Skessuhorn - 09.04.2014, Blaðsíða 12

12 MIÐVIKUDAGUR 9. APRÍL 2014
Frístundahús ehf. er fjölskyldurek-
ið fyrirtæki í Borgarnesi sem ný-
verið opnaði bygginga-, véla- og
tækjaverslun á netinu á vefslóðinni
www.fristundahus.is. Einar Þóris-
son er talsmaður fyrirtækisins sem
er með starfsemi að Sólbakka 27 í
athafnahverfinu í efri hluta Borgar-
ness. „Fyrirtækið hefur verið starf-
andi í nokkur ár en það sérhæfði sig
í fyrstu í að smíða frístundahús eins
og nafnið gefur til kynna. Starfsem-
in hefur þróast með árunum og sér-
hæfum við okkur nú í sölu á bygg-
ingavörum ásamt vinnuvélum og
tækjum til allskyns nota. Við opn-
uðum sölusíðuna okkar á netinu í
febrúar síðastliðnum og hafa við-
tökur verið mjög góðar,“ segir Ein-
ar.
Fjölbreyttar vélar
„Ég og fjölskylda mín fluttum í
Borgarnes árið 2008 og höfum
undirbúið opnun verslunarinnar
í nokkurn tíma. Það hefur vantað
verslun hér á landi sem sérhæfir sig
í að bjóða uppá sumar af þeim vél-
um og vörum sem við seljum og því
varð úr að við einhentum okkur í
þetta. Sjálfur hef ég nokkra reynslu
að baki við söluráðgjöf og markaðs-
mál og hef í störfum mínum á liðn-
um árum myndað tengsl við fram-
leiðendur véla og tækja víða um
heim.“
Vöruúrval Frístundahúsa er fjöl-
breytt, segir Einar, en fyrirtæk-
ið flytur inn vörur fyrir verktaka,
bændur, áhaldahússtarfsmenn,
iðnaðarmenn, björgunarsveit-
ir, slökkvilið og fleiri. „Sem dæmi
um vörur sem við bjóðum uppá
eru háþrýstidælur, jarðvegsþjöpp-
ur, pressutengi, plötulyftur, vél-
hjólbörur, lasermælar, beltavagnar,
slökkvibílar á beltum, torfærutæki,
traktorar og ísbrjótar. Vörurnar
koma víða að t.d. frá Evrópu, Am-
eríku og Asíu og eru fluttar nýjar til
landsins,“ segir Einar.
Björgunartæki og
slökkvibílar á beltum
Frá opnun hefur mesta athyglin
beinst að finnska ísbrjótnum Raiko
og Argo 8x8 björgunartækinu. Ein-
ar segir að ísbrjótana hafa komið
sér vel fyrir marga í klakatíðinni í
vetur, ekki síst bændur. „Við höf-
um verið að kynna tækin á nokkr-
um stöðum að undanförnu og hef-
ur þeim verið vel tekið. Við vorum
með sýningu 29. mars fyrir starfs-
menn Reykjavíkurborgar, bænd-
ur og verktaka í notkun ísbrjótsins
og þá vorum við með sýningu fyrir
Landbúnaðarháskólann á Hvann-
eyri í síðustu viku. Þetta eru af-
bragðstæki sem fara vel með tún,
vegi og annað undirlag og eru góð í
að brjóta upp yfirborðsklaka en þau
eru ekki vélknúin. Við bjóðum upp
á ísbrjótana í þremur gerðum og 12
tegundum en hægt er að draga þá
eða setja framan á tæki.“
Dæmi um önnur vörumerki
sem Frístundahús eru með á sín-
um snærum eru FSH pressutengi
og Pex-Al-Pex rör, DeWalt, Argo
8x8 og Farmtrac, sem eru pólskir
traktorar. „Sum tæki sem við bjóð-
um til sölu hafa lítið verið not-
uð hér á landi þannig að segja má
að við séum í hálfgerðu landnámi
á sumum sviðum. Mörg af þess-
um tækjum eru kjörin fyrir íslensk-
ar aðstæður, eins og ísbrjóturinn og
björgunartækin. Annað tæki sem
hægt væri að nefna í þessu sam-
bandi hjá okkur eru slökkviliðsbíl-
ar á beltum sem hafa reynst vel við
slökkvistörf vegna gróðurs og skóg-
arelda erlendis. Slík tæki myndu
klárlega nýtast vel hjá slökkvilið-
unum hér á landi í glímu þeirra við
sinuelda sem því miður hafa færst í
vöxt á liðnum árum.“
Byggja upp reksturinn í
Borgarnesi
Einar segir markmið Frístundahúsa
að bjóða upp á góðar vélar og veita
viðskiptavinum góða þjónustu og
sanngjörn verð. „Við viljum stuðla
að lægra vöruverði hér á landi en
okkur finnst íslensk fyrirtæki geta
gert betur í þeim efnum. Öll verð
eru uppi á borðum hjá okkur og má
sjá uppfærð vöruverð undir hverri
söluvöru á heimasíðunni. Síðan
bjóðum við upp á að senda smá-
vörur frítt um land allt en semjum
á sanngjarnan hátt um sendingu á
stærri vörum til viðskiptavina.“
Hann segir starfsemi verslunar-
innar fara rólega af stað en stefn-
an er sú að með tíð og tíma muni
vörutegundum fjölga verulega.
„Fleiri vörur koma í sölu hjá okk-
ur síðar. Upplýsingar um þær verða
settar inn á síðuna á næstunni og
hvet ég alla áhugasama til að fylgj-
ast með henni. Stefnan er síðan að
byggja upp reksturinn hér í Borg-
arnesi hægt og rólega en þar ætl-
um við okkur að vera til framtíðar,“
segir Einar að lokum.
hlh
Í fréttatilkynningu sem send
hefur verið fjölmiðlum segir að
mikill meirihluti akademískra
starfsmanna Landbúnaðarhá-
skóla Íslands hafi skorað á ráð-
herra menntamála, rektor Land-
búnaðarháskólans og allsherjar-
og menntamálanefnd Alþingis
að klára sameiningarferli Land-
búnaðarháskóla Íslands og Há-
skóla Íslands. Jón Hallsteinn
Hallsson erfðafræðingur, dós-
ent við auðlindadeild Landbún-
aðarháskóla Íslands og aðjúnkt
við læknadeild Háskóla Íslands,
undirritar tilkynninguna fyrir
hönd hópsins. Þar segir orðrétt:
„Undanfarið hefur mikið bor-
ið á sjónarmiðum þeirra sem
andvígir eru sameiningu Land-
búnaðarháskóla Íslands og Há-
skóla Íslands. Af umræðunni
hefur mátt skilja að meirihluti
starfsmanna sé þar á meðal. Það
er ekki rétt og hefur nú mikill
meirihluti (meira en þrír fjórðu
hlutar) akademískra starfsmanna
Landbúnaðarháskóla Íslands
undirritað áskorun til mennta-
málaráðherra og rektors LbhÍ
um að ljúka sameiningu skól-
anna með það fyrir augum að
styrkja stöðu landbúnaðar- og
umhverfisrannsókna og kennslu
með hag nemenda og fræðasviða
Landbúnaðarháskólans að leið-
arljósi. Mikill samdráttur hefur
þegar átt sér stað í fjárveiting-
um til Landbúnaðarháskólans
og eru akademískir starfsmenn
mjög uggandi yfir þeirri stöðu
sem nú er uppi. Nauðsynlegt er
að styrkja stöðu þeirra fræða-
sviða sem hýst eru innan skól-
ans. Verði það ekki gert með öfl-
ugum hætti nú þegar mun þekk-
ing tapast með ófyrirséðum af-
leiðingum fyrir nýsköpun og
framfarir í landbúnaði.“
mm
Símafyrirtækin keppast nú við að
bæta 4G dreifisvæði sín, einkum
í sumarbústaðahverfum í Borg-
arfirði og Hvalfjarðarsveit, enda
er 4G aðallega í Reykjavík og því
talið nauðsynlegt að íbúar þaðan
nái sendingunum í fríum sínum í
sumarhúsahverfunum. Síminn og
Vodafone sendu Skessuhorni til-
kynningar þar að lútandi í vikunni.
Síminn í Hvalfirði
„Síminn hefur nú sett upp 4G í
Hvalfirði. Stöðin stendur á Svarf-
hólshálsi og dekkar fjörðinn sem
og sumarhúsabyggðina í Svínadal.
Á næstu dögum verður einnig settir
upp 4G sendar í Borgarnesi. Þessi
fjórða kynslóð farsímasenda eflir
sambandið til muna, þar sem hrað-
inn um netið eykst. Auk þess leyfir
tæknin áhorf í háskerpu og niður-
hal kvikmynda á mettíma. Síminn
er með stærsta 3G dreifikerfi lands-
ins og býður nú enn meiri hraða
yfir 4G kerfið,“ segir í tilkynn-
ingu frá Símanum. „Viðskiptavin-
ir finna mun á 4G tækninni frá 3G
þar sem svartíminn er styttri, upp-
lifun af tækninni sjálfri er betri og
rauntímaþjónusta; eins og tölvu-
leikjaspilun, virkar enn betur,“ seg-
ir Gunnhildur Arna Gunnarsdótt-
ir, upplýsingafulltrúi Símans. Hún
segir ljóst að sífellt fleiri landsmenn
séu tilbúnir fyrir 4G tæknina. „Yfir
helmingur seldra síma fyrir jólin
voru 4G símar,“ segir hún. „Nú er
svo komið að yfir tíu prósent við-
skiptavina Símans eru með 4G
símtæki en þeir voru aðeins tvö
prósent á landsvísu í upphafi árs
2013.“ Áður hefur Síminn sett upp
4G samband á Selfossi, Akureyri, í
Skorradal, Grímsnesi, Vestmanna-
eyjum og við Þingvallavatn. Auk
þess er sambandið á höfuðborgar-
svæðinu að verða nokkuð þétt.
4G Vodafone
Munaðarnesi
„Borgarfjörður er nú orðið eitt
4G-væddasta svæði landsins, eft-
ir að nýr 4G sendir sem þjónustar
Munaðarnes og nágrenni var tek-
inn í gagnið nú í vikunni,“ segir í
tilkynningu frá Hrannari Péturs-
syni upplýsingafulltrúa Vodafone.
„Þar með eru öll helstu sumarbú-
staðasvæði í Borgarfirði komin í
gott 4G samband frá Vodafone og
stór hluti þjóðvegarins. Vodafone
hefur á undanförnum mánuðum
stækkað 4G þjónustusvæði sitt og
tekið forystuna í 4G uppbyggingu
á landinu.“
mm
Símafyrirtækin styrkja 4G svæðin
Sendir 4G frá Símanum stendur í Svarfhólsskógi.
4G þjónustusvæði Vodafone í Borgarfirði. Rauði liturinn á
kortunum sýnir 4G útbreiðsluna, en 4G merkið er sterkast
þar sem rauði liturinn er sterkastur.
Meirihluti akademískra
starfsmanna LbhÍ hvetur
til sameiningar
Frístundahús flytja m.a. inn slökkvibíla á beltum.
Ný véla- og tækjaverslun í Borgarnesi á netinu
Ísbrjóturinn frá Raiko sem Frístundahús ehf. selur.
Einar kynnir eiginleika ísbrjótsins fyrir Hauki Þórðarsyni kennara við LbhÍ.