Skessuhorn - 29.01.2014, Blaðsíða 17
17MIÐVIKUDAGUR 29. JANÚAR 2014
Freisting vikunnar
Að þessu sinni fáum við girni-
lega freistingu frá matgæðingn-
um og matarbloggaranum Hel-
enu Gunnarsdóttur. Hún stofnaði
matarbloggsíðuna Eldhúsperl-
ur (eldhusperlur.com) 2012 sem
inniheldur nú á annað hundrað
uppskriftir sem allar eru í upp-
áhaldi hjá henni og hennar fólki.
Við gefum Helenu orðið:
„Ég fæ ekki leið á því að prófa
nýja kjúklingarétti og það skemm-
ir ekki fyrir ef þeir eiga það sam-
eiginlegt að vera bæði afar fljót-
legir og bragðgóðir. Þessi upp-
skrift uppfyllir sannarlega báða
þætti og sennilega ekki tilviljun
hversu vinsæl uppskriftin er orð-
in. Ætli það taki ekki um fimm
mínútur að undirbúa réttinn og
svo dansar hann bara alveg sjálf-
ur í ofninum þar til hann er eldað-
ur í gegn. Dijon sinnep er í miklu
uppáhaldi hjá mér og ég nota það
mikið. Það er eiginlega hálfgert
leynivopn þegar kemur að mat-
argerð og oft nóg að nota bara
agnarlítið af góðu dijon sinnepi
til að breyta miklu. Sósan í þess-
um rétti er alveg ofboðslega góð
og að skaðlausu mætti jafnvel tvö-
falda magnið sem fer í hana, sér-
staklega ef þið eruð með hrísgrjón
með réttinum.“
Estragon kjúklingabringur með
mango chutney og dijon sinn-
epi (fyrir 3):
3 kjúklingabringur
3 msk dijon sinnep
3 msk sætt mango chutney
1 msk rauðvínsedik
1 tsk þurrkað estragon
Hitið ofninn í 170 gráður með
blæstri, annars 190 gráður. Legg-
ið kjúklingabringurnar í smurt
eldfast mót. Hrærið saman sinn-
epi, mango chutney, rauðvínse-
diki og estragon, hellið yfir bring-
urnar og veltið þeim upp úr sós-
unni. Stráið dálitlu af þurrkuðu
estragoni yfir að lokum og bakið í
25 – 30 mínútur. Berið fram með
hrísgrjónum og grænmeti.
Rektorar Háskólans á Bifröst og
Landbúnaðarháskóla Íslands, þeir
Vilhjálmur Egilsson og Ágúst Sig-
urðsson, undirrituðu í gær ramma-
samning um samstarf skólanna. Í
sameiginlegri tilkynningu frá skól-
unum segir að markmið samn-
ingsins sé að stuðla að auknu sam-
starfi um kennslu og rannsóknir og
styrkja þannig báða skólana. Stefnt
verði að nánu þverfaglegu sam-
starfi um námsleiðir, m.a. í formi
samvinnu um námskeið, sameig-
inlegar námsleiðir og prófgráður.
„Skólarnir vilja með nánara sam-
starfi leggja sitt af mörkum til þess
að stuðla að framförum í atvinnu-
lífi og betra samfélagi með því að
bjóða fram hagkvæma gæðamennt-
un. Skólarnir eru sérstaklega með-
vitaðir um þýðingu sína fyrir at-
vinnulíf og samfélag á Vesturlandi
og almennt í hinum dreifðu byggð-
um Íslands.“
Þá var undirritað sérstakt sam-
komulag um sameiginleg nám-
skeið í matvælatengdum greinum
sem m.a. eru hluti af námi í mat-
vælarekstrarfræði við Háskólann
á Bifröst og valgreinum við Land-
búnaðarháskóla Íslands. Matís mun
annast kennslu í nokkrum þessara
námskeiða en önnur verða kennd af
sérfræðingum í fremstu röð á við-
komandi sviðum.
„Með samvinnu milli skólanna
eru þeir að nýta styrkleika hvors
annars og tengja fræðasvið sín sam-
an til þess að sækja fram með þver-
faglegum greinum og svara með
því betur þörfum atvinnulífsins
og nemenda. Skólarnir stefna á að
auka samstarf sitt enn frekar í fram-
tíðinni og horfa m.a. til mögu-
leika sviði rannsókna, vöruþróunar
og nýsköpunar á öllum sviðum at-
vinnulífs þar sem unnið er með
matvæli. Skólarnir vilja með sam-
starfi sínu gera sitt til að efla þetta
mikilvæga og víðtæka svið íslensks
atvinnulífs,“ segir ennfremur í til-
kynningu frá skólunum.
hlh
Umhverfisstofnun hefur ákveð-
ið að bjóða út rekstur Vatnshellis-
ins í þjóðgarðinum Snæfellsjökli.
Ferðamönnum á Snæfellsnes hefur
fjölgað undanfarin ár einkum utan
háannatíma og samhliða því eftir-
spurn eftir hellaferðum. „Vatns-
hellir var gerður aðgengilegur al-
menningi í þeim tilgangi að vernda
hann, kynna hella og hellavernd
og um leið að hvetja fólk til góðr-
ar umgengni um hella og náttúru
landsins,“ segir í tilkynningu frá
Umhverfisstofnun.
Þá segir að markmið útboðsins sé
meðal annars að tryggja að almenn-
ingur geti notið heimsókna í Vatns-
helli allan ársins hring gegn hæfi-
legu gjaldi. Tilvonandi rekstraraðili
kemur til með að vinna í nánu sam-
starfi við starfsmenn þjóðgarðsins
og Umhverfisstofnunar. Skipulagð-
ar ferðir í Vatnshelli hófust sumarið
2010 og var þá farið í hluta hellis-
ins, þrjá daga vikunnar. Það sum-
ar komu um 1600 manns í hell-
inn. Sumarið 2011 var landvörð-
um fjölgað og þá voru farnar fimm
ferðir á dag alla daga vikunnar. Um
5400 manns heimsóttu þá hellinn.
Árið eftir komu um 3400 manns í
hellinn. Þessi fyrstu þrjú ár sá þjóð-
garðurinn um reksturinn á hellin-
um. Umhverfisstofnun ákvað vor-
ið 2013 að semja við einkaaðila um
að sjá um rekstur Vatnshellis í til-
raunaskyni og gilti samningurinn
út árið. Sumarið 2013 komu tæp-
lega átta þúsund manns í hellinn.
Erlendum ferðamönnum fjölgaði
mjög mikið frá fyrra ári en íslensk-
ir stóðu í stað.
Útboðið hefur verið auglýst á vef
Ríkiskaupa og þangað á að beina
fyrirspurnum.
mm
Fjölmenni var samankomið í leik-
skólanum Akraseli á Akranesi að
morgni bóndadagsins. Akrasel er
nýjasti leikskólinn í bæjarfélaginu,
rúmlega fimm ára gamall. Starfsfólk
leikskólans hefur jafnan á bónda-
eða konudegi haft opið hús í skól-
anum og gjarnan tengt þá heim-
sókn ákveðnu þema. Í þetta skipt-
ið var feðrum barnanna einkum
boðið í heimsókn í tilefni dagsins.
Starfsfólkið með hjálp maka hafði
tínt saman hluti sem tengjast sporti
sem þau stunda og úr varð heilmik-
il sýning í Akraseli. Anney Ágústs-
dóttir leikskólastjóri sagði ótrúlegt
hvað fengist hefði á þessa sýningu
og meira að segja var þarna til sýn-
is búnaður til köfunar. Sýningin í
heild leiddi í ljós hvers fjölbreytt
og um leið skemmtilegt sport er
stundað í íþróttabænum Akranesi.
Það voru þó hlutir umfram aðra
sem vöktu áhuga barnanna og m.a.
var greinilegt að það voru bílarnir
sem strákarnir höfðu langmestan
áhuga fyrir.
þá
Ómótstæðilegur og
fljótlegur kjúklingaréttur
Estragon kjúklingurinn bragðast vel með hrísgrjónum og grænmeti.
Ljósm. Helena Gunnarsdóttir.
Ríkiskaup bjóða rekstur
Vatnshellis út
Ágúst Sigurðsson rektor LbhÍ og Vilhjálmur Egilsson rektor Háskólans á Bifröst
handsala samningana.
Háskólinn á Bifröst og Land-
búnaðarháskólinn í samstarf
Skemmtilegt sport í Akraseli
á bóndadeginum
Fjölmenni var samankomið í Akraseli á bóndadagsmorgun.
Strákarnir höfðu mestan áhuga fyrir bílunum.
Torfæruhjólið var líka flott.
Laxveiðibúnaður ásamt mývörninni. Að sjálfsögðu var gestum boðið í kaffi í Akraseli.