Frjáls verslun - 01.02.2008, Side 114
114 F R J Á L S V E R S L U N • 2 . T B L . 2 0 0 8
Höfðatorg liggur milli Borgartúns, Skúlatúns, Skúlagötu og Höfðatúns. Höfðatorg er í jaðri miðborgar Reykjavíkur og verður því eðlileg framlenging af henni. Jafnframt styður uppbygging Borgartúns við þessa þróun og Höfðatorg tengir þessa tvo borgarhluta
saman. Skammt undan eru tvær af helstu umferðaræðum borgarinnar.
Þetta eru kjöraðstæður til að skapa sannkallað miðborgarumhverfi og
gerir Höfðatorg að eftirsóknarverðum stað fyrir íbúa, fyrirtæki, starfs
fólk og gesti.
Undirbúningur að uppbyggingu Höfðatorgs hefur staðið yfir frá árinu
2000. Þá keypti byggingarfélagið Eykt í kjölfar útboðs Reykjavíkur
borgar fyrstu lóðirnar á svæðinu, lóðina Höfðatún 2 og lóð Vélamiðstöðvar
Reykjavíkur og Trésmiðju Reykjavíkurborgar við Skúlatún 1.
Efnt var til samkeppni um skipulag byggingarreitsins á árinu 2001 en
þá nefndist reiturinn Skúlatúnsreitur eystri. Í kjölfarið var samið við
PK Arkitekta um skipulag alls reitsins sem leiddi til þess að fyrsta form
lega skipulag Höfðatorgs leit dagsins ljós vorið 2003.
Á árinu 2005 urðu síðan algjör kaflaskipti í uppbyggingu Höfða
torgs hjá Eykt, annars vegar þegar fyrirtækið réðst í mikil uppkaup eigna
við Höfðatún og Skúlagötu, sem nú er að fullu lokið, og hins vegar þegar
ákveðið var að fá erlenda ráðgjafa til liðs við verkefnið. Víða var leitað
fanga og í framhaldi af því hófst samstarf Eyktar og aðalhönnuða
Höfðatorgs, PK Arkitekta, við arkitekta og tvö hönnunarfyrirtæki í
Berlín, MetaDesign hönnunarhús og LWW arkitekta, um að móta hug
myndir um eðli og inntak Höfðatorgs.
19 hæða bygging
Byggingar við Höfðatorg verða að mestu undir skrifstofu og atvinnu
húsnæði auk þess sem gert er ráð fyrir íbúðum á svæðinu. Allt atvinnu
húsnæði á Höfðatorgi verður leigt út. Með því að hafa uppbyggingu
og rekstur svæðisins undir einni stjórn er tryggt ákveðið samræmi og
gott heildaryfirbragð. Leitast er við að ná markmiðum um kraftmikla
og sívirka miðborgarstarfsemi. Áhersla er lögð á að mæta óskum kröfu
harðra fyrirtækja um vandaða umgjörð og glæsilegt umhverfi sem styður
við ímynd þeirra. Það felur meðal annars í sér gott aðgengi viðskiptavina
og margt fleira sem skipar atvinnuhúsnæði á Höfðatorgi í flokk þess
besta sem stendur til boða hér á landi.
Mikil áhersla hefur verið lögð á þróun og hönnun á opnum svæðum
Höfðatorgs því umfram allt er það mannlífið sem gerir Höfðatorg að
öðru en samsafni af fyrirtækjum og íbúðum. Hjarta Höfðatorgs verður
hlýlegur miðbæjarkjarni þar sem hægt er að hittast og gleðjast, hvort
heldur sem er á kaffihúsi eða veitingastað, og til að eiga góðar stundir
í skjóli fyrir veðri og vindum. Listsýningar, menningartengdir viðburðir
og líflegar uppákomur innan um gróður og falleg listaverk munu skapa
torgmenningu af því tagi sem Íslendingar hafa kynnst víða erlendis.
Gísli Jónsson, hönnunar og markaðsstjóri hjá Eykt, segir að mikill
metnaður sé að baki þessu verkefni og hafa menn óhikað fetað nýjar
slóðir í hönnun á skipulagsstigi með því sem nefnt er í dag „Branded
Architecture“ ásamt því að fara nýstárlegar leiðir í hönnun og útfærslum
á byggingum. Einnig hefur ekkert verið til sparað við að sækja sér þekk
ingu færustu sérfræðinga á hverju sviði og má í því sambandi nefna að
við hönnun á gluggakerfi 19 hæða byggingarinnar, sem nú rís á horni
Borgartúns og Höfðatúns, var fengin ráðgjöf og hönnun frá einum
færasta og reyndasta gluggaráðgjafa heims. Búið er að rífa hluta af þeim
byggingum sem þurfa að víkja fyrir þeim nýju. Í lok árs 2008 er stefnt
að því að ljúka jarðvinnu og að rífa byggingar.
Nú er verið að ljúka vinnu við innréttingar á 14.000 fermetra byggingu
sem risin er við Borgartún og jafnframt er uppsteypa á 19 hæða, 23.000
fermetra byggingu í fullum gangi ásamt tilheyrandi niðurkeyrslu og
bílakjallara. Stefnt er að því að ljúka öllum framkvæmdum við Höfða
torg á miðju ári 2011.
Með uppbyggingu Höfðatorgs, sem nú er hafin, stækkar miðborg reykjavíkur svo um munar.
Skipulag Höfðatorgs gengur út á að þar verði miðborgarstemmning alla daga, með kaffihúsum,
veitingastöðum, verslunum, þjónustufyrirtækjum, listsýningum og öðru því sem einkennir
mannlíf í hjarta miðborgarinnar.
ein STærSTA ByGGinGArFrAMKVæMd SÍðAri TÍMA Í reyKJAVÍK:
MiðBorg rEyKjAVíKur StæKKAr