Víkurfréttir - 30.08.2012, Blaðsíða 26

FIMMTUDAGURINN 30. ÁGÚST 2012 • VÍKURFRÉTTIR26
ATVINNA
Sandgerðisbær auglýsir tímabundið 50% starf umsjónarmanns
við félagsmiðstöðina Skýjaborg.
Um er að ræða tímabundið starf umsjónarmanns sem jafnframt gengur
kvöldvaktir. Vinnutími er því óreglulegur.
Starfstími er frá 15. september 2012 til 31. maí 2013.
Umsjónarmaður starfar undir stjórn bæjarstjóra og skóla-,
íþrótta- og tómstundafulltrúa.
Í starfinu felst skipulagning starfsins í félagsmiðstöðinni, umsjón með
fjármálum og starfsmannastjórnun.
Starfið er skipulagt í samvinnu við nemendaráð Grunnskólans í Sandgerði,
starfsmenn grunnskóla og félagsmiðstöðvar. Þá er gert ráð fyrir að
viðkomandi starfi með unglingaráði Sandgerðisbæjar og frístunda-, forvarna-
og jafnréttisráði Sandgerðisbæjar.
Í starfi umsjónarmanns felst:
Hæfniskröfur:
Nánari upplýsingar veitir Guðjón Þ. Kristjánsson, skóla-,
íþrótta- og tómstundafulltrúi í síma 420 7555.
Umsóknir skulu berast á bæjarskrifstofu Sandgerðisbæjar eða á
sandgerdi@sandgerdi.is
Umsóknarfrestur er til miðnættis 6. september 2012.
Bæjarstjóri.
Óperusýning í Reykjanesbæ er langt frá því að vera sjálf-
sagður atburður á Suðurnesjum.
Upppsetning Norðuróps á Eu-
gence Onegin eftir Tschaikovsky
var sett upp í Hljómahöllinni um
síðustu helgi og sýnd tvisvar. Sl.
sunnudagskvöld átti undirrit-
aður þess kost að sækja hana og
skemmti ég mér konunglega.
Er skemmst frá að segja að sýn-
ingin í heild var metnaðarfull,
valinn maður í hverju rúmi og
sviðsmynd og lýsing glæsileg. Þætt-
irnir 3 voru settir upp á tveimur
mismunandi stöðum í húsinu sem
þýddi að áheyrendur þurftu að færa
sig á milli staða sem braut þetta
skemmtilega upp og markaði skörp
skil á milli þátta, bæði í tíma og
rúmi.
Söngvararnir voru í misstórum
hlutverkum en stóðu sig allir mjög
vel. Heimamennirnir Jóhann Smári
Sævarsson, í hlutverki Eucgence
Onegin, og Bylgja Dís Gunnars-
dóttir, í hlutverki Tatyönu, voru
frábær í sínum hlutverkum. Arían
sem Tatíana syngur í 2. senu fyrsta
þáttar, sem hlýtur að vera ein sú
erfiðasta í óperuheiminum, var
frábærlega flutt af Bylgju. Rósa-
›› Upppsetning Norðuróps á Eugence Onegin eftir Tschaikovsky var sett upp í Hljómahöllinni um síðustu helgi:
Frábær óperusýning
lind Gísladóttir, Dagný Jónsdóttir
og Hörn Hrafnsdóttir skiluðu
allar sínu mjög vel ásamt öðrum
í smærri hlutverkum. Kórinn var
mjög flottur og greinilegt að kór-
félagar, sem sumir voru að stíga
sín fyrstu spor á óperusviði, höfðu
mjög gaman af því sem þeir voru
að gera. Dansarar frá Bryn Ballet
settu mjög skemmtilegan svip á
sýninguna þegar sagan færðist inn
í veislusali yfirstéttarinnar, sem
birtist í formi fursta nokkurs.
Það væri of langt mál að fara
að nefna alla hér sem komu við
sögu í þessari uppfærslu en heilt
yfir var þetta frábær uppsetning
sem staðfestir að aðstandendur
sýningarinnar eru áræðið fólk sem
óhrætt ræðst í metnaðarfullar, og
örugglega kostnaðarsamar, upp-
setningar sem þessar. Slíkt framtak
verður seint fullþakkað og þurfum
við Suðurnesjamenn að standa við
bakið á þessum frumkvöðlum og
sýna stuðning okkar í verki m.a.
með því að mæta vel á svona við-
burði. Það sem kannski mætti setja
spurningarmerki við er sú stað-
reynd að þótt mjög áhugasamir
óperuunnendur þekki þetta verk
líklega vel telst það örugglega fram-
andi fyrir hinn venjulega íbúa á
Suðurnesjum. Það hefði því mátt
reikna með að fyrir valinu yrði
þekktara stykki, eins og Tosca,
sem Norðuróp setti upp á svo eftir-
minnilegan hátt í Keflavíkurkirkju
í fyrra, var. Væntanlega ræðst þó
verkefnavalið að talsverðu leyti af
því hvaða söngvarar og raddir eru
í hópnum hverju sinni og því að
söngvararnir vilji fást við krefjandi
hlutverk og safna í reynslubank-
ann.
Í þessari uppfærslu voru fleiri
atvinnumenn eins og t.d. Jóhann
Friðgeir Valdimarsson, tenór, og
Viðar Gunnarsson, bassi, sem voru
mjög góðir. Aría Lenskís (Jóhanns
Friðgeirs) í lok 2. þáttar var frábær-
lega sungin.
Hljóðfæraleikararnir stóðu sig
mjög vel. Á píanóinu, í hlutverki
heillar hljómsveitar, var þaul-
reyndur píanisti úr óperuheim-
inum, Antonia Hevesi. Með henni
léku Hlín Erlendsdóttir á fiðlu,
Dagný Marinósdóttir á þverflautu
og Helga Kristbjörg Guðmunds-
dóttir á harmoniku. Helga var
reyndar nálægt því að stela senunni
með snilldar harmonikuleik, bæði
tæknilega og músíkalskt.
Aðstandendur Norðuróps, með
Jóhann Smára Sævarsson í farar-
broddi, eiga miklar þakkir skildar
fyrir þetta verkefni og hlakka ég
til að sjá og heyra það sem þetta
atorkusama fólk mun aðhafast á
næstu misserum.
Páll Ketilsson
F.v. Bylgja Dís, Dagný, Rósalind, Jóhann
Friðgeir og Jóhann Smári í hlutverkum
sínum á sviðinu í Hljómahöllinni.
Bryn Ballett-dömur voru
þátttakendur í seinni hluta
sýningarinnar og settu
skemmtilegan svip á hana.
Það var oft fjölmennt á sviðinu. Hér syngur
hin franski Triquet til Tatanyu (Bylgja Dís)
sem var niðurbrotin eftir að Ónegín (Jóhann
Smári) hafði hryggbrotið hana.
Í lokaatriðinu vill
Ónegín fá Tatanyu.