Skessuhorn - 09.04.2014, Blaðsíða 22

22 MIÐVIKUDAGUR 9. APRÍL 2014
Nokkrum sinnum í viku má sjá hóp
fólks í marglitum hlaupafatnaði
skokka um götur Akraneskaupstað-
ar. Fólkið hleypur á mismunandi
hraða og virðist vera í nokkrum
hópum. Guðlaug M. Sverrisdóttir
er ein þeirra sem hleypur í Skaga-
skokkinu svokallaða.
„Þetta byrjaði eiginlega fyrir
rúmlega tuttugu árum sem hlaupa-
hópurinn KKK. Þá hafði Akra-
neskaupstaður sett einhvern pen-
ing í þetta, minnir mig. Kristinn
Reimarsson íþróttakennari stjórn-
aði hópnum í nokkur ár. Þá var
fjöldinn allur af fólki, yfir fimm-
tíu manns sem skiptist í fjóra til
fimm hópa eftir hlaupagetu,“ seg-
ir Guðlaug, eða Gulla eins og hún
er jafnan kölluð. Hún bætir því við
að hópurinn hafi tekið töluverð-
um breytingum síðan þá. „Af upp-
runalega hópnum er ég ein en það
eru einhverjar sem byrjuðu aðeins
seinna. Að öðru leyti hefur ver-
ið endurnýjun í hópnum. Þrír til
fjórir aðrir þjálfarar hafa verið með
hópinn síðan þetta hófst og voru þá
upphitanir fyrir hlaupin og léttar
æfingar og teygjur eftir þau. Núna
er það aftur á móti þannig að við
hlaupum bara sjálf og erum ekki
með neinn þjálfara. Við erum alltaf
öðru hverju með hlaupa prógrömm
sem við förum eftir en okkur vantar
að taka upphitun og æfingar á eft-
ir,“ segir hún.
Ragnheiður Ólafsdóttir myndlist-
armaður á Akranesi opnaði sl. laug-
ardag sína fyrstu málverkasýningu í
Safnaskálanum í Görðum. Vel var
mætt því yfir 160 manns mættu
þessa fyrstu helgi sem sýningin var
opin. Sýningin heitir „Lifað í gleði“
og er það einmitt í takt við hvernig
Ragnheiður kýs nú að lifa sínu eig-
in lífi. Hún tók þátt í stjórnmálum
um árabil. Sat í hreppsnefnd, var í
bæjarstjórn í nokkur ár ásamt því
að vera varaþingmaður fyrir Frjáls-
lynda flokkinn. „Fyrir mig skapast
svo mikil gleði og friður frá þessu
daglega áreiti þegar maður er að
mála, að skapa sjálfur. Það er ekkert
eins slakandi, þetta er eins og önn-
ur tegund af hugleiðslu. Þetta er
andhverfan við pólitíkina. Maður
hafði hugsjón að gera það mesta og
besta til að vinna fyrir fólkið en það
var svo oft drepið niður vegna eig-
in hagsmunapólitíkur. Nú er ég að
skapa í minni gleði. Líf án pólitíkur
er mjög skemmtilegt líf. Pólitík er
„tík“ og það er gott að vera laus frá
henni. Ég er algjörlega óháð í dag,“
útskýrir hún.
Allir geta málað
Ragnheiður málar allt á milli him-
ins og jarðar þó eftirlætisefnið séu
blóm og fuglar. „Það er ákveðin
áskorun að ná þessu fína gegnsæi og
nákvæmni fram en ég hef líka gam-
an að sletta úr klaufunum. Ég er þó
ekki mikið fyrir abstrakt myndir, ég
hef málað svoleiðis verk en finnst
það ekki gaman,“ segir hún. Hún
bætir því við að mestu máli skipti að
sjá fegurðina í því sem maður er að
gera. „Fegurð náttúrunnar til dæm-
is, því ef maður ekki sér fegurðina
þá sér maður bara ljótleika í heim-
inum. Það er stórkostlegt að horfa á
himnagalleríið, eins og ég kalla það,
þvílíkur síbreytileiki og fegurð. Ég
fer oft út á vita og mynda öldurnar.
Það er svo mikil fegurð og kraftur í
náttúruöflunum,“ segir hún. Ragn-
heiður fær flestar af hugmyndum
sínum úr umhverfinu og er yfirleitt
með myndavélina með í för.
Ragnheiður sýnir yfir fimmtíu
myndir á sýningunni og eru fjór-
ar þeirra í eigu nemenda hennar.
„Ég hóf að kenna þegar ég var 69
ára gömul. Ein mín mesta gleði er
að miðla í kennslu til annarra af því
sem ég hef lært og að sjá það sem
kemur út frá sömu fyrirmynd. Það
er ekkert eins, fjölbreytileikinn og
að sjá gleðina þegar nemendurnir
fara að bera sama svo ólíkar mynd-
ir. Allir geta málað og aldur skiptir
ekki máli í því efni. Aldur er afstæð-
ur,“ segir Ragnheiður sem ætlar að
halda áfram að mála þegar andinn
kemur yfir hana og lifa í gleði. „Ég
ætla að lifa lífinu, lifa í gleði, kenna
og njóta,“ segir myndlistakonan
lífsglaða að lokum.
Ragnheiður hefur bæði teiknað
og málað síðan hún var barn. Hún
hefur farið á fjölmörg námskeið í
myndlist og handverki. Þá gekk hún
einnig í Myndlistaskóla Reykjavík-
ur og útskrifaðist með alþjóðleg
kennsluréttindi í Fine Art listmálun
2012 frá myndlistarskólanum „Fine
Art - Farbiflora“ í Berlín. Ragn-
heiður lauk svo mastersnámi í Fine
Art listmálun við sama skóla 2013.
Sýningin verður opin út apríl alla
daga frá kl. 13 – 17.
grþ
Með vaxandi umferð ferðamanna
um Vesturland verður sífellt meiri
þörf á útskotum og stöðum þar sem
ferðafólk getur stöðvað og notið út-
sýnisins. Í fréttum Skessuhorns hef-
ur til dæmis nokkrum sinnum verið
bent á það að undanförnu að nauð-
synlegt sé að gera slíkan stoppi-
stað við brúna yfir Kolgrafafjörð.
Nýverið hafði Borgfirðingur einn
samband við ritstjórn Skessuhorns
og benti á stað í uppsveitunum sem
upplagt væri að koma fyrir útskoti
því útsýnið þaðan yfir héraðið væri
óvenjulega gott. Þetta er á vegin-
um vestan og ofan við Kleppjárns-
reyki í Reykholtsdal, sem löngum
hefur verið nefndur Ruddinn. Það-
an er útsýni gott allt frá Hafnarfjalli
í suðri, yfir héraðið og að Eiríks-
jökli. Viðmælandi blaðsins kvaðst
verða var við það sífellt oftar að á
þessari leið stöðva ökumenn bíla
sína til að njóta útsýnisins, með til-
heyrandi hættu þar sem vegurinn
er ekki breiður. Þessu er hér með
komið á framfæri við Vegagerðina
og þá sem ákvarða fjárframlög til
slíkra framkvæmda.
mm
Samsett mynd sem sýnir útsýnið frá þeim stað sem ekið er niður að Ásgarði og Stóra Kroppi af Ruddanum. Hafnarfjallið lengst til vinstri og til hægri glittir í Eiríksjökulinn.
Vill að Vegagerðin útbúi útsýnisstað á Ruddanum
Ragnheiður við eitt af verkum sínum. Verkið heitir Draumurinn og var eitt af út-
skriftarverkefnum hennar í Berlín.
Opnaði sýninguna Lifað í gleði
Hvetja fleiri til að vera með í Skagaskokkinu
Í dag eru um tuttugu manns skráð-
ir í Skagaskokk hópinn, sem hitt-
ist fjórum sinnum í viku. Á mánu-
dögum, miðvikudögum og föstu-
dögum er mæting kl. 17 og hlaup-
ið í 50 – 60 mínútur. Á sunnudög-
um er mætt kl. 11 og þá er hlaup-
ið lengra. „Ég er eiginlega hissa á
því að það skuli ekki koma fleiri og
hlaupa með okkur því við mætum
oft mörgum hlaupurum. Það kost-
ar ekki neitt, það eina sem þarf
að gera er að mæta og vera með.
Margir halda að við séum að hlaupa
rosalega hratt en það er mismun-
andi. Við hlaupum í raun ekki öll
saman, erum á mörgum mismun-
andi stigum. Sumir hlaupa hratt og
aðrir hægar þannig að þetta hentar
í raun öllum. Fólk fer bara á sínum
hraða. Það er fínt að koma tveir til
þrír saman í byrjun og hlaupa til að
byrja með þeim sem eru vanari en
auðvitað þarf ekkert að hlaupa jafn
lengi eða jafn langa vegalengd,“
segir Gulla. Hópurinn hittist allt-
af á sama stað, við íþróttamið-
stöðina á Jaðarsbökkum og endar
einnig þar. „Á miðvikudögum för-
um við stundum inn í Akraneshöll
að teygja og gerum æfingar. Eftir
lengri hlaupin á sunnudögum för-
um við endrum og sinnum í heita
pottinn og stefnum á að fjölga þeim
ferðum. Svo eru líka nokkrar hetjur
sem skella sér einstaka sinnum í
sjóinn í hlaupafötunum eftir hlaup-
ið. Þeir vaða þá upp að mitti.“
Hlaupa í öllum veðrum
Það má segja að hlaupatímarnir
falli sjaldan eða nánast aldrei nið-
ur, enda er hlaupið í öllum veðrum.
„Við erum orðin vön að hlaupa í
öllum veðrum, það venst fljótt. Svo
höfum við alltaf aðgang að Akra-
neshöllinni og notum hana ef veðr-
ið er vont. Þar hlaupum við kannski
styttra en erum með meiri hraða-
æfingar. En það þarf að vera mjög
vont veður til að við sleppum því að
hlaupa,“ útskýrir Gulla.
Hluti hópsins hefur hug á því
að taka þátt í hlaupanámskeiðinu
Allir hlaupa, sem haldið verður á
Akranesi í sumar. „Okkur finnst
vanta einhvern sem leiðir hópinn
og stjórnar honum. Í dag stjórnar í
raun enginn hópnum. Oft er það sá
sem er fremstur sem ræður förinni.
Við erum dauðfegin ef einhver tek-
ur af skarið og fer nýjar leiðir,“ seg-
ir hún. Guðlaug nefnir einnig að
hópurinn fari í ferðir og hlaupi
annarsstaðar en á Skaganum. „Við
tökum þátt í ýmsum hlaupum, til
dæmis Hlaupahátíð á Vestfjörð-
um, Sauðafellshlaupi og Reykjavík-
ur maraþoninu. Við stefnum svo að
því að fara einhvern tímann erlend-
is. Nú er stefnan tekin á að hlaupa
í Hvalfirði á næstunni. Þar ætlum
við að vera með um 16 kílómetra
hlaup. Við ætlum að gista á Hótel
Glym og bjóða mökum með.“ Hún
bætir því við að í vetur hafi tveir
meðlimir hópsins séð um að skipu-
leggja uppákomur tengdar hlaup-
inu. „Það var meðal annars hlaup-
ið hér í bænum með þrautum og
svo tókum við þátt í Flandraspretti
í Borgarnesi. Þetta gerum við til að
fá fjölbreytni. Svo tökum við alltaf
þátt í Gamlárshlaupinu og mætum
í búningum. Það er mjög skemmti-
legt,“ segir Guðlaug. „Við viljum
nota tækifærið og endilega hvetja
fleiri til að prófa að hlaupa með
okkur, því það er svo gaman.“ grþ
Hlaupahópurinn Skagaskokk er opinn öllum. Hér má sjá hluta hópsins skokka
fyrir utan bæinn. Ljósm. Edit Ómarsdóttir.
Hluti hópsins tók þátt Hlaupahátíðinni á Vestfjörðum í fyrra.