Dagblaðið Vísir - DV - 02.07.2008, Síða 9

„Þetta er ansi stór hópur og kemur
mér í rauninni mjög á óvart,“ seg-
ir Steindór Tryggvason ökukennari
um fjölda próflausra ungmenna í
umferðinni. Samkvæmt upplýsing-
um frá ríkislögreglustjóra hafa 1.759
ökumenn ekki endurnýjað bráða-
birgðaökuskírteini sín.
Um þriðjungur þess hóps hef-
ur trassað það í tvö ár eða lengur
og neyðist því til að taka ökupróf að
nýju. Steindór segir þó upp og ofan
hvort trassaskapurinn sé viljandi,
eða ökumenn gleymi einfaldlega að
endurnýja ökuleyfið.
Áhyggjur af löggunni
Ellert Svavarsson, lögreglumað-
ur í umferðardeild, segir erfitt að
segja til um hvort allur þessi fjöldi
haldi áfram að keyra án leyfis eft-
ir að bráðabirgðaskírteinið renni út.
Hann telur þó líklegt að svo sé, enda
reki lögreglumenn við eftirlit sig all-
oft á að fólk á öllum aldri keyri með
útrunnin leyfi.
Steindór hefur svipaða reynslu:
„Það var ungur nemandi sem var hjá
mér í mati. Hann sagði mér eftir á að
það væri aldeilis flott að vera kom-
inn með prófið, því þá þyrfti hann
ekki lengur að hafa áhyggjur af lögg-
unni.“
Að sögn Ellerts er sektin við því að
keyra með útrunnið ökuskírteini um
fimm þúsund krónur.
Greiða allt tjón sjálfir
Stærsta hættan við að keyra með
útrunnið skírteini liggur í hvers
kyns tjóni. Agnar Óskarsson, fram-
kvæmdastjóri tjónasviðs VÍS, seg-
ir tryggingafélögin geta gert end-
urkröfu á réttindalausa ökumenn
vegna tjóns sem þeir valda. Þeir geti
þannig lent í því að borga allt að öllu
því tjóni sem þeir valda sjálfir.
„Milljón er dýr fyrir þann sem á
lítið. Það er alveg hægt að nota pen-
ingana sína í eitthvað annað,“ seg-
ir Agnar. Hann segir enga ástæðu til
að bíða með að endurnýja skírteinið,
enda geti orðið dýrt spaug að sleppa
því.
Grípa þarf til aðgerða
Þeir ökukennarar sem blaðamað-
ur ræddi við voru sammála um að
grípa þyrfti til einhverra aðgerða til
að sporna við þeim mikla fjölda fólks
sem endurnýjar ekki ökuskírteini sín
líkt og vera ber. Lögðu þeir ýmist til
að lögregla herti eftirlit með réttinda-
lausum í umferðinni eða tæki upp á
því að áminna fólk þegar komið væri
að því að endurnýja ökuskírteinið.
Þannig myndi þeim fækka sem
gleyma einfaldlega að endurnýja,
eða eins og einn ökukennarinn orð-
aði það: „Hvað er langt síðan þú kíkt-
ir síðast aftan á skírteinið þitt?“
DV Fréttir Miðvikudagur 2. jÚLÍ 2008 9
Alls eiga 1.759 ökumenn sem hlotið hafa bráðabirgðaökuskírteini eftir að endurnýja ökuleyfið. Bráðabirgða-
skírteinið rennur út á tveimur til þremur árum. Lögreglumenn verða alloft varir við útrunnin skírteini við
eftirlit og telja öruggt að próflausir ökumenn finnist í umferðinni. Próflausir geta þurft að greiða háar fjárhæð-
ir verði þeir fyrir tjóni.
Próflaus undir stýri
ÖkuleyfisveitinGar
Þegar sótt er um ökuleyfi í fyrsta sinn er viðkomandi veitt bráðabirgðaöku-
skírteini til þriggja ára. Bráðabirgðaskírteinið var lengi vel til tveggja ára.
Hafi ökumanninum ekki fallið neinir refsipunktar í skaut gefst honum færi á
að fara í akstursmat að ári liðnu og öðlast fullnaðarskírteini.
Sé það ekki gert rennur bráðabirgðaökuskírteinið að lokum út. Sé skírteinið
ekki endurnýjað innan tveggja ára frá því það rennur út neyðist eigandi
þess til að taka ökupróf að nýju.
hafsteinn Gunnar hauksson
blaðamaður skrifar: hafsteinng@dv.is
umferðin
Í umferðinni leynist að
öllum líkindum fjöldinn
allur af próflausum
ökumönnum.
„Þetta kostar sveitarfélag eins og
Garðabæ hátt í 250 milljónir. Allt fer
hækkandi og persónulega finnst mér
ekki góð skilaboð að þjónustan eigi
að vera frí. Með heildarrekstur Strætó
bs. í huga og bæjarfélagið einnig verð-
um við að staldra við og skoða þetta í
þessu árferði öllu,“ segir Gunnar Ein-
arsson, bæjarstjóri Garðabæjar, um
þá ákvörðun bæjarráðs að draga sig
út úr áframhaldandi þátttöku í verk-
efninu „Frítt í strætó“.
Tilraunaverkefnið hófst haustið
2007 og fengu allir nemendur í fram-
haldsskólum og háskólum sem búa
í Reykjavík, Kópavogi, Hafnarfirði,
Garðabæ, Mosfellsbæ, Seltjarnarnesi
og Álftanesi merkt kort og fengu fríar
ferðir til 1. júní síðastliðinn.
Gunnar segir að Garðabær ætti
ekki að borga nema 10 milljónir fyrir
sína þátttöku en borgi núna helmingi
meira. „Í fyrsta lagi höfum við kallað
eftir hvaða árangri þetta hefur skilað.
Við sjáum það miðað við þær taln-
ingar sem hafa verið gerðar myndi
vera ódýrara fyrir bæjarfélagið að
námsmenn kæmu til okkar að sækja
kort. Við borgum, ef haustið er tekið
með, 20 milljónir í verkefnið. Miðað
við þátttöku ætti það ekki að kosta
okkur nema 10 milljónir.“
Markmið verkefnisins hefur tengst
grænum skrefum Reykjavíkurborgar.
Höfuðborgarsvæðið er mettað svif-
ryki, mengun og svo miklum umferð-
arþunga að stofnæðarnar ráða ekki
við umferðina. Enda yfirleitt aðeins
einn í bíl.
„Ég var að koma frá Norðurlönd-
um þar sem ég talaði um þetta verk-
efni. Þar göptu menn einfaldlega.
Frítt sögðu þeir, það er ekkert frítt
hérna. Það er ekkert til sem heit-
ir frítt. Þess vegna höfum við viljað
skoða þá möguleika sem eru í stöð-
unni og vaða ekki áfram og gefa öll-
um frítt,“ segir Gunnar, bæjarstjóri í
Garðabæ. benni@dv.is
Garðabær hættir að gefa námsmönnum frítt í strætisvagna:
Garðabær hættir að gefa í strætó
kostar of mikið að gefa garðabær
borgar 20 milljónir á ári fyrir að vera með
í verkefninu.