Frjáls verslun - 01.09.2012, Page 23

FRJÁLS VERSLUN 10. 2012 23
Árangur er spurning um hugarfar
T
homas Möller segir að
eitt einkenni fyrirtækja
sem hafa náð árangri
sé árangurssinnað
hugarfar innan
fyrir tækisins. „Það er hægt að
ná undraverðum árangri með
hvatn ingu, sigurvissu hugarfari,
skýrum fókus, jákvæðu um ­
hverfi og árangursumræðu í
fyrirtækinu. Jákvætt og árang ­
urssinnað starfsfólk smitar út frá
sér og dregur að sér viðskipti og
ný tækifæri,“ segir Thomas.
„Árangur sést til dæmis þegar
viðskiptavinurinn fer ánægður
frá okkur og kemur aftur og
aftur. Það er árangur þegar
starfs maður stendur sig vel og
fær hrós fyrir. Árangur næst
þeg ar svartsýnn maður verður
bjartsýnn, eigendur fyrirtækja fá
ásættanlegan arð, nýjar vörur
seljast vel, veltuhraði birgða
og fjármagns eykst og gæði
þjónustunnar aukast í kjölfar
umbótastarfs.“
Thomas segir að umhverfið og
jákvæð samkipti móti hvern og
einn frá barnsaldri. „Félagstengsl
móta okkur svo og samstarfs-
fólkið og starfsandinn í vinnunni.
Fyrirlesarinn Jim Rohn sagði eitt
sinn að við værum meðaltalið af
þeim fimm einstaklingum sem
við hefðum varið mestum tíma
með. Yfirmenn okkar hafa mikil
áhrif enda eru þeir oftast fyrir­
mynd starfsmanna.
Þá er það einn mikilvægasti
eiginleiki góðs stjórnanda að
vera glöggur á góða starfsmenn
og láta þá vita af sínum hæfi ­
leikum. Stephen Covey bendir
á þetta í síðustu bók sinni „Átt­
unda venjan“.
Hegðun okkar er afleiðing
hugsana okkar. Því má segja
að hugurinn beri okkur alla leið,
ekki bara hálfa leið eins og
máls hátturinn segir.“
Thomas segir að sá sem vill ná
árangri ætti að einbeita sér að
lausnum, sýna alltaf frumkvæði,
búa yfir seiglu, finna tækifærin,
setja sér markmið, axla ábyrgð,
vera hvetjandi, hafa jákvæð áhrif
á aðra og bæta stöðugt hæfni
sína.
THomas mölleR
– framkvæmdastjóri Rýmis
STJÓRNUN
Valdimar Sigurðsson segir að það sé hlutverk fyrir tækja að minna neyt­endur á langanir þeirra
og þarfir. Niðurstöður rannsókna
í markaðsfræði sýni t.d. að fólk
gleymi yfirleitt að kaupa það sem
það langar mest í og velji því eitt­
hvað annað.
„Þetta er svolítil þversögn en
þetta kemur fram þegar farið er
í gegnum það sem fólk hefur
keypt í verslunum. Neytendur
velja til dæmis mat sem þeim
finnst góður en ekki endilega
þann sem þeir hefðu helst viljað
væru þeir minntir á það. Þeir
velja oft annan mat þegar það er
kerfisbundið farið yfir innkaupin
og fólki leyft að velja matvæli af
lista. Við gleymum að kaupa það
sem okkur langar mest í þannig
að við kaupum það sem við
finnum. Við sjáum ekki allt sem
við horfum á, heldur sjáum við
með minninu. Ef ákveðnar hillur
verslana eða hlutar heimasíðna
hafa ekki geymt neitt spennandi
í einhvern tíma minnkar athyglin
og við hættum að gefa þeim
gaum, líkt og þær séu ekki til. Um
80% af því sem ber fyrir augu
okkar í verslunum eru pakkn­
ing ar og áreitin eru svo mörg að
ómeðvitaða hugarstarfið velur
aðeins nokkur atriði til að birta
í meðvitund. Ef lesandinn trúir
mér ekki getur hann prófað að
slökkva á „sjálfstýringunni“ næst
þegar hann fer í verslun.“
Það er innan við ár þang að til ákvæði um kynjajafnvægi í stjórnum bæði lífeyrissjóða og
stærri fyrirtækja taka gildi eða 1.
september 2013. Í rauninni er
það styttra því á aðalfundunum
á komandi vetri og vori þurfa
félög að sjá til þess að a.m.k.
40% stjórnarmanna séu af
hvoru kyni.“
Niðurstöður könnunar, sem
gerð var í haust, leiddi í ljós
að þá vantaði um tvö hundruð
konur í stjórn stærri fyrirtækj­
anna og tvo karla reyndar og
segir Margret að um helmingur
fyrirtækjanna hafi ekki verið
kominn á það stig að uppfylla
skilyrðin. Hún segir að í raun-
inni hafi það sama verið upp á
teningnum hjá lífeyrissjóðunum
en þar vantaði ennþá tuttugu
konur og einn karl.
„Konunum hefur verið að
fjölga á síðustu árum og eru
sterkar vísbendingar um að
bæði lögin og samningur sem
Samtök atvinnulífsins, Við skipta ­
ráð og Félag kvenna í atvinnu ­
lífinu gerðu með sér árið 2009
hafi haft áhrif. Það styttist þó
mikið í þetta og fljótlega á nýja
árinu hefst aðalfundatíð og
skiptir máli að fyrirtækin hugi
strax að því á hvaða hátt þau
ætla að uppfylla þessi skilyrði.
Þetta er ekki flókið í minni
félögum eða félögum þar sem
eigendur eru fáir því eigendur
komast einfaldlega að sam-
komulagi um hvernig valið er
í stjórn en í stærri félögum og
lífeyrissjóðum getur þurft að
koma til breytinga á samþykkt­
um eða eitthvert sérstakt sam-
komulag á milli eigenda eða
aðildarfélaga til að tryggja að
lögin verði uppfyllt. Það þarf því
að taka til hendinni sem fyrst
til að standast þessi lög innan
tímamarka.“
Á réttum stað á réttum tíma
DR. ValDimaR siguRðsson
– dósent við við skiptadeild HR
maRgReT FlóVenz
– stjórnarformaður KPmgEndurskoðun
MARKAÐS-
HERFERÐIN
Styttist í kynjakvóta í
stjórnum félaga