Frjáls verslun - 01.02.2008, Page 59

F R J Á L S V E R S L U N • 2 . T B L . 2 0 0 8 59
í stjórninni eða að fá að vera með í ráðum um stjórnarskipun. Það er
líka erfitt að flokka áhugasvið hans ­ hann fjárfestir í náttúruauðlindum
eins og olíu og gasi en líka í hótelum, lyfjafyrirtækjum og hefur
undanfarin misseri glímt við stjórnir stórfyrirtækja eins og Motorola
og Time Warner sem allur viðskiptaheimurinn hefur fylgst með af
áhuga.
Aðferð hans er að kaupa í fyrirtækjum þar sem eignirnar eru miklu
meira virði en verðmæti hlutabréfa ­ fyrirtæki sem hann segir að æpi
á að vera keypt. Hann forðast að leita þangað sem straumurinn liggur
og finnst best að fjárfesta í fyrirtækjum sem aðrir líta ekki við og í
geirum sem draga ekki að sér athygli fjárfesta.
Icahn getur enn tekið rispur um fordekraða forstjóra sem eyði
alltof miklu tíma í golf en segir stjórnendur nú opnari fyrir gagnrýni
og stjórnir meira til í að hlusta á hugmyndir utan frá. Nýir leikarar á
fjármálasviðinu, eins og vogunarsjóðir, einblína á hagnað og afkomu,
búa oft yfir mikilli þekkingu og Icahn fær iðulega stuðning úr þeirri
átt þegar hann fer að gagnrýna stjórnir fyrir að liggja inni með
ónýttar eignir sem hægt væri að koma í verð.
Í stað þess að starfa upp á eigin spýtur, eins og Icahn gerði á árum
áður, hefur hann raðað harðsnúnu liði í kringum sig og þar á meðal er
sonur hans. Icahn hefur rúmlega tuttugu starfsmenn en verklagið er þó
markað einyrkjaaðferðum Icahns. Hann er ekkert gefinn fyrir skýrslur
og minnisblöð heldur þæfir hlutina með starfsmönnum sínum og
notar aðferðir heimspekinnar til að spyrja röklega og í þaula.
Hann er einlægur B­maður, mætir á skrifstofuna upp úr hádegi,
hlýðir fólki þá yfir og athugar hvað er í gangi áður en hann tekur
símann og situr svo klukkustundum saman og ræðir við fólk.
Um kvöldið borðar hann með konu sinni, oft á litlum ítölskum
veitingastað sem býður upp á pasta a la Icahn.
Þegar heim kemur er síminn aftur tekinn fram og það eru
þessi endalausu símtöl sem oft beina athygli hans að áhugaverðum
fjárfestingum ­ hann trúir á mannleg samskipti, ekki á lestur og
rannsóknir.
Vogunarsjóður og fasteignir
Umsvif Icahns skiptast í þrennt. Hann rekur vogunarsjóð sem
hefur skilað fjárfestum 28 prósenta ársávöxtun að öllum gjöldum
greiddum sem er vel yfir þeirri þrettán prósenta viðmiðun sem þykir
góð ávöxtun vogunarsjóða og það þó gjöldin séu hærri en gengur
og gerist. Sjóðurinn var í fyrra upp á 7 milljarða dala, þar af er 1,5
milljarður eigið fé Icahns. Þess utan rekur hann eigin fjárfestingarsjóð
sem nam 1,7 milljörðum.
Þriðja einingin í veldi hans er svo fasteignasjóður, American Real
Estate Partners, AREP. Stefnan er að kaupa fasteignir sem hafa lent
í gjaldþroti eða enginn lítur við, gera þær upp og eiga um hríð áður
en þær eru seldar. Hvernig Icahn kemur út úr núverandi kreppu á
tíminn eftir að leiða í ljós.
Undanfarin misseri hefur Icahn haft augun á ofurlaunum
stjórnenda og hefur þar vísast talað fyrir munn margra þegar hann
hneykslast á þeim. Hann þvingaði stjórn Blockbusters til að fela sér
að semja um laun við John Antioco forstjóra fyrirtækisins þegar hann
komst að því að Antioco átti að fá 6,5 milljónir dala í bónus 2006
þrátt fyrir slæma útreið hlutabréfanna.
Icahn hafði deilt á þetta á aðalfundum og á endanum sættist
Antioco á að hætta, með rúmar þrjár milljónir í bónus og um
fimm milljónir í starfslokasamning í stað um 20 milljóna sem fyrri
samningar höfðu kveðið á um.
Bráðum verður að öllum líkindum hægt að gerast áskrifandi
að skoðunum Icahn því nú ætlar hann að fara að blogga á www.
icahnreport.com. Ekki ólíklegt að B­maðurinn Icahn eigi eftir að
sitja í náttfötunum eins og fleiri og skrifa um hjartans málin að
næturþeli.
Band­aríski auð­kýfing­urinn Carl Icahn. Á­ð­ur fyrirmynd­in að­ Gord­on
Gekko en t­elst­ núna „and­ófsfjárfest­ir“ og­ les yfir hausamót­unum á
st­jórnum fyrirt­ækja.
l u N d ú N a p I s t I l l s I G r ú N a r