Víkurfréttir - 27.05.2010, Page 3

STÆRSTA FRÉTTA- OG AUGLÝSINGABLAÐIÐ Á SUÐURNESJUM Í ÞRJÁ ÁRATUGI! 3VÍKURFRÉTTIR I FIMMTUDAGURINN 27. MAÍ 2010
KÆRU BÆJARBÚAR,
Til þess að uppbygging eigi sér stað þurfum við að læra af fortíðinni.
Þess vegna mun Samfylkingin koma á nefnd óháðra sérfræðinga sem gera
skal úttekt á stjórnkerfi og stjórnsýslu Reykjanesbæjar síðustu átta
árin og þess vegna munum við sjá til þess að málefni SpKef verði
skýrð og fortíðin gerð upp. Við verðum að læra af fortíðinni til þess
að afglöp eins og sala á hlut Reykjanesbæjar í Hitaveitu Suðurnesja,
gegn vilja bæjarbúa, endurtaki sig ekki.
Við frambjóðendur Samfylkingarinnar í Reykjanesbæ erum fjölbreyttur
hópur fólks sem hefur mikinn metnað fyrir hönd bæjarins okkar. Við
bjóðum okkur fram til þess að virkja þann mikla kraft sem býr í
bæjarbúum til að byggja upp betra samfélag.
Við ætlum að reka bæinn okkar af ábyrgð og skynsemi með heiðarleika að
leiðarljósi. Við munum hlusta á raddir íbúanna, fjölga
atvinnutækifærum, verja grunn- og leikskóla, hvetja til nýsköpunar og
efla smærri fyrirtæki og sinna þeim sem minna mega sín.
Takk fyrir góðar móttökur undanfarnar vikur og allan stuðninginn.
Verið velkomin á kosningamiðstöðina okkar Hafnargötu 50, sími 421-3030.
Frambjóðendur Samfylkingarinnar í Reykjanesbæ
Sjá nánar um stefnumál okkar
í máli og myndböndum á xsreykjanesbaer.is