Fjarðarpósturinn - 27.11.2014, Blaðsíða 12

10 www.fjardarposturinn.is FJARÐARPÓSTURINN | FIMMTUDAGUR 27. NÓVEMBER 2014
Verðum í
jólaþorpinu
fram að
jólum
Átak Lionsklúbbanna í Hafnarfirði
Ókeypis
blóðsykursmæling
Lionsklúbbur Hafnarfjarðar,
Lionsklúbburinn Ásbjörn og
Lionsklúbburinn Kaldá munu
bjóða almenningi upp á ókeypis
blóðsykurmælingu í verslunar­
miðstöðunni Firði á laugardaginn
milli kl. 11 og 16.
Almenningur er hvattur til að
nýta sér þessa þjónustu því
reynslan hefur sýnt að ekki er
vanþörf á.
Á morgun, föstudag kl. 17­19
verður opnun á sýningu á
verkum Ragnhildar Jónsdóttur í
minnsta sýningarsal landsins í
Oddrúnarbæ í Hellisgerði.
Verkin eru unnin með bland­
aðri tækni og ýmis efni notuð t.d.
vatnslitamálun, prentun á efni,
útsaumur með vel völdum þræði
oft handlituðum frá ýmsum
heimshornum, íslenska ullin,
perlur, steinar ofl. Sýningin
fjallar um hraunin og það líf sem
í þeim finnst.
Álfagarðurinn í Hellisgerði og
sýningin þar með, er opinn allar
helgar á aðventunni kl. 12­18.
Álfagarðurinn á aðventu
Sýning opnuð í minnsta
sýningarsal landsins
Bæjarstjóri, Haraldur L. Har­
aldsson, hefur sent boðskort á
alla bæjarbúa sem fæddir eru á
árinu 1944 og boðið þeim í kaffi
og spjall í Hásölum, safnaðar­
heimili Hafnarfjarðarkirkju
föstu daginn 28. nóvember kl. 15.
Þar er hugmyndin að kynna
fyrir hópnum það helsta sem er í
boði i þjónustu og afþreyingu
fyrir þeirra aldurshóp í bæjar­
félaginu og eiga um leið saman
góða stund yfir kaffibollanum.
„Við sendum út að mig minnir
179 boðskort og vonandi sjá sem
flestir sér fært að mæta. Hug­
myndin er að kynna þá þjónustu
og afþreyingu sem bærinn hefur
upp á að bjóða fyrir eldra borgara
í bænum. Þetta verður alveg
öruggleg skemmtilegur eftirmið­
dagur og með öllu þessu frábæra
fólki.“ Segir Steinunn Þorsteins­
dóttir upplýsingafulltrúi Hafnar­
fjarðarbæjar.
Í þessum aldurshópi eru 101
karl og 78 konur.
Mb. Morgunstjarnan
Til gamans má geta að árið
1944 var vélbátnum Morgun­
stjörninni hleypt af stokkunum í
skipasmíðastöð Júlíusar Nýborg
í Hafnarfirði og var eigandi
skipsins nýstofnað hlutafélag,
Hafstjarnan hf. Var þetta sjötta
skipið sem Júlíus byggði af
þessari gerð. Skipin voru 43
smálestir.
Bylting í skipasmíðum
Sjómannablaðið Víkingur seg
ir í sama blaði frá amerískum
upp finningamanni, Hal. B.
Hayes sem hafði smíðað skips­
líkan sem hann taldi verða fyrir­
mynd um lag flutninga­ og far­
þegaskipa. Var það í laginu eins
og vindill og átti að geta náð 75
mílna hraða.
Stofnun lýðveldis
Ljóst er að skipasmíðarnar
féllu í skugga fyrir stofnun
lýðveldisins Íslands á Þing­
völlum 17. júní þetta ár.
Úr Víkingi árið 1944.
Lýðveldiskynslóðinni boðið í kaffispjall
Árið 1944 átti skip framtíðarinnar að geta náð 75 mílna hraða