Frjáls verslun - 01.02.2008, Síða 113
Jón rögnvaldsson vegamálastjóri hefur unnið hjá Vegagerðinni
í rúma fjóra áratugi en Vegagerðin hefur verið til húsa í Borgar
túni 7 frá árinu 1964. Ýmis ríkisfyrirtæki voru um árabil í
næsta nágrenni svo sem rannsóknarlögreglan og borgardómur,
og reykjavíkurborg var með skrifstofur og áhaldahús.
Þar sem Jón hefur unnið þetta lengi við Borgartún man hann
vel þegar byggingar við götuna voru fáar miðað við það sem er í
dag og þegar efnaminna fólk bjó í lágreistum timburbyggingum í
Höfðaborg.
„Hér var hófleg og hugguleg byggð eftir að farið var að
byggja tveggja til þriggja hæða hús austan við Höfðatúnið.
Borgartúnið var samstæð og ágæt gata en það hefði mátt
fegra hana meira, svo sem með gróðri. Hún hefði þá verið
meira aðlaðandi.“
Jón segir að þróunin, eins og hún hefur verið síðustu ár, sé
hið besta mál og á þá við hin ýmsu fjármálafyrirtæki sem rekin
eru við Borgartún. „Mér finnst skipulagið hins vegar hafa farið
úr böndunum. Um „blettaskipulag“ er að ræða þar sem hugsað
er um skipulag á einstökum lóðum. Það er allt of mikill
losarabragur við götuna; ekki er horft á heildarmyndina. Mér
líst heldur engan veginn á gatnakerfið eins og það er þarna,
því að margar götur út frá Borgartúninu eru hálflokaðar.“
Ekki horft á heildarmyndina
Jón rögnvaldsson vegamálastjóri:
Jón Rögnvaldsson. „Mér finnst skipulagið hafa farið úr böndunum.
Um „blettaskipulag“ er að ræða þar sem hugsað er um skipulag á
einstökum lóðum.“
Fyrirtækið Kol og salt var stofnað árið 1916. Því var skipt upp árið 1968 í vélaleiguna Hegra og Saltsöluna sem
flutti til Keflavíkur. Ásgeir heitinn Jónsson,
eigandi Hegra, byggði hús við Borgartún 23
þar sem fyrirtækið er enn til húsa en þangað
flutti fyrirtækið árið 1971. Sonur Ásgeirs,
Jón, er nú framkvæmdastjóri fyrirtækisins.
„Ég byrjaði í sumarvinnu hjá föður mínum
þegar ég var 10 ára árið 1960 en þá málaði
ég girðingar hálfan daginn. Ég vann síðan á
vinnuvélum þegar ég hafði aldur til og þá
aðallega á hjólaskóflum. Það var unnið frá kl.
818 alla virka daga og fram að hádegi á
laugardögum.“
Hugsað sem iðnaðarhverfi
Jón segir að alls kyns fyrirtækið hafi verið
að spretta upp við Borgartún á þessum
árum. „Þetta hverfi var hugsað sem iðnaðar
hverfi. Hérna voru vélsmiðjur, svo sem
vélsmiðjan Hamar, þjónustufyrirtæki fyrir
útgerð, eimskip var með mikið geymslurými,
Borgarskálinn var hér og nokkrar
vöruskemmur voru á svæðinu. Sindri seldi
járn, við götuna var vörubílastöðin Þróttur
og byggingarfélagið Brú. Þá má nefna sendi
bílastöð og Vöruflutningamiðstöðina og svo
ferðaskrifstofu Guðmundar Jónssonar. Í
Höfðaborg, sem voru lágreist timburhús, bjó
efnalítið fólk, en húsin voru rifin í kringum
1970. Starfsmenn hjá Kolum og salti fóru
reglulega með kol í húsin sem voru
kolakynt. Bifreiðaeftirlitið var til húsa á
planinu fyrir ofan Höfða „þar var einn lítill
skúr þar sem bílar voru skoðaðir. enn vestar
í hverfinu var Vélamiðstöð reykjavíkur og
Trésmiðja reykjavíkurborgar.“
Margir muna eflaust eftir skemmti
staðnum Klúbbnum sem brann. Jón fór
stundum í Klúbbinn sem hann segir hafa
verið aðalstaðinn í bænum eftir að
Glaumbær brann.
Í dag má finna matsölustaði og bakarí
við Borgartún. Jón segir að þegar hverfið
hafi verið að byggjast upp hafi ekki neitt
slíkt verið við götuna – nema
matvöruverslun í Höfðaborg og að menn
hafi komið með kaffibrúsa í vinnuna.
„Breytingin á hverfinu fer ekki á milli mála
þegar ég horfi út um gluggann, segir Jón
en ýmiss konar skrifstofuhúsnæði hafa
tekið við þar sem iðnaðarhúsnæði og smiðjur
stóðu áður. Hann sér húsnæði sem hýsir þrjá
sparisjóði út um gluggann. „Menn ganga
ekki lengur hérna fram hjá í vinnugöllum
heldur í jakkafötum.“
Jóni finnst vera of margar byggingar við
Borgartún miðað við gatnakerfið og fjölda
bílastæða. ,,Það vinna of margir við
Borgartún. Hérna er gífurleg umferð.“
Aðspurður um skoðun sína á útliti nýju
húsanna við götuna segir Jón: „Það er upp
og ofan. Sum eru ágæt en mér finnst
arkitektúrinn ekki vera frumlegur.“
Eitt elsta
fyrirtækið
Hegri:
Jón Ásgeirsson, framkvæmdastjóri Hegra.