Víkurfréttir - 08.11.2012, Side 16
fimmtudagurinn 8. nóvember 2012 • VÍKURFRÉTTIR16
MANNLÍF
Á Íslandi starfa nokkrir grunn- og leikskólar eftir agastefn-
unni Heildstæður stuðningur við
jákvæða hegðun eða PBS (Positive
Behavior Support). PBS hvetur
með kerfisbundnum hætti til já-
kvæðrar hegðunar, eykur félags-
færni, bætir samskipti og dregur
jafnframt úr hegðunarvanda
barna og unglinga. Í þessum
skólum starfa teymi sem vinna að
því að innleiða og viðhalda aga-
kerfinu. Síðustu fjögur árin hafa
þau staðið fyrir PBS degi þar sem
starfsfólk allra skólanna hittist,
hlýðir á ýmis erindi sem tengjast
stefnunni og deilir með sér hug-
myndum. Skólarnir sem vinna
saman að þessum degi eru Breið-
holtsskóli, Ingunnarskóli, Hamra-
skóli, Laugarnesskóli, Seljaskóli
og Sæmundarskóli í Reykjavík og
Háaleitisskóli, Holtaskóli, Myllu-
bakkaskóli og Njarðvíkurskóli í
Reykjanesbæ.
PBS dagurinn í ár er á baráttu-
degi gegn einelti og því ákváðu
teymisstjórar skólanna að erindi
dagsins tengdust samskiptum og
vinnu gegn einelti. Dagskrá verður
í hátíðarsal Breiðholtsskóla frá kl.
14:00-16:00. Ingrid Kuhlman frá
Þekkingarmiðlun mun fjalla um
vinnustaðamenningu og samskipti
á vinnustöðum og Vanda Sigur-
geirsdóttir, lektor í tómstunda- og
félagsmálafræðum, um einelti og
samskipti nemenda.
Heilbrigðisstofnun Suðurnesja býður
nú upp á nýja þjónustu
sem miðar að þörfum
ungmenna á aldrinum
16-25 ára. Vert er að vekja
athygli á þessu jákvæða
framtaki hjá HSS sér í lagi
vegna mikilvægi foreldra-
fræðslu. Í lokaverkefni
Jónínu Jónasdóttur til embættis-
prófs í ljósmæðrafræði frá árinu
2005 sem fjallar um árangur/
notagildi foreldrafræðslunám-
skeiða heilsugæslunnar kemur
fram að þátttakendur eru eldri
en almennt er um foreldra fyrsta
barns og með hátt menntunar-
stig. Þannig höfðar fræðslan
ekki til meirihluta foreldra.
Í MA rannsókn Guðbjargar Steins-
dóttur um félagslega stöðu 18 til 23
ára ungmenna sem fengu þjónustu
hjá Barnavernd Kópavogs (BK),
kemur eftirfarandi fram: Rann-
sóknin var unnin að frumkvæði
BK árið 2012 og niðurstöður leiddu
í ljós að félagsleg staða fyrrum
notenda BK er frábrugðin því
sem almennt gerist. Flestir höfðu
aðeins lokið grunnskóla, 36,6%
þátttakenda fengu tekjur í formi
bóta og/eða fjárhagsaðstoðar og
83,1% voru með tekjur undir 200
þúsund krónum á mánuði. Fleiri
þátttakendur áttu börn en búist var
við eða 42%. Þá var horft til hversu
ungir þeir voru eða 18 til 23 ára,
vert er að nefna til viðmiðunar að
fram kemur í annarri rannsókn
á ungu fólki að 7,7% þátttakenda
utan framhaldsskóla áttu börn.
Þetta bendir til þess að nemendur í
efstu bekkjum grunnskólans séu sá
markhópur sem helst þarf að ná til
með fræðslu um foreldrahlutverkið.
Undirritaður býður skólum for-
varnarverkefnið „Hugsað um barn“
sem Manngildissjóður Reykjanes-
bæjar styrkti árin 2004 – 2007. Verk-
efnið felst í því að drengir og stúlkur
í efstu bekkjum grunnskóla
fá ungbarnahermi með
sér heim og fá reynslu af
því að annast „ungbarn”
allan sólarhringinn yfir
helgi. Þessi reynsla felur
í sér tækifæri til að læra
um umönnun ungbarna,
gera mistök og leiðrétta
þau, án þess að það hafi
áhrif á raunverulegt barn. Verk-
efnið er vinsælt hjá ungmennum
og er notað í 50 löndum og öllum
fylkjum Bandaríkjanna sem er
einsdæmi. Í breyttri samfélagsgerð
er sá þáttur að ungmenni geri sér
raunhæfar hugmyndir um foreldra-
hlutverkið dýrmætar. Ungmenni
dreymir um farsælt fjölskyldulíf
og stefna hátt í þeim efnum.
Hrafnhildur Eyþórsdóttir og Kristín
B. Flygering, fjölluðu um verkefnið
„Hugsað um barn” í lokaverkefni
sínu til B.Sc. gráðu í hjúkrunarfræði
árið 2007. Tilgangurinn var að kanna
reynslu unglinga og foreldra þeirra
af verkefninu. Í verkefninu ræddu
þær við sex nemendur í Heiðarskóla
og foreldra þeirra og þar kemur
fram að margar rannsóknir hafi sýnt
fram á góðan árangur verkefnisins.
Verkefnið hjálpaði unglingunum
að sjá hversu erfitt það getur verið
að eignast barn á unglingsárum.
Allir unglingarnir voru sammála
um að þeir teldu sig ekki tilbúna í
barneignir á næstunni. Verkefnið
virðist auðvelda unglingum að gera
sér raunhæfar hugmyndir varðandi
foreldrahlutverkið. Foreldrar voru
almennt ánægðir með verkefnið,
töldu það hafa góð áhrif á samskipti
þeirra við unglingana og það opnaði
fyrir umræður um kynferðismál.
Einnig vekja þær athygli á því að
börn unglinga eru í aukinni hættu
á námserfiðleikum og eins eru
þau í meiri áhættu að verða fyrir
líkamlegu og andlegu ofbeldi. Að-
gerðaráætlun ríkisstjórnarinnar til
að styrkja stöðu barna og ungmenna
frá árinu 2007 er undir áhrifum
frá Evrópsku ráðherranefndinni.
Í bókun nefndarinnar til aðildar-
ríkjanna kemur fram að ríkin skulu
marka sér skýra stefnu um aukna
foreldrafærnifræðslu m.a. til að
fyrirbyggja ofbeldi gagnvart börnum.
Guðrún Ösp Theodórsdóttir og
Tinna Halldórsdóttir fjölluðu
um aðlögun að móðurhlutverki í
lokaverkefni sínu til B.Sc. gráðu í
hjúkrunarfræði árið 2007. Höfundar
völdu viðfangsefnið vegna áhuga
þeirra á líðan mæðra eftir fæðingu
og aðlögun þeirra að móðurhlut-
verki, þar sem þær telja að þjónustu
við mæður sé ábótavant. Þær fjalla
um það sem þær nefna „þagnar-
samsærið” um raunveruleika
móðurhlutverksins. Í verkefni þeirra
kemur fram að Antonia Nelson,
geðlæknir, komst að þeirri niður-
stöðu árið 1998 að sannfæringin um
að móðurhlutverkið væri meðfætt
ætti stóran þátt í fæðingarþunglyndi.
Kennaranemar í Háskóla Ís-
lands og laganemar í Háskólanum
í Reykjavík hafa einnig notað
„Hugsað um barn“ í verkefnum
sínum. Allir hóparnir mæla með
verkefninu. Verkefnið hefur hlotið
sex tilnefningar til foreldraverðlauna
Heimilis og skóla, landssamtaka
foreldra árin 2005 – 2006 og 2009.
Ný þjónusta HSS er hugsuð þannig
að ungmenni geta sent tölvupóst á
netfangið ungmenni@hss.is með
þeim spurningum, vangaveltum og
vandamálum sem á þeim brenna
og fengið svar frá hjúkrunar-
fræðingi innan 48 klukkustunda.
Út frá þeim veruleika sem lýst er
hér er afar jákvætt að HSS sé að
leita nýrra leiða til að þjónusta 16 til
25 ára ungmenni og vonandi nýta
þau sér sem flest þessa þjónustu.
Ólafur Grétar Gunnarsson
varaformaður
Barnaverndarnefndar
Reykjanesbæjar
Umhverfissamtökin Blái herinn fögnuðu þann 16. septem-
ber (Dagur náttúrunnar) þeim
merka áfanga að hafa hreinsað
úr náttúru landsins 1000 tonn
af rusli (hráefni). Þetta eru auð-
vitað ekkert skemmtileg tíðindi,
þetta segir manni það að við séum
sóðar og að okkur þykir ekkert
vænt um náttúru landsins.
Ef 1000 tonn eru farin spyrja
eflaust einhverjir hvort það sé eitt-
hvað eftir. Því er fljótsvarað, það
eru mörg 1000 tonn eftir, hráefni
sem bíður þess að komast úr okkar
nærumhverfi og í endurvinnslu.
Það hafa nokkrir aðilar í gegnum
tíðina reynt að hreinsa rusl og
drasl úr náttúru landsins og vakið
athygli á þeim sóðaskap og lýti sem
óvirðing okkar er með því að reyna
ekki að stoppa þessa vanþróun
hjá okkur, verkefni eins og Hreint
Land-Fagurt Land, Græni herinn
o.fl. Ég kalla þetta vanþróun vegna
þess að fyrir mér er allt þetta rusl
og drasl hráefni sem á heima í
endurvinnslu. Með hreinsun á því
skapast atvinna við endurvinnslu,
það verður til gjaldeyrir, við sýnum
ábyrgð, hreinna umhverfi, bættari
ímynd, betri umgengni og betri
söluvara sem útivistarsvæði, bæði
fyrir okkur sjálf og ferðamenn,
svo ekki sé minnst á betra um-
hverfi fyrir komandi kynslóðir.
Kjarni málsins er sá að hreinna um-
hverfi er það sem samfélagið vill
í framtíðinni, við hérna á Suður-
nesjum eigum okkar tækifæri
í því að andlit landsins fyrir
ferðamenn, Reykjanesið sjálft,
verði þannig í framtíðinni að eftir
verði tekið sem hreint og fagurt
land og að hér sé metnaðarfullt
fólk sem býr og viðheldur hreinu
og fallegu landi og sýnir það með
stolti öllum sem hingað koma.
1000 tonn ei meir í náttúru okkar
á Reykjanesinu en það tók 17 ár og
49.000 vinnustundir í sjálfboðaliða-
vinnu að ná þessum áfanga. Núna
þarf að snúa bökum saman allir
sem einn, við viljum ekki sjá rusl og
drasl út um allan Reykjanesskagann,
hérna spretta upp sóðar alla daga
sem ekkert kunna í siðferði sam-
félagsins og henda rusli á víðavangi
og það er ekki eins og það hafi ekki
viðgengist áður en ef Reykjanesið
á að vera söluvara sem hreint og
fallegt land verðum við að stöðva
þessa vanþróun og það strax.
Blái herinn á marga velunnara á
Reykjanesinu og mörg fyrirtæki
hafa stutt okkur í gegnum árin,
samfélagið hefur tekið virkan þátt
í því að hjálpa til og sýnir mál-
efnum okkar mikinn skilning.
Blái herinn leggur til einn dag í mán-
uði sem gjaldfrjálsan dag í Kölku
fyrir einstaklinga, Blái herinn vill
auka umhverfisvitund okkar Suður-
nesjamanna með eflingu andans á
árvekni gagnvart sóðaskap og Blái
herinn vill starfa áfram fyrir Suður-
nesin, en helst af öllu vildum við
ekki þurfa að skrifa svona pistil
um okkur, en það er tækifæri
að gera betur og það er núna.
Virðingarfyllst,
Tómas J. Knútsson
formaður og stofnandi Bláa hersins
n ólafur grétar gunnarsson skrifar:
Að læra að verða foreldri
n tóMas J. knÚtsson skrifar:
1000 tonn ei meir
vf@vf.isbréf til blaðsins
PBS dagurinn í dag
Frá PBS deginum í fyrra í Háaleitisskóla á Ásbrú.
ÞaRFTU að aUglýsa?
Hafðu samband í síma 421 0001
eða á fusi@vf.is
fjölmennt konu-
kvöld í Krossmóa