Skessuhorn - 26.03.2014, Blaðsíða 20

20 MIÐVIKUDAGUR 26. MARS 2014
Systkinin Helga Ingibjörg og Krist-
ján Hagalín Guðjónsbörn á Akra-
nesi stofnuðu nýverið ferðaþjón-
ustufyrirtækið „Wild West Tours“
ásamt fleirum úr fjölskyldu þeirra.
Verkefnið kynntu þau m.a. á frum-
kvöðlakvöldi sem Akraneskaup-
staður stóð fyrir nýverið á Gamla
Kaupfélaginu. Blaðamaður Skessu-
horns hitti systkinin og ræddi við
þau um verkefni hins nýja fyrirtæk-
is og hvers vegna þau hafi sett það
á stofn.
Vilja koma
Vesturlandi á kortið
„Í grunninn er þetta hefðbund-
ið „super jeep“ ferðaþjónustufyrir-
tæki. Við bjóðum upp á ferðir allt
árið á breyttum bílum og erum
sveigjanleg eftir þörfum viðskipta-
vinarins. Sérstaða okkar er einna
helst sú að við sækjum viðskipta-
vini á Vesturlandi og höfuðborgar-
svæðinu en hjá öðrum fyrirtækjum
kostar það mikið aukalega,“ seg-
ir Hagalín, eins og hann er jafnan
kallaður, þegar hann lýsir fyrirtæk-
inu. Systkinin segja að hugmynd-
inni hafi verið komið í framkvæmd
vegna þess að þeim fannst vanta að
ferðamönnum væri betur sinnt á
Vesturlandi.
„Áherslan hjá okkur er á Vestur-
land en við munum klárlega koma
til með að bjóða upp á þessar hefð-
bundnu ferðir sem önnur fyrirtæki
eru með, eins og Gullna hring-
inn, Þórsmörk og Landmannalaug-
ar,“ segir Hagalín. Hann er ekki að
koma nálægt jeppaferðum af þessum
toga í fyrsta sinn, hefur tveggja ára
reynslu af því að aka ferðamönnum
hjá öðrum fyrirtækjum. „Feðgarn-
ir höfðu rætt þetta í mörg ár og nú
ákváðum við að slá til. Hann er með
þessa reynslu, ég er ferðamálafræð-
ingur, einn bróðir okkar er búinn
að taka markaðsfræð kúrsa og ann-
ar er lögfræðimenntaður. Við litum
svo á að ef við færum út í þetta öll
saman að þá væri þetta möguleiki,“
útskýrir Helga Ingibjörg. Systkinin
bæta því við að öll séu þau forfall-
ið jeppadellufólk. „Já, við erum alin
upp í sveitinni og smituðumst öll af
útivistarbakteríunni.“
Kynning að fara af stað
Helga Ingibjörg segir að þeim hafi
fundist skorta betri ferðir um Vest-
urland. „Í Reykjavík er boðið upp
á ferðir á Snæfellsnes og í Borgar-
fjörð en svæðið sem slíkt er ekki
markaðssett nægilega vel.“ Mark-
aðsstofa Vesturlands hefur undan-
farið lagt drög að því að koma Vest-
urlandi á kortið hjá ferðamönnum
og fjölskyldan vildi taka þátt í því
starfi og stuðla að heilsársþjón-
ustu fyrir ferðamenn á Vesturlandi.
„Rósa í Markaðsstofu Vesturlands
hefur verið okkur innan handar frá
upphafi og við erum henni gríðar-
lega þakklát. Hún hefur staðið við
bakið á okkur eins og klettur og
keyrt okkur áfram, ásamt Kristjáni
sem einnig starfar hjá Markaðsstof-
unni,“ segja systkinin. Hægt verður
að bóka ferðir í gegnum heimasíðu
fyrirtæksins, www.wwt.is en verið
er að vinna í uppsetningu síðunnar.
Til stendur að hún verði tilbúin og
fari í loftið í þessari viku. Fyrirtæk-
ið er einnig kynnt í gegnum Mark-
aðsstofu Vesturlands.
Samræma nöfn
hringleiða
Fyrirtækið Wild West Tours býð-
ur upp á ferðir fyrir allar stærð-
ir hópa, jafnt stóra sem smáa. „Við
erum með þrjá bíla en ég þekki orð-
ið ansi marga í bransanum og hef
aðgang að fleiri bílum séu hóparnir
stórir. Þannig að hvort sem um er
að ræða ferðir fyrir tvo einstaklinga
eða tvö hundruð manns, þá verð-
ur því sinnt,“ segir Hagalín. Fjöl-
skyldan hefur áætlað að reyna að
koma Vesturlandi betur á framfæri
en verið hefur og auka ferðamanna-
straum um landshlutann. Það munu
þau gera til dæmis með því að bjóða
upp á skipulagðar ferðir um Vest-
urland. „Við bjóðum meðal annars
upp á Borgarfjarðarhring, Fossa-
hring og Norðurljósahring. Mark-
aðsstofan hefur reynt að fá ferða-
þjónustuaðila í landshlutanum til
að nota samræmd nöfn á þessum
ferðum. Nöfn sem þau leggja til.
Við ákváðum að nota þau enda mun
auðveldara að markaðssetja ferð-
irnar ef þær heita alls staðar það
sama, samanber Gullna hringinn,“
útskýrir Helga Ingibjörg.
Mikill áhugi á Akranesi
Eins og áður segir komu systkinin
fram á frumkvöðlakvöldi hjá Akra-
neskaupstað. Í kjölfarið hafa þau
fundið mikinn áhuga fyrir ferða-
þjónustu á Akranesi. „Það er gam-
an að finna áhugann hér. Það eru
margir að detta í gang með alls
kyns hugmyndir um ferðaþjónustu
á Vesturlandi. Bara í dag er ég búin
að fá tvær símhringingar sem sner-
ust um að fara í samstarf við önn-
ur fyrirtæki, að tvinna saman þjón-
ustu,“ segir Helga Ingibjörg. „Þetta
er alveg hægt, það er mikill hugur í
ferðaþjónustufólki á svæðinu um að
koma Vesturlandi á framfæri. Allir
eru orðnir mjög áhugasamir og fólk
er að hittast og kynna þjónustu sína
til að reyna samvinnu. Það er hægt
að búa til mjög skemmtilegan dag
með því sem er í boði. Það er stutt á
staði eins og Bjarteyjarsand og Þór-
isstaði, hægt er að fara í veiðiferðir
í vötn, gönguferðir og jafnvel ísklif-
ur. Bara hér á Akranesi er mögu-
leiki á fugla-, göngu og sjóstanga-
ferðamennsku. Hér eru endalaus-
ir möguleikar. Við erum bara rétt
að byrja hérna á Akranesi, erum
mörgum árum á eftir öðrum svæð-
um í ferðamennskunni. Nú er bara
að vona að áhuginn hérna á svæð-
inu haldist svo að eitthvað verði úr
þessu.“
Fyrsti túrinn kom óvænt
Fyrsta ferð fyrirtækisins var far-
in fyrir nokkrum dögum. Bókun-
in kom óvænt enda heimasíða fyr-
irtækisins ekki tilbúin enn. „Gest-
irnir voru að leita að ferð á Snæ-
fellsnesið. Okkar vefsíða kemur
upp í leit á Google vegna skrán-
ingarinnar á Markaðsstofu Vest-
urlands og þar er hægt að sjá net-
fangið hjá fyrirtækinu. Við fengum
því alveg óvænt tölvupóst frá ferða-
þjónustufyrirtæki í Bretlandi sem
var að bóka ferð með þrettán daga
fyrirvara. Það er svolítið sérstakt
því yfirleitt bóka þessi fyrirtæki
svona ca. ár fram í tímann. Þetta
var eins og gusa í andlitið, örlítill
prófsteinn á að ná að redda þessu
svona fljótt. En þetta gekk rosalega
vel og það var mikil ánægja með
ferðina hjá hópnum,“ segja systkin-
in sem hlakka til að þjónusta fleiri
viðskiptavini Wild West Tours. grþ
Óveður var víða um norðanvert
Vesturland, Vestfirði og Norð-
urland síðastliðinn fimmtudag.
Meðal þeirra sem fengu að kenna
á veðrinu var rúta frá Hópferða-
bílum Teits Jónassonar sem stóð
á bílastæðinu við íþróttahúsið
á Laugum í Sælingsdal. Skipti
engum togum að í einni rok-
unni sogaðist framrúðan úr rút-
unni í heilu lagi og fauk rúma
fimmtíu metra. Starfsmenn KM
Þjónustunnar voru fengnir til að
koma rútunni í skjól í Búðardal.
Í óveðrinu lokaðist vegurinn um
Svínadal þannig að skólabörn úr
Saurbæ komust ekki í Auðarskóla
í Búðardal. þá
Guðni Hannesson ljósmyndari og
kortagerðarmaður hjá Landmæl-
ingum Íslands á Akranesi fékk af-
hent sérstök verðlaun fyrir falleg-
asta skeggið á lokahófi Mottum-
ars, árvekni- og fjáröflunarátaks
Krabbameinsfélagsins, sem staðið
hefur yfir þennan mánuðinn. Loka-
hófið fór fram í Hörpu á sunnudag-
inn. Í samtali við Skessuhorn sagði
Guðni að verðlaunin hafi komið sér
skemmtilega á óvart en það voru
fulltrúar frá Meistarafélagi hárskera
sem völdu skegg hans það fegursta
í Mottumars. Fékk hann að launum
grænmetiskörfu og skemmtilega
hannaðan verðlaunaplatta ásamt
fleiru. Þetta er í þriðja skipti sem
Guðni tekur þátt í Mottumars sem
hann segir frábært og skemmtilegt
framtak.
„Hér er verið að vinna að góðu
málefni og því er bara gaman að
sprella aðeins fyrir það,“ segir
Guðni. Hann náði að safna 27 þús-
und krónum í átakinu. Undirbún-
ingurinn fyrir Mottumars var frem-
ur auðveldur að hans mati. „Ég bjó
vel að því að hafa gott skegg áður
en Mottumars gekk í garð þannig
að það var auðvelt verk að snyrta
til góða mottu. Fyrir þá sem vilja
taka þátt í framtíðinni skiptir máli
að byrja að safna skeggi í tíma til að
koma þannig upp góðum efnivið til
að snyrta. Ekki spillir fyrir að borða
vel af þorramat í janúar og febrú-
ar til örva skeggvöxtinn. Þorramat-
urinn er góður fyrir mottuna,“ seg-
ir Guðni í léttum tón. Hann hvet-
ur alla karlmenn til að taka þátt í
Mottumars að ári.
hlh
Rútan sem framrúðan fauk úr í heilu lagi. Ljósmynd Karl Ingi Karlsson.
Rúða fauk í heilu
lagi úr rútubíl
Guðni Hannesson með mottuna góðu sem var valin sú fallegasta í Mottumars.
Ljósm. Þorri Líndal.
Þorramaturinn góður fyrir mottuna
Wild West Tours er nýtt ferðaþjónustufyrirtæki á Akranesi
Wild West Tours býður upp á ævintýralegar jeppaferðir fyrir ferðamenn allt árið
um kring.
Helga Ingibjörg og Kristján Hagalín ásamt föður sínum Guðjóni Kristjánssyni.
Þau stofnuðu nýverið ferðaþjónustufyrirtækið Wild West Tours ásamt fleirum í
fjölskyldunni.