Bæjarins besta - 04.12.2008, Page 4

FIMMTUDAGUR 4. DESEMBER 20084
Nemendur borðuðu veitingar Hugljúfar með bestu lyst.
Fullveldinu fagnað
Nemendur Menntaskólans á Ísafirði fögnuðu því að 90
ár eru liðin frá því að Íslendingar fengu fullveldi frá Dön-
um. Var deginum gerð góð skil með borðhaldi í mötuneyti
Menntaskólans þar sem Hugljúf Ólafsdóttir matreiddi
hugljúfar veitingar, líkt og stjórn NMÍ vildi kalla þær.
Hálfdán Bjarki Hálfdánsson, upplýsingafulltrúi Ísafjarðar-
bæjar var veislustjóri kvöldsins og létu menntskælingarnir
einstaklega vel að stjórn hans og sá hann til þess að nem-
endunum leiddist ekki biðin á milli rétta og að gleðin færi
ekki úr böndunum. Eftir borðhaldið lá leið nemendanna á
sal Menntaskólans þar sem þeir dönsuðu við metnaðarfullt
plötusnúðasett Dj Margeirs. Meðfylgjandi myndir voru
teknar við borðhaldið.