið
enn á ný til upprifjunar fyrir þessa
ágætu bæjarfulltrúa.
Staðreyndir málsins
Eins og ársreikingurinn ber með
sér er niðurstaða hans ekki góð.
Um það deilir enginn. Vandinn er
hins vegar sá að ómögulegt var að
bregðast við orðnum hlut, nema
eftir á. Það verður verkefni næstu
mánaða. Rétt er að rifja upp stað-
reyndir málsins.
Akraneskaupstaður var dæmdur
til greiðslu skaðabóta vegna skipu-
lagsmála. Ekki var hægt að gera ráð
fyrir því í fjárhagsáætlun. Þegar
sú niðurstaða lá fyrir hefðu bæjar-
fulltrúar minnihlutans getað kraf-
ist niðurskurðar á móti. Það gerðu
þeir ekki.
Starfslokasamningar voru gerð-
ir í lok ársins, sumt kom til vegna
óvæntra ástæðna, annað vegna
skipulagsbreytinga. Þessir samn-
ingar voru samþykktir af öllum bæj-
arfulltrúum. Bæjarfulltrúar minni-
hlutans hefðu getað flutt tillögu
um niðurskurð á móti. Það gerðu
þeir ekki.
Endurútreikningur lífeyrisskuld-
bindinga lá ekki fyrir fyrr en í mars/
apríl, eða löngu eftir lokadagssetn-
ingu ársreikningsins. Við þeirri við-
bót var því ekki hægt að bregðast og
ekki hreyfðu bæjarfulltrúar minni-
hlutans við málinu á þeim tíma.
Hallinn á rekstri Höfða (B-hluta)
sem að mestu leyti er tilkominn
vegna lífeyrisskuldbindinga lá ekki
fyrir fyrr en á útmánuðum. Því gátu
bæjarfulltrúar ekki gert neinar ráð-
stafanir afturábak vegna ársreikn-
ingins. Bæjarfulltrúar minnihlut-
ans gerðu heldur engar tilraunir í
þá átt.
Eftir stendur að rekstur stofnana
kaupstaðarins er í meginatriðum
samkvæmt fjárhagsáætlun. Hand-
bært fé frá rekstri er rétt viðunandi
en þarf að aukast í framtíðinni, m.a.
vegna framkvæmda og viðhalds á
eignum bæjarins. Það vandamál er
sameiginlegt með flestum sveitarfé-
lögum á Íslandi og nægir að skoða
gögn frá Sambandi sveitarfélaga til
að sannfærast um það.
Sá gamli tekur við
Eins við greindum frá í síðustu
grein hefur samstarfið verið gott
í bæjarstjórninni þetta kjörtíma-
bil. Fulltrúar minnihlutans hafa
verið hafðir sem mest með í ráð-
um og mál kynnt eftir bestu getu.
Minnihlutinn hefur því haft öll
tækifæri til að koma sínum sjónar-
miðum á framfæri á vettvangi bæj-
arstjórnar og meirihlutinn lagt sig
fram um að taka tillit til allra skoð-
ana og ábendinga. Það hefur ver-
ið ánægjulegt að vinna með Ein-
ari Brandssyni í bæjarráði, hann
hefur reynst málefnalegur, glögg-
ur og vinnusamur, en fastur fyrir.
Nú bregður hins vegar svo við að
honum er launuð svo vinnusemin
að honum er kippt út úr bæjarráði
og Gunnar Sigurðsson sest í hans
sæti. Það er í sjálfu sér umhugsun-
arverð endurnýjun.
Guðmundur Páll Jónsson
Sveinn Kristinsson
Hrönn Eggertsdóttir er með
myndlistarsýningu í Akranesvit-
anum, en sýningin hófst 7. júní.
Mættu yfir 100 manns strax á opn-
un sýningarinnar sem stendur fram
yfir Írska daga. Það voru tvo fyrir-
tæki sem kostuðu upphengilista til
að hægt væri að sýna listaverkin
en það voru Skaginn hf. og Faxa-
flóahafnir sf. Án þeirra stuðnings
hefði þessi sýning aldrei orðið að
veruleika og vilja þeir sem stóðu að
henni þakka þeim sérstaklega fyr-
ir aðstoðina. Eftir Írska daga mun
svo opnast fyrir nýjar sýningar fyr-
ir þá sem vilja sýna verk sín í vit-
anum.
Hilmar Sigvaldason
Pennagrein
Pennagrein
Ársreikningur - taka tvö
Pennagrein
Við erum öll geimverur!
Kári Viðarsson og Víkingur Kristjánsson í hlutverkum sínum í
verkinu 21:07. Ljósm. af.
Geimveruleikritið 21:07 frumsýnt
í Frystiklefanum í Rifi
Kaupafólksganga og Sveita-
söngvar á Safnadegi á Hvanneyri
Þakkir fyrir
stuðning við vitann