Frjáls verslun - 01.02.2008, Side 84

84 F R J Á L S V E R S L U N • 2 . T B L . 2 0 0 8
Fyrir það fyrsta er NASDAQ öflugt alþjóðlegt fyrirtæki með gríðarlega sterkt vörumerki. NASDAQ er í hópi þekktari fyrirtækja í heiminum og árangur þess á undan-förnum árum hefur verið frábær. Í þessu felst því gæða-stimpill fyrir markaðinn hér heima og aukinn sýnileiki á
alþjóðavettvangi. Sameiningin er þannig þáttur í því að styrkja ímynd
Íslands út á við. Jafnframt höfum við tækifæri til að segja sögu okkar stærri
hópi en áður. Sameiningin við NASDAQ felur því í sér mikil sóknarfæri.
Á síðasta ári, eftir samrunann við OMX, urðum við í Kauphöllinni
vör við að áhugi erlendra fjárfesta jókst á markaðnum, því fjöldi erlendra
kauphallaraðila margfaldaðist á stuttum tíma. Nú þegar við erum orðin
NASDAQ OMX þá opnast einnig gátt á milli okkar og Bandaríkja-
markaðar og sjáum við nú þegar aukinn áhuga þaðan. Nú verðum við
að vinna að því að gera erlenda kauphallaraðila virkari í viðskiptum
á markaðnum og þannig ýta undir aukinn seljanleika. Við þurfum
að ná sátt um að ryðja burt hindrunum, t.a.m. auðvelda skráningu og
uppgjör hlutabréfa í evrum - krónan hefur fælt erlenda fjárfesta frá
okkur. Brýnt er að láta ekki jafnmikilvæga hluti stöðva alþjóða væðingu
markaðarins, því velflest fyrirtæki skráð á markaðinn í dag eru orðin
nokkuð stór á alþjóðlegan mælikvarða. Fyrirtæki þurfa að geta skráð sig
í þeim gjaldmiðli sem tryggir hag þeirra best.
Varðandi þjónustuþáttinn er ljóst að við munum geta boðið okkar
markaði upp á fjölbreyttari og betri þjónustu en áður - NASDAQ er
ein framsæknasta kauphöll í heimi hvað varðar þjónustu við viðskipta -
vini sína. Eins og ég minntist á áðan þá verður sýnileikinn líka miklu
meiri, þar sem okkar markaðsupplýsingar munu dreifast mun víðar
en áður. Við getum betur stutt við fyrirtæki sem eru skráð hér heima við
að koma skilaboðum á framfæri til fjárfesta alls staðar í heiminum.“
NASdAQ OmX
KAup­HöLLIN FæRIST SÍFELLT Í AuKANA
Þórður Friðjónsson, forstjóri NASDAQ OMX kauphallarinnar á Íslandi.
OmX kaup­hallirnar hafa verið í mikilli sókn og árangur Kaup­hallarinnar reyndar
verið einstakur á heimsvísu. Til marks um það hafa hlutabréfaviðskip­ti meira en
tuttugufaldast á sex árum og markaðsvirði skráðra félaga er nú með því mesta sem
þekkist að tiltölu við stærð þjóðarbúsins, eða um 160% af VLF.