Víkurfréttir - 09.02.2012, Blaðsíða 23

23VÍKURFRÉTTIR • FIMMTUdagUrInn 9. FEBrúar 2012
útspark Ómar JÓhannsson
Ómar Jóhannsson, markvörður og
starfsmaður í Fríhöfninni sparkar
pennanum fram á ritvöllinn.
Pulsa með öllu er einhver íslenskasti réttur sem til er. Slátur,
hrútspungar og svið kemst ekki með tærnar þar sem pulsa
með öllu hefur hælana. Spyrjið bara Bill Clinton, hann fékk
sér reyndar bara með sinnepi. Hann gerði svo sem hluti sem
voru skrítnari en það. Sumir vilja líka segja pylsa en ekki
pulsa. Það er fullt af skrítnu fólki. Pulsa er kannski ekki holl-
asti matur sem þú lætur ofan í þig. Mikið ofsalega er samt gott
að detta inn á einhverja af sjoppum bæjarins og fá sér eina
með öllu. Biðin eftir pulsunni reynist mér samt oft dýrkeypt.
Ég veit vel að hún er ekki löng en ég er af nintendo-kynslóð-
inni sem hefur almennt jafn mikla þolinmæði og einbeitingu
og gullfiskur.
Þar sem ég stend í biðinni endalausu eftir pulsunni gómsætu
verður oft lotto standurinn í sjónlínunni. Lotto, víkingalottó,
1x2 og lengjan. Endalaus loforð um gull og græna skóga. Millj-
ónir án nokkurar fyrirhafnar, nákvæmlega eins og ég vil hafa
það. Ég tek yfirleitt lengjumiðann og segi við sjálfan mig að ég
ætli bara að sjá hvaða leikir eru á næstunni.
Ég skoða leikina og er nánast undantekningalaust búinn að
finna einn til tvo nánast örugga leiki til að spila á. Leikir sem
hreinlega ekki er hægt að klikka á. Þá er bara eftir að finna
eins og einn til tvo leiki til viðbótar að spila á til að geta keypt
miðann. Þar sem ég get ekki einu sinni beðið þolinmóður eftir
pulsunni minni þá vel ég alltaf leiki sem spilaðir eru sam-
dægurs. Skiptir þá litlu hvort að það er enska utandeildin eða
rússneska íshokkíið sem ég hef jafn mikið vit á og kínverskum
fornbókmenntum.
Ég tel mig vera sæmilega skynsaman mann. Ég ætti alla vega
að hafa eitthvað smá vit á fótbolta. Þegar ég er ekki að spila
fótbolta, þjálfa fótbolta eða horfa á fótbolta, þá er ég yfirleitt
að tala um fótbolta, hugsa um fótbolta eða undirbúa mig fyrir
fótboltaleik. Hvernig stendur þá á því að ég get ekki fyrir mitt
litla líf tippað rétt á örfáa fótboltaleiki á lengjumiðanum. Leiki
sem voru svo pottþéttir að ég sá engan annan kost en að spila
á þá. Það hefði verið peningasóun að spila ekki á þá. Það eru
alltaf sömu vonbrigðin þegar miðinn gengur ekki upp vegna
þess að ég er svo öruggur um sigur.
Ég á fullt af vinum sem virðast alltaf vera að vinna á lengj-
unni. Þeir eru alla vega duglegir að láta vita þegar þeir vinna.
Af hverju aldrei ég? Ætli það sé ekki vegna þess að ég er
svangur þegar ég vel leikina. Eins og aðrir karlmenn er ég
ekkert sérstaklega skynsamur þegar garnirnar gaula. Það
er ekki að ástæðulausu að flestar konur fara með mennina
sína fyrst á stjörnutorgið þegar farið er í Kringluna að versla.
Þannig að lengjumiðinn endar nánast alltaf með vonbrigðum
en pulsan er í það minnsta alltaf jafn góð.
af hverJu aldrei ég?
Verslunarkjarnanum Fitjum Reykjanesbæ

Síðustu dagar útsölunnar

Aðeins 4 verð á útsöluvörum
1000 kr - 2000 kr - 3000 kr - 4000 kr

Vorum að taka upp nýjar vörur

Verið velkomin
Sími 568-8585
ZEDRA
Fj ö l l i ð a m ó t m i n n i b o l t a drengja fór fram í Keflavík
um helgina þar sem bæði Keflvík-
ingar og Njarðvíkingar voru að
keppa. Bæði lið stóðu sig vel en
Eyþór Sæmundsson ljósmyndari
Víkurfrétta leit við á sunnudeg-
inum og smellti af nokkrum
myndum af kappsömum körfu-
boltakrakkar.
Keflvíkingar sigruðu bæði Hruna-
menn og Breiðablik nokkuð örugg-
lega en leikurinn gegn Njarðvík
var töluvert meira spennandi.
Keflvíkingar höfðu þó sigur en þeir
leiddu svo til allan leikinn. Í loka-
leik helgarinnar hjá Keflvíkingum
áttust svo við tvö sterk lið þegar
að Stjörnumenn og heimamenn
í Keflavík mættust. Stjörnumenn
voru sterkari á lokasprettinum og
uppskáru 10 stiga sigur að lokum.
Njarðvíkingar máttu eins og áður
segir sætta sig við tap gegn Keflavík
en einnig töpuðu þeir gegn Stjörnu-
mönnum. Njarðvíkingar mættu
Blikum í leik tvö og spiluðu þar
hörku vörn og tryggðu sér öruggan
sigur.
Á sunnudag léku þeir svo fyrst
við Hrunamenn og höfðu einnig
öruggan sigur þar og voru þar
með búnir að tryggja sig áfram í
lokamótið. Þeir töpuðu svo gegn
sterkum Stjörnumönnum í sínum
lokaleik en Stjarnan vann mótið og
fær því lokamótið til sín í mars.
Úrslitin og stigaskor:
Keflavík - Hrunamenn 42 - 28
Keflavík - Breiðablik 42 - 27
Keflavík - Stjarnan 35 - 45
Keflavík - Njarðvík 43 - 35
Njarðvík - Breiðablik 37 - 19
Njarðvík - Hrunamenn 42 - 29
Njarðvík - Stjarnan 33 - 56
Leikmenn Keflvíkinga: Arnór
Sveinsson, Andri Þór Tryggvason,
Stefán Arnar Ingiþórsson, Rafnar
Ólafsson, Egill Darri Einarsson,
Arnór Daði Jónsson, Sigurður
Ingi Bergsson, Magnús Pétursson,
Kristinn Guðmundsson, Nói Sig-
urðsson
Leikmenn Njarðvíkinga: Brynjar
Atli Bragason, Veigar Páll Alexand-
ersson, Birgir Örn Hjörvarsson,
Jóhann Gunnar Einarsson, Jón
Ragnar Magnússon, Gunnar Már
Sigmundsson, Viktor Máni Sigfús-
son, Atli Geir Gunnarsson, Bergvin
Stefánsson, Eyþór Einarsson, Krist-
inn Helgi Jónsson.
Helgina 21.-22. janúar var haldið bikarmót Taek-
w on d o s a m b a n d s Ís l a n d s í
Íþróttamiðstöð Breiðholts við
Austurberg, mótið var annað í
mótaröðinni en alls eru haldin 3
bikarmót yfir árið.
Að vanda sendi Keflavík stóran hóp
til keppni og stóðu allir keppendur
sig með glæsibrag.
Á laugardeginum var haldið barna-
mót, en þar telja ekki stig keppenda
í heildarkeppni félaga. Allir kepp-
endur Keflavíkur komu heim með
verðlaunapening í einhverjum lit
og voru félagi sínu til mikils sóma.
Að öðrum ólöstuðum stóðu Svanur
Þór Mikaelsson og Bartoz Wik-
torowicz sig best af keppendunum
á laugardeginum, en þeir unnu gull
í bæði formum og bardaga.
Á sunnudeginum var svo keppt í
hinu eiginlega bikarmóti, en þar
verða þátttakendur að vera búnir
að ná 13 ára aldri til að fá keppnis-
rétt. Þar stóðu Keflvíkingar sig
best allra félaga en þeir fengu 177
stig í heildarkeppninni en næsta
lið á eftir, Selfoss, fékk 68 stig.
Af 12 keppendum mótsins átti
Keflavík 8 þeirra. Ástrós Brynjars-
dóttir var keppandi mótsins í bæði
formum og samanlögðu, Sæbjörn
Rafn Steinarsson í bardaga, Ægir
Már Baldvinsson í bæði formum
og samanlögðu, Joanna Kraciuk í
bardaga, Kolbrún Guðjónsdóttir í
samanlögðu og Helgi Rafn Guð-
mundsson í samanlögðu. Aðrir
keppendur stóðu sig einnig mjög
vel og eigum við flottan hóp kepp-
enda sem gefa sig allan í mót fyrir
félagið sitt.
Keflavík vann einnig fyrsta bikar-
mótið og stefnir á það að vinna það
þriðja og síðasta líka og hampa þar
með titlinum Bikarmeistarar Taek-
wondosambands Íslands árið 2012.
Mikil gróska er í starfi félagsins og
er deildin ein öflugasta deild lands-
ins með sinn frábæra yfirþjálfara
Helga Rafn Guðmundsson í broddi
fylkingar.
Ritstjórinn stal sæti Sigurðar
Sigurður Ingimundarson þjálfari Keflvíkinga hugsar sennilega með sér að sigurinn á KFÍ um helgina í bikarnum hafi verið nokkurs
konar lán í óláni, alla vega fyrir hann persónulega. Þannig er mál með
vexti að Sigurður hafði bókað sér far í skíðaferð ásamt fleiri Suður-
nesjamönnum sem fara árlega og skíða í Evrópu. Ferðin stangast á
við úrslitaleikinn í bikarkeppninni og undirbúning hans og því varð
Sigurður að hætta við för á síðustu stundu. Fréttir herma að ritstjóri
Víkurfrétta, Páll Ketilsson, taki hans sæti en Sigurður situr heima með
sárt ennið. Það má svo deila um það hvort Sigurður meti meira, að fara
í Laugardalshöllina með Keflvíkingum eða fara á skíði með frúnni.
Svari því hver fyrir sig.
Keflvíkingar sópuðu að sér verðlaunum
Kappsamir Körfubolta-
menn framtíðarinnar
Stökkskot að hætti Dirk Nowitzi
„Er þetta ekki lína dómari!“
Það er sko ekkert gefið eftir í minniboltanum...