Dagblaðið Vísir - DV - 02.07.2008, Page 8

Miðvikudagur 2. jÚLÍ 20088 Fréttir DV
„Þetta var miklu meira mál en ég
bjóst við,“ segir Ómar Ágústsson
sem leitar nú leiða að gera fyrsta
löglega listaverkið gert með úða-
brúsa, stundum nefnt graffítí.
Ómar fór ásamt blaðamanni að
finna eyðublað sem Jakob Frímann
Magnússon miðborgarstjóri hefur
bent listamönnum á sem vilja gera
lögleg verk á veggi í Reykjavík.
„Það er búið að mála yfir öll þau
verk sem voru lögleg samkvæmt
eldri skilgreiningum í 101. Þá verð-
ur bara að fara þessa réttu leið og
finna þetta eyðublað og fylla það
rétt út. Gera löglegt verk og skreyta
miðbæinn aðeins,“ segir Ómar.
Ómar segir að miðbæinn vanti
aðeins meiri liti. Hann sé of grár og
myglulegur fyrir hans smekk. „Ég
held að allir geti verið sammála um
að það sé ekki flottara að hafa engin
verk í miðbænum. Það er í flestum
menningar- og heimsborgum, þar
eru verk og listaverk úti um allt.“
Leyfið kostar 7.300 krónur
Ómar leitaði fyrst að leyfinu
í Ráðhúsi Reykjavíkur. Þar kom
furðusvipur á unga konu í afgreiðsl-
unni sem vissi ekki hvernig ætti að
bregðast við. Skömmu síðar bar að
eldri konu sem gat bent á að eyðu-
blaðið væri að finna hjá skipulags-
og byggingarsviði borgarinnar. Það
væri þó ekki eyðublað um gerð
listaverka heldur þyrfti að fylla út
umsókn um byggingarleyfi.
Byggingarleyfisumsóknin sem
Ómar fékk í skipulags- og bygging-
arsviði í Borgartúni þarf að fara fyrir
nefnd og tekur það sjö til tíu daga.
Þar er verkið skoðað, metið og síð-
an samþykkt eða því hafnað. Einn-
ig getur nefndin beðið um frekari
útskýringar. Það kostar 7.300 krón-
ur að fylla eyðublaðið út. „Yfirleitt
er það nú samt þannig að menn sjá
einhvern flottan vegg, eru með ein-
hverjar skissur í höndunum, fá leyfi
eiganda hússins og síðan er verkið
málað. Það er nú yfirleitt ekki hugs-
að svona langt fram í tímann,“ seg-
ir Ómar og hlær. „Þetta er í raun al-
veg fáránlegt að menn hafi ekki leyfi
til að mála sinn eigin vegg,“ bætir
hann við.
Íslendingar opnir
fyrir listaverkum
Nokkur fylgiskjöl þurfa að fylgja
byggingarleyfisumsókninni með-
al annars samþykki nágranna sem
Ómar segir að verði gert í dag og
því ætti það ekki að vera neitt ve-
sen. „Það hefur ekki verið neitt mál
að fá samþykki. Íslendingar eru í
flestum tilfellum opnir fyrir svona
verkum. Hús- og bílskúrseigendur
samþykkja flestir að fá verk á sín-
ar eignir. Ef það er áberandi vilja
menn frekar fá svona list. En það er
greinilega ekki nóg.“
Eftirsóknarverðast
að vera í 101
Ómar segir að flestöll verk í mið-
bæ Reykjavíkur séu nú horfin af
veggjunum eftir hreinsunarátak
borgarinnar. Einhver séu í útjaðri
borgarinnar og á einstaka bílskúr.
Hann segir að graffarar hafi feng-
ið að gera sín verk í friði á tveimur
stöðum, Loftkastalanum og gömlu
Kassagerðinni. „Vandinn er bara að
það á að rífa bæði húsin. Þegar þau
hverfa hafa graffarar engan sama-
stað.“
Aðspurður af hverju graffarar
vilji gera sín verk í miðbæ Reykja-
víkur segir Ómar að þar geti flest-
ir notið þeirra. „Það er eftirsóknar-
verðast að gera verk þar sem flestir
sjá þau. Það er ekkert endilega skil-
yrði að vera í miðbænum. Það þurfa
bara að vera góðir veggir á góðum
stað.“
BEnEdikt Bóas hinRiksson
blaðamaður skrifar: benni@dv.is
ómar Ágústsson leitar nú leiða til að gera fyrsta löglega listaverkið á húsvegg með úðabrúsa. Ómar fór í gær
að leita að eyðublaði sem hann þarf að fylla út, að sögn Jakobs Frímanns Magnússonar miðborgarstjóra.
Ómar fékk ekki eyðublað í Ráðhúsinu en fékk byggingarleyfiseyðublað hjá skipulags- og byggingarsviði.
Byggingarleyfi
fyrir listaverk
Listamenn að störfum vegglistamenn þykja setja skemmtilegan svip á
umhverfið þegar vel tekst til.
ómar Ágústsson Ómar leitar
nú leiða til að gera löglegt
listaverk á húsveggi.
„Þá verður bara að fara
þessa réttu leið og finna
þetta eyðublað og fylla það
rétt út. Gera löglegt verk og
skreyta miðbæinn aðeins.“
svipmót Nefnd skipuð fagaðilum fer yfir hverja umsókn. Flestum er neitað um
breytingu á ytra byrði húsa vegna breytinga á útliti þeirra.
Eyðublaðið Ef Ómar ætlar að fá
að gera löglegt verk þarf hann að
fylla út umsókn um byggingarleyfi.