Iðnaðarmál - 01.01.1956, Blaðsíða 19

Iðnaðarmál - 01.01.1956, Blaðsíða 19
Eftirfarandi grein er þýdd úr tímaritinu „Food Engineering", nóvember- hefti 1955. Hófundur hennar er W. J. Scheffer, verksmiðjustjóri hjá Sea- brook Farms Co., New Jersey. Auk'm framleíðní \ frystíhúsí Frystihúsi nokkru í Bandaríkjunum, Seabrook Farms Co., tókst að margfalda afkastagatu sína án þess a'ð þurfa að stækka húsrými. Allar breytingar, sem að þessu lutu, voru gerðar að undangengnum nákvæmum rannsóknum á allri vlnnutilhögun, einkum með tilliti til vinnuaðferða og tímaþarfa einstakra vinnuþátta. Helztu kostir hins nýja fyrirkomulags eru þessir: 1. Framleiðslan heíur meira en tvöfaldazt, þótt húsrými hafi ekki verið aukið. 2. Starfsfólkið hefur bætt afkomu sína með auknum starfsverðlaunum. 3. Vinnutöf við sjálfa hraðfrystinguna var áður mikil, en er nú sögð óveruleg. 4. Aukin trygging vörugæða. 5. Kostnaður við meðferð tómra kassa hefur minnkað um 15 þúsund dali á órL Upphafið að endurbótum þeim, sem lýst verður hér á eftir, var það, að sérfræðingar voru ráðnir til að framkvæma í náinni samvinnu við verkfræðideild fyrirtækisins rann- sóknir á allri vinnutilhögun í frysti- húsinu. Var að sjálfsögðu lögð mikil áherzla á að rannsaka, hve mikill tími fór í einstök verk og verkþætti, svo að unnt væri að gera sér grein fyrir, hvar helzt þyrfti að endurbæta aðferðir og fyrirkomulag. Fyrsti áfangi rannsóknanna beind- ist einkum að vinnuaðferðum, allt frá því, að matvælin voru fullpökkuð til frystingar og þar til kassar voru komnir í frystigeymslu og tilbúnir til afgreiðslu. Áður en rannsóknum og umbótum verður lýst nánar, er rétt að gera stutta grein fyrir vinnutilhög- un og aðstæðum eins og þær voru, áður en breytingarnar fóru fram. Innpökkuðum matvælum, sem komu úr innpókkunarvél, var raðað með handafli á bakka í þrjár tíu- stykkja raðir, og síðan var pökkun- um staflað í grindur og ekið að „Bird's Eye" hraðfrystitækjunum.1 1) Sams konar tæki eru notuð í frysti- húsum hérlendis. Aths. IMSI. Eldra fyrirkomulag Þrjá menn þurfti til að aka bakka- grind með hinum innpökkuðu mat- vælum að frystideild- inni. Þar voru bakk- arnir teknir úr grind- unum með handafli og þeim hlaðið sjö saman á renniband, sem flutti þá meðfram hliðum plötufrystanná. Þá var hverjum hlaða ýtt að þeim plötu- frysti, sem næst átti að fylla. Á milli tveggja plötufrysta, sem opnuðust hvor á móti öðrum, stóð einn starfsmaður, og setti hann bakk- ana inn í plötufrystinn. Til þess þurfti hann að lyfta hverjum bakka úr hlað- anum, bera hann að frystinum, lyfta honum eða lækka í rétta hæð, áður en hann ýtti honum inn á milli platnanna í frystinum. Þegar búið var að hlaða frystinn, var frystiplötunum þrýst að og dyr- unum læst.2 Jafnlangan tíma tók að tæma klefana og að hlaða þá. Þegar hraðfrystingunni var lokið, voru bakkarnir með fyrstu pökkun- um teknir út úr klefanum og þeim staflað sjö saman á annað færiband, samhliða hinu fyrra, en staðsett hin- um megin við frystiklefaröðina. Stöfl- unum var síðan ýtt inn á teinabraut, sem flutti þá að kössunardeildinni. 2) Hér á landi eru yfirleitt ekki dyr fyrir frystiklefum. Aths. IMSÍ. Myndin sýnir bakkagrindur, sem flytja ákveðið magn af pökkuðum matvœlum að frystin- um. Grindur þessar fylla upp í dyrnar á jrystiklefunum. Auðvelt er að losa úr grindunum i frystihólfin, þar sem 90 pökkum á þremur bökkum er ýtt inn í hólfin með einu léttu átaki. IÐNAÐARMAL 15

x

Iðnaðarmál

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Iðnaðarmál
https://timarit.is/publication/1105

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.