Bæjarins besta - 04.12.2008, Side 15

FIMMTUDAGUR 4. DESEMBER 2008 15
STAKKUR SKRIFAR
Dapurt afmæli fullveldis
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Lögreglustjórinn
á Vestfjörðum
Brennur og flugeldar
Þeir sem hyggjast hlaða bálkesti til þess
að kveikja í þeim á gamlárskvöld eða á
þrettándanum eða ætla að sækja um leyfi
til sölu flugelda og til flugeldasýninga yfir
hátíðarnar, skulu sækja um slíkt leyfi fyrir
6. desember nk.
Vegna umsóknar um brennu, flugelda-
sýningar eða sölu flugelda, skal tilgreina
lögráða ábyrgðarmann og leggja fram
vottorð frá vátryggingafélagi um ábyrgðar-
tryggingu. Með umsókn um stóra brennu
og sölu flugelda skal fylgja skriflegt starfs-
leyfi heilbrigðiseftirlits.
Umsóknareyðublöð og reglur um bál-
kesti og brennur, flugeldasýningar og
sölu á flugeldum liggja frammi hjá sýslu-
mönnum, á vefsíðu lögreglunnar á Vest-
fjörðum; http://logreglan.is/utgafur.asp?
cat_id=1254.
Leyfisgjald er kr.:
Brennuleyfi kr. 5.500.-
Skoteldasýning kr. 5.500.-
Sala skotelda kr. 3.300.-
Nánari upplýsingar veitir Harpa Odd-
björnsdóttir í síma 450 3700.
Ísafirði, 27. nóvember 2008,
Lögreglustjórinn á Vestfjörðum
Kristín Völundardóttir
Engar uppsagnir á Ísafirði
Engum fastráðnum starfsmanni Húsasmiðjunnar á Ísafirði verður sagt upp störfum að
sögn Elínar Hlíf Helgadóttur, starfsmannastjóra Húsasmiðjunnar en greint hefur verið
frá því að 99 fastráðnum starfsmönnum fyrirtækisins verði sagt upp um mánaðar-
mótin. Þá verður töluverðum fjölda lausamanna sagt upp. Stjórnendur Húsasmiðj-
unnar hafa að undanförnu þingað um aðhaldsaðgerðir vegna verulegs samdráttar í sölu
hjá verslunum fyrirtækisins. Sömuleiðis hefur skuldastaða fyrirtækisins verið mjög erfið
en reksturinn hefur að stórum hluta verið fjármagnaður með erlendum lánum.
Boðað til borgarafunda
Umhverfisnefnd Ísafjarðarbæjar hefur ákveðið að boða til opins borgarafundar á Ísa-
firði til að kynna frummatsskýrslu vegna snjóflóðavarna ofan Holtahverfis í Ísafjarðar-
bæ. Fundurinn fer fram mánudaginn 8. desember kl. 18 í Stjórnsýsluhúsinu Ísafirði.
Þá hefur umhverfisnefnd einnig ákveðið að boða til almennra borgarafunda í öllum
byggðakjörnum Ísafjarðarbæjar á nýju ári til að kynna nýtt aðalskipulag. Fyrsti fundur-
inn fer fram á Suðureyri þann 20. janúar kl. 18 og næsti kl. 20 sama dag á Flateyri.
Þá verður fundað á Þingeyri 21. janúar kl. 18 og á Ísafirði daginn eftir kl. 18.
Það er ódýrara að vera áskrifandi!
Ráðið hefur verið í helming
þeirra starfa sem lofað var að
kæmu vestur á vegum hins
opinbera í tengslum við Vest-
fjarðaskýrsluna. Samkvæmt
yfirliti sem lagt hefur verið
fram fyrir bæjarráð Ísafjarð-
arbæjar hefur verið ráðið í
tæplega 40 opinber störf á
Vestfjörðum í tengslum við
skýrsluna og eru fjögur til við-
bótar í undirbúningi. Bæjarráð
hvetur Vestfjarðanefndina til
að halda vöku sinni, til að
tryggja að farið sé eftir áður
mótaðri stefnu en Vestfjarða-
skýrslan gerir ráð fyrir að
ráðið verði í allt að 80 störf á
þremur árum. Eins og kunnugt
er skipaði forsætisráðherra
nefnd á síðasta ári með það að
markmiði að finna leiðir til að
styrkja atvinnulíf á Vestfjörð-
um til að mynda með flutningi
starfa til Vestfjarða og stofnun
nýrra starfa í fjórðungnum á
vegum hins opinbera.
Atvinnulíf og búseta á Vest-
fjörðum stendur nú á ákveðn-
um tímamótum. Stjórnvöld
hafa ákveðið að verja á næstu
fjórum árum allt að 13 millj-
örðum króna til framkvæmda
við vegi, fjarskipti og snjó-
flóðavarnir. „Tillögur nefnd-
arinnar miða að því að leggja
til við stjórnvöld að blása ungu
fólki, sem og öllum Vestfirð-
ingum í brjóst aukna bjartsýni
á möguleika svæðisins til
búsetu og atvinnuuppbygg-
ingar með því að efla starfsemi
opinberra stofnana m.a. á sviði
menntunar, rannsókna og ný-
sköpunar sem í samvinnu við
fyrirtækin á svæðinu geti
snúið við atvinnuþróuninni til
aukinnar verðmætasköpun-
ar“, segir í tilkynningu sem
birt var þegar Vestfjarða-
skýrslan var gefin út.
Meðal þeirra starfa sem
koma fram í skýrslunni má nefna
stöðugildi við Hornstranda-
stofu, við Þjóðtrúarstofu og
Fræðasetur Háskóla Íslands.
Vestfjarðanefndin hvött
til að fylgja mótaðri stefnu
Stjórnsýsluhúsið á Ísafirði.
Það er að bera í bakkafullan lækinn að nefna efnahagsástand og bankakreppu.
En um er að tefla stærsta viðfangsefni þjóðarinnar, sem fékk að vita að forsæt-
isráðherra ber enga ábyrgð á stöðu mála. Það er allt bönkunum að kenna. Ætla
mætti að forsætisráðherra ætli sér ekki lengra pólitískt líf en til næstu kosninga.
Enn heyrist lítið til ráðherra okkar Vestfirðinga, sem fékk ekki spurningar á
borgarfundinum í Háskólabíói um daginn.
Hinn 1. desember síðastliðinn voru liðin 90 ár frá því Ísland varð fullvalda
ríki og voru hátíðarhöld í skugga spænsku veikinnar, Kötlugoss og mikils haf-
íssárs. Ástandið er fremur dapurt nú. Munurinn er sá að nú er glímt við afleið-
ingar mannlegrar hegðunar og að sumu leyti verra. Nú eru það ákvarðanir eða
öllu heldur skortur á þeim sem leiðir til ófara. Náttúruna ráða menn trauðla við.
Það vekur athygli að stöðugt klifa ráðamenn, sem kjörnir voru til þess að fara
fyrir þjóðinni um það hve vel Íslendingar séu menntaðir. En þeir tala við þjóð-
ina, okkur almenning, eins og verið sé að ræða við óvita börn.
Þegar við bætist að ríkisstjórn og stjórnmálamenn telja sig ekki bera neina
ábyrgð verður almenningur hvumsa við. Hvað eiga mennirnir við? Getur verið
að eldra fólkið, sem tapaði sparnaði sínum, beri ábyrgðina? Er það unga fólkið
sem nýlokið hafði námi og var að kaupa sér húsnæði og koma undir sig fótun-
um, sem ber ábyrgðina? Eru það öryrkjarnir sem fóru að ráðum bankastarfs-
manna og lögðu fé í peningamarkaðssjóði sem bera ábyrgðina? Voru það ef til
vill fermingarbörnin, sem sömu bankastarfsmenn hvöttu til að legga
fermingarpeningana í peningamarkaðssjóði, sem bera ábyrgðina?
Þjóðin veit að forsætisráðherra, líkt og utanríkisráðherra og allir hinir
ráðherranrir, sem margir vita ekki hvað heita, hefur lagt sig fram við að
greiða úr óreiðunni. Kannski væri nær að segja, að reyna að finna eitthvað
varðmætt í brunarústunum. Það er ekki nóg þegar brunavarnirnar voru
engar, að biðja fólk nú að vera ekki að hafa áhyggjur af því að þjóðarbúið
hafi brunnið vegna fikts nokkurra manna með eldspýtur, sem þeir gátu
keypt í hvaða sjoppu sem var af því að foreldrarnir vildu ekki skipta sér
af því hvað óvitarnir voru að gera beint fyrir framan andlitið á þeim sjálf-
um.
Það sem gleymist er að heimili margra eru enn að brenna af glóðunum
sem breiddust út frá fikti óvitanna og sér ekki fyrir endann á stórbrunanum.
Brennuvargana má ekki snerta fremur en þá sem áttu að sjá um eldvarnirnar,
ríkisstjórn, Seðlabanka og Fjármálaeftirlit, en sá sem því stýrir virðist
njóta óvenjulegrar friðhelgi. Gallinn er sá að almenningur nýtur ekki frið-
helgi. Nýjasta lagasetningin er sjávarútvegi til lítils gagns. Er ekki mein-
ingin að hann fái svigrúm til að afla gjaldeyris og byggja upp Ísland?
Höftin færa þjóðina til baka um nærri 80 ár. Landsfeður! Talið nú við
landslýð sem viti borið fólk. Til hamingju með fullveldið.