Skessuhorn - 23.10.2013, Blaðsíða 36

36 MIÐVIKUDAGUR 23. OKTÓBER 2013
Vörur og þjónusta
PARKETLIST
PARKETSLÍPUN
OG LÖKKUN
Sigurbjörn Grétarsson
GSM 699 7566
parketlist@simnet.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Hilmir B ehf
Alhliða pípulagningaþjónusta
Sími 820-3722 • hilmirb@simnet.is
Sími 435 0000 • www.gamar.is • vesturland@gamar.is
LAUSNIN
Höfðaseli 15 Akranesi. Móttökustöð
fyrir endurvinnsluefni og sorp.
Opið virka daga kl. 8–16.
TRÉSMIÐJAN AKUR EHF.
Trésmiðjan Akur ehf. • Smiðjuvöllum 9
300 Akranesi
Sími 430 6600 • akur@akur.is • www.akur.is
ÖLL ALMENN TRÉSMÍÐAÞJÓNUSTA
Endurbætur og nýsmíði
Þök – Klæðningar – Gluggar – Útihurðir – Sólpallar
Vélabær ehf.
Bæ í Bæjarsveit
Alhliða viðgerðarþjónusta
á bílum, dráttarvélum
og vélum tengdum
landbúnaði
Smur og hjólbarðaþjónusta
435-1252 • 893-0688 • velabaer@vesturland.is
S
K
E
S
S
U
H
O
R
N
2
01
3
Gáfu tré í Garðaflóa
Þau Brynjólfur, Hrefna, Ragnhild-
ur og Einar hjá Skógræktarfélagi Ís-
lands heimsóttu okkur í Skógrækt-
arfélagi Akraness fimmtudaginn 17.
október sl. Komu þau með 10 tré af
ýmsum stærðum og tegundum sem
þau færðu skógræktarfélaginu að
gjöf. Trén eru silfurreynir, garða-
hlynur, roðakirsi, fjallaþöll, mar-
þöll, gráölur, heggur, alaskaepli og
sumareik. Átta stjórnarmenn skóg-
ræktarfélagsins tóku á móti gjöfinni
og gekk fljótt og vel að setja trén
niður í skjólgóðum lundi við þjóð-
veginn. Það verður spennandi að
sjá hvernig trén dafna á næstu árum
og hvort vænta megi kirsuberja og
epla í Garðaflóanum.
Garðalundur skoðaður
Að gróðursetningu lokinni var að-
staða skógræktarfélagsins við þjóð-
veginn skoðuð og síðan farið í Garða-
lund, þá yndislegu Paradís okkar Ak-
urnesinga. Gengið var um svæðið og
dáðust gestirnir að því sem þar hefur
verið gert. Sagan var rifjuð upp og
m.a. sagt frá því þegar fyrsti garð-
yrkjustjóri Akraness, Guðmundur
Jónsson, sem jafnframt var formað-
ur Skógræktarfélags Akraness 1947
- 68, hóf gróðursetningu þar sem
nú er Garðalundur. Á þeim tíma og
lengi síðan var mikil vantrú ríkjandi
á skógrækt á Akranesi. Segja má að
Garðalundur sé einstaklingsfram-
tak Guðmundar þó hann hafi stund-
um notið aðstoðar unglinga í sumar-
vinnu. Oft sást til Guðmundar fara
með nokkrar plöntur í Garðalund
á reiðhjólinu sínu því aldrei hafði
hann bíl til umráða í starfi sínu. Þá
var sagt frá því þegar ákveðið var að
gera tjörnina í Garðalundi á 7. ára-
tugnum. Það var nánast einstak-
lingsframtak rösks bæjarstjóra eft-
ir að nokkrir góðir einstaklingar
höfðu stungið upp á því. Efasemdir
voru um það framtak eins og gjarn-
an er, en í dag myndu fáir vilja tjörn-
ina burt frekar en Garðalund.
Slagan - „Kurl“ og rusl
til skammar
Eftir ánægjulega ferð um Garða-
lund var farið að rökkva. Ákveð-
ið var að fara hraðferð um Slögu
því auk þess að gefa okkur tré var
markmiðið með komu gestanna úr
Reykjavík að skoða aðstöðu okk-
ur og ræða um undirbúning fyr-
ir aðalfund Skógræktarfélags Ís-
lands sem haldinn verður á Akranesi
í ágúst næstkomandi. M.a. var þeim
sýndur „kurlhaugurinn“ fyrir neð-
an Slögu. „Kurl“ er ekki réttnefni
því ekkert kurl er í þessu heldur er
þetta spýtnabrak sem m.a. er sam-
sett úr naglaspýtum og að hluta úr
gagnvörðu timbri sem ekki má ber-
ast inn á vatnsverndarsvæðið í Slögu.
Upphaflega átti þetta að vera venju-
legt kurl sem nota má í vegaslóða og
gangstíga en endaði sem þessi ósköp
af hendi endurvinnslufyrirtækis sem
nú er ekki til eða er með aðra kenni-
tölu. Vonandi verður eitthvað gert
við „kurlið“ fyrir sumarið og vega-
slóðinn að Slögu lagfærður þann-
ig að fært verði þangað í bílum og
rútum.
Jens B. Baldursson formaður Skóg-
ræktarfélags Akraness
jensbb@internet.is - http://www.
skog.is/akranes/
Snorrastofa í Reykholti gefur nú út
eins og undangengin haust, heildar-
skrá yfir viðburði vetrarins. Kenn-
ir þar margra grasa, meðal annars
fyrirlestraraðarinnar Fyrirlestrar í
héraði, sem alla jafna er einu sinni
í hverjum mánuði og sterk hefð er
orðin fyrir. Umfjöllunarefni fyr-
irlestranna er margbreytilegt, sótt
til sagna- og menningararfs þjóð-
arinnar, oft í ljósi þess, sem Borg-
arfjarðarhéraðið geymir og hefur
fóstrað í gegnum tíðina.
Fyrsti fyrirlestur vetrarins var í
minningu Snorra Sturlusonar að
venju nálægt dánardægri hans,en þá
fjallaði Úlfar Bragason um Hrafns
sögu Sveinbjarnarsonar. Því næst
flutti Bjarni Guðmundsson fyrir-
lestur um þróun jarðræktar í Borg-
arfirði, og það sem eftir lifir hausts-
ins er von er á tveimur fyrirlestr-
um um konur héraðsins í höndum
Óskars Guðmundssonar rithöfund-
ar, um móður Snorra Sturlusonar,
sagnakonuna Guðnýju Böðvars-
dóttur frá Görðum á Akranesi og
dætur dalsins, þar sem sagt verð-
ur frá ævi og örlögum nokkurra
kvenna úr Reykholtsdal. Heim-
ir Pálsson mun fjalla um Uppsala-
Eddu, vegna nýrrar útgáfu verks-
ins í samstarfi Snorrastofu og bóka-
útgáfunnar Opnu og Jón Ólafsson
um leitina að sögu Veru Hertzsh.
Þá verður brugðið upp svipmynd-
um af heimaslóð: Alma Ómars-
dóttir hefur kynnt sér heimili það,
sem rekið var fyrir stúlkur á stríðs-
árunum á Kleppjárnsreykjum, og
sagt verður frá Þorsteini Jónssyni
á Úlfsstöðum í Hálsasveit. Guðrún
Jónsdóttir varpar í lok vetrar ljósi á
gamla sveitasamfélagið í skáldsög-
unum Landi og sonum eftir Indr-
iða G. Þorsteinsson og Dalalífi eft-
ir Guðrúnu frá Lundi.
Í febrúar er fyrirhuguð dagskrá í
samvinnu við SÖGU jarðvang um
Gilsbakka og Surtshelli í alþjóðleg-
um rannsóknum og nú þegar hef-
ur Snorrastofa staðið að málþingi
um miðaldabyggingar í Reykholti
ásamt ráðstefnu í samvinnu nor-
rænna skálda- og tónskáldasafna.
Bókasafn Snorrastofu stendur að
ánægjulegum sprota í vetrarstarf-
inu, en það eru kvöld, sem ganga
undir heitinu, Prjóna-bóka-kaffi.
Þau eru hálfsmánaðarlega, öllum
opin.
Norræna bókasafnavikan og Dag-
ur íslenskrar tungu falla að venju í
sömu vikuna um miðjan nóvember
og viðburðirnir eru eins og tilefn-
ið gefur til, meðal annars mótað-
ir í samstarfi við ungu kynslóðina
í leik og grunnskóla sveitarinnar.
Gestir vikunnar verða m.a. Gerð-
ur Kristný rithöfundur og Guðrún
Jónsdóttir í Borgarnesi.
Fornsagnanámskeiðið, Tengsl
Fóstbræðra sögu og Gerplu, er í
samstarfi við Landnámssetur og
Símenntunarmiðstöðina á Vestur-
landi. Námskeiðskvöldin eru 6 tals-
ins, hvert kvöld hefur sína sérstöku
yfirskrift og er í höndum fræði-
manna af ýmsum toga, sem fjalla
um verkið hver frá sínu sjónar-
horni.
Snorrastofa tekur fagnandi á
móti vetrinum, sem bíður, eins og
viðburðaskráin sýnir, með fang-
ið fullt af áhugaverðum samveru-
stundum.
-fréttatilkynning
Snorralaug í vetrarklæðum. Ljósm. gó.
Viðburðaríkur vetur
í Snorrastofu
Pennagrein
„Kurlhaugurinn“ er áberandi en ekki mikið augnayndi, sérstaklega ekki þegar
staðið er nærri og spýtnabrakið blasir við. Spýtnaruslið þekur vegaslóðann fyrir
neðan Slögu og gerir hann erfiðan yfirferðar fyrir gangandi fólk. Ekki er hættandi
á að aka „veginn“ því mikið er af naglaspýtunum.
Stefán, Guðmundur, Leó, Philippe, Hrefna, Brynjólfur, Ragnhildur, Eiríkur, Einar,
Bjarni. Þóru Björk vantar á myndina sem Jens tók.
Jens greinarhöfundur og Þóra Gríms
fóru með barnabörnin daginn eftir og
mældu trén svo hægt verði að fylgjast
með vexti þeirra næstu árin.
Bifreiðaþjónusta Harðar ehf.
Smur og dekkjaþjónusta
Sala á dekkjum og olíuvörum

Borgarbraut 55 - 310 Borgarnesi
437 1192 / 847 8698 - midgardur@vesturland.is