Frjáls verslun - 01.09.2012, Qupperneq 51

FRJÁLS VERSLUN 10. 2012 51
sem þú getur bara haft
skoðanir á eða áhyggjur
af – en engin áhrif?
• Hvort fer meiri orka í það
hjá þér að hugsa um allt
það sem þú átt eftir að
gera – eða að demba þér
bara strax í verkefnin og
fagna því sem þú þegar
hefur lokið?
• Reynir þú að stýra krefj­
andi verkefnum og fund­
um inn á ákveðinn tíma
dags sem þú telur að sé
þinn besti tími – tími sem
þú ert sérstaklega vel
upplagður á?
• Gætirðu hugsanlega stýrt
orkunni þinni þannig að
þú hefðir jafna orku allan
daginn og að það væri
alltaf „þinn tími“?
Það er staðreynd að í núver­
andi efnahagsástandi krefjast
margir vinnustaðir bættrar
frammi stöðu og meiri afkasta
af starfsfólki sínu, meðal ann­
ars með því að biðja það að
sinna fleiri verkefnum en áður,
til að mynda vegna fækkunar
starfsfólks.
Því miður virðist starfsfólk
oft ekki kunna aðrar leiðir til
að mæta þessum kröfum en
með því að sleppa vinnuhléum
og/eða með lengri vinnutíma,
án þess að fá endilega greitt
sérstaklega fyrir hann.
Álag á vinnutíma og vinnutími
hefur því verið að aukast eða
lengjast hjá mörgum þrátt fyrir
að mælingar hafi sýnt að fram-
leiðni pr. vinnustund er minni
hér á landi en hjá þeim þjóðum
sem við berum okkur gjarnan
saman við.
Landsframleiðsla hér er vissu­
lega mikil í samanburði við mar-
gar samanburðarþjóðir en við
förum illa út úr þeim saman ­
burði þegar landsfram-
leiðslan er skoðuð niður
á unnar vinnu stundir.
Lengri vinnudagur
og aukið álag til
lengri tíma er farið
að leiða af sér
langtímaþreytu,
minni tryggð,
aukin veikindi
og fjarvistir.
Það hefur
augljóslega
áhrif á
rekstr arlegar
niður stöður
fyrirtækja.
Hvað er þá til ráða?
Árið 2007 birtist í Harvard
Busi ness Review grein eftir
Tony Schwartz og Catherine
Mc Carthy með titilinn „Manage
Your Energy, Not Your Time“
sem gæti útlagst sem „Stýrðu
ork unni þinni, ekki tímanum
þínum“.
Þau eru bæði starfandi hjá
„The Energy Project“ í New York
og hafa unnið með fjölmörgum
fyrirtækjum að því að skoða
hvernig auka má eða endurnýja
orku starfsfólks og vísa í grein-
inni í fjölmörg áhugaverð dæmi
og reynslusögur, m.a. frá Sony í
Evrópu, Wachovia Bank í
New Jersey, Ernst
& Young o.fl.
Greinin gengur mikið út á að
minna okkur á að tíminn sé tak-
mörkuð auðlind en orka okkar
sé endurnýjanleg.
Talað er um líkamlega, til finn­
ingalega, hugræna og andlega
orku og ýmsar, oft á tíðum mjög
einfaldar, leiðir nefndar sem
við getum farið til að endurnýja
orku okkar á hverju sviði.
Athyglisvert er að ábyrgðinni
á orku starfsfólks er varpað
bæði á fyrirtækin og starfsfólkið
sjálft.
Starfsfólk er hvatt til að bera
ábyrgð á sjálfu sér og gera
sér grein fyrir því hvað það er
kostn aðarsamt að hafa fólk í
vinnu sem ekki hefur fulla orku
til að sinna starfi sínu. Starfsfólk
þarf því að sinna sjálfu sér og
sinni heilsu vel, mataræði, svefni,
hreyfingu, andlegu hliðinni, því
sem gefur því orku og fleiru
þvíumlíku þannig að það mæti
úthvílt og fullt af orku til starfa á
hverjum degi. Á sama tíma er
starfsfólk hvatt til að huga að
skilum á milli vinnu og einkalífs.
Fyrirtækin verða svo að búa
þannig að starfsfólki að það
sé ekki keyrt áfram á síðustu
orkudropunum og að því sé
búin aðstaða og tækifæri til að
endurnýja orku sína með reglu ­
legu millibili á vinnutíma.
Einnig er talað um að það
vera með of mörg verkefni í
gangi í einu, þar sem hlaupa
þarf á milli verkefna til að halda
öllum boltum á lofti, verði til
þess að öll verkefni taka allt að
25% lengri tíma, þar sem svo
mikill tími og orka fer í að vera
alltaf að koma sér inn í hlutina
upp á nýtt (i.e. switching time).
Það að vera með færri mál
í gangi í einu og einbeita sér
að núinu (i.e. mindfulness) geti
því sparað heilmikinn tíma og
pen inga, m.a. er sagt frá fram ­
kvæmda stjóra hjá Wachovia­
banka sem hefur stytt þann tíma
sem það tekur hann að klára
skýrslur um 67% með því ein ­
faldlega að slökkva á símum og
loka að sér á meðan hann vinnur
skýrslurnar, í stað þess að vera
með allt í gangi á sama tíma.
Þó að við sjáum það kannski
ekki alveg fyrir að við getum í
fljótu bragði fækkað hjá okkur
verkefnum væri alla vega ráð
að byrja að huga að orku sinni
og hvernig má endurnýja hana
og auka með því að sinna
sjálfum sér vel líkamlega og
andlega og taka sér tíma í að
gera það sem gefur manni orku
til að fást við það álag sem við
flest búum við í leik og starfi.
„Í staðinn fyrir að
halda áfram að færa
til verkefni í þeirri
von að geta þannig
„keypt“ tíma vil ég
núna hvetja þig til að
skoða frekar hvernig
orkubúskapur þinn
er. Hvað eyðir helst
upp orkunni þinni
og hvernig getur þú
endurnýjað hana eða
byggt upp að nýju.“
„Mikilvægt er að
huga að orku sinni
og hvernig megi
endurnýja hana með
því að sinna sjálfum
sér vel líkamlega og
andlega.“