Bæjarins besta - 03.09.2009, Page 9

FIMMTUDAGUR 3. SEPTEMBER 2009 9
á 1. hæð, skrifstofa á 2. hæð og
íbúðin þar fyrir ofan. Stutt að
fara í vinnuna en býsna mikil
stigahlaup alla daga. Það hafi
með öðru alltaf haldið skrokkn-
um í góðu formi.
Hann nýtir hraustleikann vel
og hjólar mikið og fer á göngu-
skíði á veturna. Hann segir að
samt sé kominn tími á draga sig
í hlé frá verslunarstarfinu, enda
að nálgast áttrætt og ekki laust
við að tölvutæknin vilji stundum
vefjast fyrir gömlum heila. Líka
sé heyrnin farin að bila og oft
erfitt að skilja hvað kúnninn er
að segja, einkum þeir yngri hrað-
mæltu. „Það er eilítið pínlegt við
afgreiðslu að þurfa að marghvá
eftir orðum viðskiptavinarins og
biðja hann um að endurtaka.“
Miðbærinn
svipminni eftir
Það er mikil eftirsjá að sóma-
manni eins og Gunnlaugi Jónas-
syni bóksala þegar farið er í kaup-
staðarferð í miðbæ Ísafjarðar.
Annan eins viskubrunn um bók-
menntir er erfitt að finna í dag.
Það ætlunarverk hans að við-
skiptavinirnir færu ánægðari út
úr Bókhlöðunni heldur en þegar
þeir komu inn tókst þessum ljúfa
manni fullkomlega á langri starfs-
ævi. Það er óskandi að verslunar-
geirinn haldi sem lengst í per-
sónulegt og skemmtilegt viðmót
á borð við það sem Gunnlaugur að-
hyllist og stundaði sjálfur alla tíð.