Bæjarins besta - 06.05.2010, Blaðsíða 10

10 FIMMTUDAGUR 6. MAÍ 2010
Hvað finnst
safnverðinum
merkilegast?
Björn Baldursson, safnvörður hjá Byggðasafni Vestfjarða.
Nú fer að líða að sumri og þá fara söfnin að taka við sér.
Bæjarins besta hafði samband við Björn Baldursson,
safnvörð á Byggðasafni Vestfjarða, og fékk hann til að
segja okkur (í öfugri röð) hvaða fimm hlutir þar safnverð-
inum þykir merkilegastir.
5. Firmamerki Ásgeirsson og Stixrud
„Merkið sem er gert úr hvalbeini var á Uppsalaeyri í Seyðisfirði
við Ísafjarðardjúp. Þar var rekin hvalstöð á árunum 1898-1904 af
Ásgeiri Ásgeirssyni kaupmanni á Ísafirði og hvalveiðimanninum
Norman Stixrud undir nafninu Ásgeirsson & Stixrud. Merki þetta
var gert á 50 ára afmæli Ásgeirsverslunar árið 1902.“
4. Ílir
„Þetta var um langan tíma eina öryggistæki sjómanna ásamt
bárufleygnum. Ílirinn er úr skinni og var fylltur af lýsi og hampi.
Ef háska bar að höndum og öldurót var mikið var ílirinn hengdur
á stefni bátsins eða annars staðar eftir því hvernig sjólag var og
lýsið látið vætla úr honum. Best var að hafa íli á bæði borð. Varð
sjólag þá miklu betra og öldur brotnuðu ekki nærri bátnum. Sr.
Oddur V. Gíslason frömuður í slysavarnamálum hérlendis sagði
lýsið besta bjargráð íslenskra sjómanna og var mikill baráttumað-
ur fyrir því að notkun þess yrði almenn meðal sjómanna.“
3. Pípa úr saltvinnsl-
unni í Reykjanesi
„Saltvinnsla var starfrækt í
Reykjanesi við Djúp á seinni
hluta 18. aldar. Þessi pípa er
holur trjástofn, um 15 cm í þver-
mál. Hún fannst við framkvæmd-
ir í Reykjanesi um miðja síðustu
öld þegar unnið var við nýbygg-
ingu skólans þar. Þessi pípa var
notuð til að flytja sjó upp í salt-
suðupönnurnar sem hingað
voru fluttar frá Danmörku.“
2. Silfurskildingur Torfa Halldórssonar skipherra á Flateyri
„Þegar Torfi hélt til náms í Kaupmannahöfn haustið 1851 hafði
hann með sér farareyri í lítilli skinnskjóðu. Þegar hann kom til
baka vorið eftir var aðeins einn silfurdalur eftir af ferðasjóðnum,
og þar hefur hann verið síðan. Þetta er sænskur ríkisdalur frá ár-
inu 1790.“
1. Gestur frá Vigur
„Þessi bátur er mér mjög kær. Öll mín æskuár í Vigur var hann samofinn minni tilveru sem helsta
samgöngutæki okkar eyjarskeggja. Árið 2004 var hann gerður upp og hefur síðan verið eitt af djásn-
um safnsins.“