Bæjarins besta - 10.01.2008, Page 12

FIMMTUDAGUR 10. JANÚAR 200812
STAKKUR SKRIFAR
Hvað bíður Vestfjarða?
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Nú árið er horfið í haf hinna liðnu og við veltum fyrir okkur hvað nýtt ár
færir okkur. Rannsóknastofnun Háskólans á Akureyri spáir ekki byrlega
fyrir Vestfirðingum. Við munum deyja út. En eitt gleymist. Við lifum enn,
sem betur fer fyrir land og þjóð. Brottflutningur af Vestfjörðum hefur að
auki haft þau góðu áhrif til heilla fyrir Ísland og Íslendinga að héðan hafa
komið margir af þeim mönnum sem staðið hafa í stafni þjóðlífs á Íslandi.
Auðvitað ber að taka alvarlega fækkun sem svarar til nærri 200 manns á ári.
Vestfirðingar voru samkvæmt bráðabrigðatölum Hagstofu 7.309 fyrir
rúmum mánuði.
Verði þessari þróun ekki snúið við munu Vestfirðir leggjast í auðn á
næstu hálfu öld. En við skulum ekki láta það gerast. Til þess að andæfa þarf
sameiginlegt átak Alþingis, ríkisstjórnar og Vestfirðinga sjálfra. Margt er
okkur mótdrægt. Skerðing kvóta hefur áhrif, en á móti hefur vegur menntunar
vaxið og þá þróun þarf að efla með hverjum hætti sem unnt er. Háskólasetur
og frumgreinanám á háskólastigi er afar mikilvægt og þarf að styrkja það á
alla lund. Ef til vill hefur neyðin kennt mörgum það nú að bókvitið verður
í askana látið.
Á sama tíma þarf að berjast fyrir endurreisn grundvallaratvinnuvega,
landbúnaðar og fiskveiða, auk fiskvinnslu. Við eigum þann kost einan að
sækja fram á öllum vígstöðvum í senn. Að einu leyti miðar okkur fram á
veg. Samgöngur munu batna mjög á næstu árum með Óshlíðargöngum,
brú yfir Mjóafjörð og vegi um Arnkötludal. Margt er þó ógert til að bæta
samgöngur. Dýrafjarðargöng bíða, en samgöngur íbúa í Vesturbyggð og á
Tálknafirði þarfnast verulegra úrbóta, þótt vel miði í átt til höfuðborgarinnar.
Sé það ætlan ríkisstjórnar og Alþingis að Ísafjörður verði höfuðstaður
Vestfjarða er brýnt að laga samgöngur til og frá Vesturbyggð. Án þeirra
mun enn fjara undan byggð þar.
Fari svo að umdeild olíuhreinsistöð rísi við Arnarfjörð er knýjandi þörf
á bættum samgöngum, en skólar á Ísafirði nýtast ekki sem skyldi komi þær
ekki til. Markaðssetja þarf sérstöðu framhaldsmenntunar á Ísafirði. Leita
þarf allra tækifæri til að styrkja byggð á Vestfjörðum. Það er lífsnauðsynlegt
vegna þess að ella má búast við því að sagan frá Sléttuhreppi og Grunna-
víkurhreppi endurtaki sig. Því má heldur ekki gleyma að í raun er hinn
gamli Snæfjallahreppur, þar sem bjuggu hundruð manna fyrir einni og
hálfri öld, orðin auðn að bráð.
Verkin sem bíða stjórnmálamanna, hvort heldur á vettvangi landsmála
eða í sveitarstjórnum, eru ærin þegar kemur að Vestfjörðum. Eftir því
verður tekið nú og til allrar framtíðar hvort þeir beri til þess gæfu að ráða
við vandasamt verkefni. Allt of margir íbúar Íslands eru skeytingarlausir
um það hvernig til tekst. Því þarf að breyta strax.
Skipstjórinn Gullbjargar ÍS
var dæmdur í Héraðsdómi
Vestfjarða til 250 þúsund
króna sektargreiðslu en kröf-
um ákæruvaldsins um upp-
töku veiðarfæra sem og upp-
töku andvirðis afla, alls 430
þúsund, var hafnað. Skipstjór-
inn var ákærður fyrir veiðar
innan skyndilokunarsvæðis
norðvestur af Deild dagana
16. og 19. júní. Ákærði krafð-
ist þess hann yrði sýknaður af
öllum kröfum ákæruvalds um
refsingu vegna veiða þann 16.
júní. Engin vitni voru að veið-
unum en ákæruvaldið notaði
til sönnunar siglingaferil Gull-
bjargar, fenginn frá Vaktstöð
siglinga. Dómurinn taldi það
ekki vera nægjanleg gögn.
„Svo sem málið liggur fyrir
verður ekkert haldbært ráðið
af því korti annað en siglinga-
leið bátsins. Er því ljóst að
ákæruvaldinu hefur ekki tekist
að færa á það sönnur gegn
neitun ákærða, svo ekki verði
véfengt með skynsamlegum
rökum.“ Því var ákærður
sýknaður af ákæru um veiðar
innan hólfs.
Flugvél Landhelgisgæsl-
unnar stóð Gullbjörg að verki
við veiðar innan lokaðs hólfs
19. júní og bar ákærði við að
hann hafi ekki vitað að hólfið
væri lokað. Fyrir dómi sagði
hann að venja væri hjá honum
að fylgjast með tilkynningum
frá Hafrannsóknastofnun um
skyndilokanir í lok 10 frétta.
Mun lestur venjubundinnar
heildartilkynningar um skyndi-
lokanir Hafrannsóknastofn-
unar hafa fallið niður morg-
uninn áður vegna veikinda
þular. Vegna þessa þykir
ósannað að ákærði hafi látið
sér í léttu rúmi liggja að hann
væri við veiðar innan um-
rædds bannsvæðis 19. júní
2007. Ennfremur kemur fram
að á ákærða hvíli sú skylda að
fylgjast með skyndilokunum
og ákærði því sakfelldur en
sagt að brotið hafi verið framið
í gáleysi.
Dómurinn taldi brot ákærða
hvorki ítrekað né framið af
ásetningi og ekki heldur stór-
fellt og ber honum að greiða
250 þúsund krónur í sekt sem
rennur í Landhelgissjóð. Dóm-
urinn hafnaði kröfum ákæru-
valdsins um upptöku veiðar-
færa og andvirðis afla þar sem
hann taldi kröfuna ekki upp-
fulla skilyrði laga.
Áhöfn Gullbjargar. Mynd: Strandir.is.
Bæði sýknaður og sakfelldur
Dýrafjarðargöng nauðsynleg
ef olíuhreinsistöð verður byggð
Ef olíuhreinsistöð rís í Hvestu
eða á Söndum í Dýrafirði er
nauðsynlegt að byggja Dýra-
fjarðargöng og gera veg eða
jarðgöng um Dynjandisheiði.
Ástæðan er ekki að slík sam-
göngubót breyti vinnumark-
aði verulega fyrir staðina tvo,
heldur vegna tengingar við
aðra landshluta í tilfelli Sanda,
og vegna þjónustusóknar til
Ísafjarðar í tilfelli Hvestu.
„Draumalausnin í tengingu
Vestfjarða í eitt svæði í stað
tveggja (Ísafjarðarsvæðis og
sunnanverðra Vestfjarða) er
að grafa göng undir Arnar-
fjörð og göng upp úr Kirkju-
bólsdal yfir í Arnarfjörð“, seg-
ir í skýrslu RHA um samfé-
lagsþætti er varða fyrirhugaða
byggingu olíuhreinsistöðvar á
Vestfjörðum.
Ef olíuhreinsistöð rís í Hvestu
er æskilegt að gera jarðgöng
undir Dufansdalsheiði fram-
hjá Hálfdán til að tryggja at-
vinnusókn frá Tálknafirði og
Patreksfirði. Ef olíuhreinsi-
stöð rís á Söndum er æskilegt
og nánast nauðsynlegt að
breikka Vestfjarðargöngin í
tvær akreinar milli Önundar-
fjarðar og Ísafjarðar. Frekari
þverun Dýrafjarðar væri einn-
ig æskileg.
Að því er fram kemur í
skýrslunni er þetta mikil fram-
kvæmd. Göng úr Kirkjubóls-
dal yrðu um 5,8 km, göng
undir Arnarfjörð um 8,2 km
og auk þess er teiknaður 0,8
km gangastubbur undir Sanda-
fell til að geta farið beint af
augum en þarna yfir er auð-
veldlega hægt að fara með veg
í hlykkjum. Þessi framkvæmd
myndi gjörbreyta Vestfjörð-
um. Búið yrði að þræða alla
þéttbýlisstaði innan Vest-
fjarða upp á línu. Bíldudalur
yrði einungis í 62 km fjarlægð
frá Ísafirði og Patreksfjörður
yrði í 92 km fjarlægð. Með þess-
ari framkvæmd yrði olíuhrein-
sistöð á nánast sama vinnu-
markaði hvort sem hún yrði á
Söndum eða Hvestu. Vinnu-
markaðurinn yrði í báðum til-
fellum bæði Ísafjarðarsvæðið
og sunnanverðir Vestfirðir.
Gallinn við þessa framkvæmd
er hins vegar sá að hún bætir
samgöngur lítið til annarra
landshluta. – thelma@bb.is
Þingeyri við Dýrafjörð.
Bókanir
ganga vel
hjá Borea
Bókanir ferðaþjónustu-
fyrirtækisins Borea ad-
ventures hafa gengið mjög
vel. Rúnar Óli Karlsson,
einn eigenda Borea, segir
að nánast sé uppselt í
skíðaferðirnar sem hefjast
í lok mars. „Þessar skíða-
ferðir eru í raun sérstaða
okkar á þessum markaði.
Ekki bara á Íslandi heldur
víðast hvar heiminum. Ég
veit bara um einn stað þar
sem blandað er saman
skútusiglingum og skíða-
ferðum, en það er í Lyngen
ölpunum í Noregi,“ segir
Rúnar.
Hann segir að skíða-
mennirnir sem fyrirtækið
hafi farið með í Jökulfirði
finnist þessi blanda mjög
sérstök og einnig finnist
útlendingum mjög mikil
upplifun að hægt sé að
renna sér á skíðum alveg
niður í fjöruborð. Skíða-
ferðir Borea standa yfir til
loka maí. Eins eru tveir
leiðangar til Jan Mayen til
að skíða eldfjallið Beeren-
berg sem er rúmlega 2200
metra hátt og eru þeir báðir
fullbókaðir og biðlisti.
,,Þessa ferðir erum við
að selja í samstarfi við
norska ferðaskrifstofu og
það virðist ætla að ganga
vel,” sagði Rúnar.
– smari@bb.is
Rúnar Óli Karlsson.