Skessuhorn - 29.01.2014, Blaðsíða 10
10 MIÐVIKUDAGUR 29. JANÚAR 2014
Annarri umferð spurningakeppn-
innar Gettu betur lauk um helgina á
Rás 2 í Ríkisútvarpinu. Líkt og sagt
var frá í síðasta tölublaði Skessu-
horns áttu allir framhaldsskólarn-
ir á Vesturlandi lið í þeirri umferð
en gekk misvel. Lið Fjölbrautaskóla
Vesturlands á Akranesi sigraði lið
Fjölbrautaskóla Suðurlands 16 –
13, MH hafði betur gegn Mennta-
skóla Borgarfjarðar með 25 stigum
gegn 12 og viðureign Menntaskól-
ans í Reykjavík gegn Fjölbrauta-
skóla Snæfellinga lauk með sigri
MR 24 gegn 7. Lið FVA er því
komið áfram í þriðju umferð. Það
keppir næst við lið Menntaskól-
ans á Akureyri í átta liða úrslitum
og verður viðureignin sýnd í Ríkis-
sjónvarpinu föstudaginn 31. janúar
næstkomandi. Lið FVA nú er skip-
að þeim Magnúsi Gunnarssyni,
Birki Hrafni Vilhjálmssyni og Elm-
ari Gísla Gíslasyni.
Þess má til gamans geta að FVA
lenti síðast í sjónvarpsviðureign árið
2004, keppti þá við Verslunarskóla
Íslands og fór viðureignin fram fyr-
ir fullu húsi í Íþróttahúsinu Vestur-
götu á Akranesi. Liðið þá var skipað
þeim Heiðari Lind Hanssyni, Þóru
Geirlaugu Bjartmarsdóttur og Jó-
hannesi Guðbrandssyni. Að vísu
sigraði lið Versló lið FVA og vann
að endingu í lokaviðureign keppn-
innar sögulegan sigur gegn MR og
lauk þar með samfelldri sigurgöngu
MR liðsins í áratug. Meðal kepp-
enda í þessu sigursæla liði Versló
var einmitt núverandi þáttastjórn-
andi; hinn „orðheppni“ Björn Bragi
Arnarson.
grþ
Ölgerðin hefur nú afhent Slysa-
varnafélaginu Landsbjörg ríflega
sextán milljónir króna sem söfnuð-
ust í sérstöku átaki sem fólst í því að
10 krónur af hverri seldri flösku eða
dós af Egils Maltöli rann beint til
félagsins. Þetta gerði Ölgerðin í til-
efni af 100 ára afmæli fyrirtækisins
á liðnu ári. Átakið hófst í júní og
því lauk í árslok. Það var Októ Ein-
arsson stjórnarformaður og Andri
Þór Guðmundsson forstjóri Öl-
gerðarinnar Egils Skallagrímsson-
ar sem afhentu Herði Má Harðar-
syni, formanni Slysavarnafélagsins
Landsbjargar, afrakstur söfnunar-
innar sem var 16.221.120 krónur.
mm
„Afar vel heppnað byggðaþing íbúa í
uppsveitum Borgarfjarðar var hald-
ið laugardaginn 25. janúar á vegum
Framfarafélags Borgfirðinga. Var
það haldið í samvinnu við Snorra-
stofu og fór fram í gamla skólan-
um í Reykholti. Lífleg umræða ein-
kenndi þingið og margar ályktanir
um brýn hagsmunamál voru sam-
þykktar,“ segir í tilkynningu frá fé-
laginu.
Fólk hvaðanæva úr uppsveitum
Borgarfjarðar sótti þingið sem hald-
ið var undir yfirskriftinni: „Hvað
hefur verið að gerast í framfaramál-
um Borgfirðinga á kjörtímabilinu?
Hvað er framundan?“ Málshefjend-
ur voru Bergur Þorgeirsson, Edda
Arinbjarnar, Halldóra Lóa Þor-
valdsdóttir og Óskar Guðmunds-
son, en þorri þingfulltrúa tók þátt í
umræðu um hagsmunamál héraðs-
ins. Ályktað var meðal annars um
raforkumál, fjarskiptamál, ferða-
þjónustu, samgöngur, póstþjón-
ustu og varðstöðu um Landbúnað-
arháskólann á Hvanneyri. Ályktanir
þingsins voru eftirfarandi:
Raforkumál
„Byggðaþing Framfarafélags Borg-
firðinga haldið í Reykholti 25. janú-
ar 2014 skorar á stjórnvöld að gang-
ast fyrir lækkun raforkukostnaðar á
landsbyggðinni. Verulegt misræmi
er á verði raforku til erlendra kaup-
enda orkunnar annars vegar og ís-
lenskra hins vegar. Þá hefur dreif-
ingarkostnaður rafmagns vaxið upp
úr öllu valdi á undanförnum árum
sem hefur bitnað harkalega á garð-
yrkjubýlum á landsbyggðinni. Þann-
ig telja samtök garðyrkjubænda að
dreifingarkostnaður rafmagns hafi
verið fyrir um áratug 35% af raf-
orkukostnaði, en nú sé svo komið
að um 60% kostnaðarins sé dreif-
ingarkostnaður. Þetta kemur heim
og saman við reynslu garðyrkju-
bænda hér í sveitum. Hækkanir hjá
RARIK sem hófust í hruninu – í
samræmi við ný orkulög frá 2005 -
hafa leitt til þess að dreifingarkostn-
aður hefur hækkað langt umfram
annan orkukostnað. Á sama tíma og
dreifingarkostnaður í þéttbýli hef-
ur aukist um 87% hefur sami kostn-
aðarliður hækkað um 134% í dreif-
býli. Skorað er á stjórnvöld að sker-
ast í leikinn í þágu garðyrkjubænda
og annarra framleiðenda á lands-
byggðinni.
Enn er svo að ekki er búið að
koma á þriggja fasa rafmagni til
allra notenda á svæðinu og afhend-
ingaröryggi er fjarri því að vera
tryggt. Skorað er á viðkomandi
stjórnvöld og stofnanir að tryggja
meira jafnræði og öryggi íbúanna
á þessu sviði.“
Ályktun um
fjarskiptamál
„Byggðaþing Framfarafélags Borg-
firðinga haldið[...] skorar á innan-
ríkisráðherra að gangast fyrir átaki
í að koma á raunverulegum jöfn-
uði í fjarskiptaþjónustu við not-
endur. Víða í uppsveitum Borgar-
fjarðar er boðið upp á lakari þjón-
ustu á fjarskiptasviði en á flestum
stöðum á landinu. Sérstaklega er
vakin athygli á því að í Reykholts-
dal og víðar voru lagðir ljósleið-
arar fyrir hálfum öðrum áratug –
og hafa þeir ekki enn verið teknir
í notkun. Verður að ætlast til þess
að yfirvöld tryggi sem mest jafn-
ræði þegnanna á þessu sviði, enda
er það í samræmi við margyfirlýsta
stefnu stjórnvalda.“
Samgöngubætur
og þjónusta
„Byggðaþing Framfarafélags
Borgfirðinga haldið[...] bendir á
nauðsyn þess að fólk og fyrirtæki
í ferðaþjónustu hafi með sér sem
allra mest samráð – og efli þann-
ig möguleika atvinnugreinarinn-
ar til vaxtar. Miklu skiptir að sam-
göngubætur verði gerðar í upp-
sveitunum, til dæmis með heils-
árs viðhaldi og rekstri tengivega í
héraðinu; Hálsasveit, Hvítársíðu,
Þverárhlíð og hugað að varan-
legu slitlagi á vegi í Lundarreykja-
dal og Skorradal – samtímis því að
þegar verði lagður heilsársvegur
yfir Uxa hryggi. Allar áætlanir um
fjölgun ferðamanna á Íslandi eiga
sér útgangspunkt í því að Vestur-
land geti tekið á móti mikilli fjölg-
un ferðamanna. Óhjákvæmilegt er
að ríkisvaldið og sveitarfélög taki
myndarlega þátt í uppbyggingu á
aðstöðu fyrir ferðafólk á svæðinu.“
Byggðaþing ályktaði einnig þar
sem fagnað var þeim framförum
sem orðið hafa á sviði almenn-
ingssamgangna á Vesturlandi,
með tilkomu strætó. „Fundurinn
vekur jafnframt athygli á nauð-
syn þess að lagfæra kerfið eftir því
sem reynslan gefur tilefni til. Þá
bendir fundurinn á nauðsyn þess
að boðið verði upp á ferðir kvölds
og morgna á sumrin í Reykholt og
Húsafell vegna ferðamanna.“
Verjum LBHÍ
á Hvanneyri
„Byggðaþing Framfarafélags
Borgfirðinga haldið[...] lýsir yfir
áhyggjum vegna þeirra hugmynda
sem uppi eru um að svipta Land-
búnaðarháskólann á Hvanneyri
stöðu sjálfstæðs háskóla á lands-
byggðinni. Skýrslur og fundir um
yfirvofandi sameiningu Háskóla
Íslands og Landbúnaðarháskól-
ans hafa að mati ýmissa sérfræð-
inga leitt í ljós vafasaman ávinn-
ing af sameiningu. Afar mikilvægt
er að virða fjölbreytni í háskóla-
samfélaginu og þá staðreynd að
háskólastarfsemin er mikilvæg-
ur hluti af innviðum samfélags-
ins sem starfað er í. Landbún-
aðarháskólinn á Hvanneyri hefur
mikla vaxtamöguleika á staðnum
og brýnt að sameina krafta í hér-
aði í þágu uppbyggingar. Byggða-
þingið skorar á alla skóla og hags-
munasamtök íbúa í héraðinu að
taka þátt í að verja Landbúnað-
arháskólann – og hvetur til áfram-
haldandi umræðu um vannýtt
tækifæri í því samhengi.“
Áskorun til
Íslandspósts
„Byggðaþing Framfarafélags
Borgfirðinga haldið[...] skorar á
Íslandspóst að sýna meiri vand-
virkni og tillitsemi í samskipt-
um sínum við íbúa hinna dreifðu
byggða. Sérstaklega er varað við
flutningi á póstkössum – og stað-
setningu þeirra fjarri heimilum
fólks. Skorað er á Íslandspóst og
opinberar stofnanir að leitast við
að framkvæma breytingar í sam-
ráði við notendur þjónustunnar.“
mm
Framhaldsskólahornið
Fjölbrautaskóli Vesturlands áfram í Gettu betur
Lið FVA komst áfram í átta liða úrslit í Gettu betur. Það er skipað þeim Magnúsi
Gunnarssyni, Birki Hrafni Vilhjálmssyni og Elmari Gísla Gíslasyni.
Ölgerðin styrkir Lands-
björg rausnarlega
„Allar áætlanir um fjölgun ferðamanna á Íslandi eiga sér útgangspunkt í því að Vesturland geti tekið á móti mikilli fjölgun
ferðamanna,“ segir m.a. í einni ályktun þingsins. Ljósm. úr safni af ferðafólki í Reykholti.
Vel heppnað byggðaþing framfarafélagsins
Svipmynd af byggðaþinginu sl. laugardag. Ljósm. bþ.