Frjáls verslun - 01.02.2008, Síða 50

50 F R J Á L S V E R S L U N • 2 . T B L . 2 0 0 8
Bandaríska ferðaskrifstofukeðjan AMEX hefur látið kanna venjur og óskir kaup­sýslufólks í viðskiptaferðum. Könnunin
leiddi í ljós að gott og þægilegt rúm, þegar komið
er á hótelið, er efst á óskalistanum. 57 prósent
aðspurðra töldu gott rúm skipta mestu máli. Þar
á eftir kom hreint klósett og þá góð lykt á hótel­
herberginu. Vöntun á öðrum þægindum er ekki
talin frágangssök.
Könnunin sýndi einnig að þekking, lipurð og
hjálpsemi starfsfólks hótelanna er mikils metin.
Og einnig að gesturinn lendi ekki í vandræðum og
óvæntum uppákomum á hótelinu eins og að þurfa
að skipta um herbergi. Herbergið og þjónustan
á að vera eins og gesturinn bjóst við. Þá er hann
ánægður.
Einnig var spurt: Af hverju ferðu í viðskiptaferð
þegar hægt er að ganga frá viðskiptum og halda
fundi með aðstoð nútíma tölvutækni og án ferða­
laga? 63 prósent sögðust fara sér til upplyftingar í
daglegu amstri í vinnunni og til að hitta nýtt fólk.
Aðeins 26 prósent sögðu að viðskiptaferðir væru
stressandi og töldu bið við innritun á flugvöllum
versta.
Helmingur aðspurðra sagði að fyrirtæki þeirra
hefði fastar reglur um viðskiptaferðir en aðeins
helmingur þessa helmings sagðist fara eftir regl­
unum. Þá höfðu aðeins 15 prósent áhyggjur af
að tíðar flugferðir menguðu andrúmsloftið. Nýtil­
komin óvissa í efnahagsmálum var ekki heldur
talin hafa áhrif á fjölda viðskiptaferða.
Og hvað vill svo kaupsýslufólk helst af öllu taka
með sér í viðskiptaferðina? Makann sinn!
Ó­s­kir og ven­jur fólks­ í við­s­kip­taferð­um:
Gott rúm og hreint klósett,
takk fyrir! texti: Gísli kristjánsson