Frjáls verslun - 01.03.2007, Page 49
taka gildi samkvæmt tilskipuninni ekki síðar en 1. nóvember 2007. Í
dag erum við hjá KPMG þegar byrjuð að vinna með viðskiptavinum
okkar að innleiðingu þeirra reglna sem fylgja tilskipuninni. Segja má
að MiFID-tilskipunin sé gott dæmi um þá sérhæfingu sem starfsfólk
okkar þarf að hafa til að geta unnið í evrópsku viðskiptaumhverfi.“
Stórir þegar kemur að stærstu fyrirtækjunum
Þegar Sigurður er spurður um fleira sem framundan er nefnir hann
að verið sé að vinna að innleiðingu tilskipunar frá Evrópusambandinu
sem fjallar um endurskoðendur: „Í þessum reglum er m. a. að sami
endurskoðandinn má ekki vinna við sama fyrirtækið í meira en sjö ár
samfellt ef um skráð félag er að ræða, eftir það verður hann að hverfa
frá því félagi í að minnsta kosti tvö ár. Þetta er nýtt og enn ekki að
fullu ljóst hvað muni felast í þeim lögum og reglum sem um þetta
verða sett, en grunnurinn liggur fyrir. Við erum farin að taka fyrstu
skrefin í þessu efni þótt lög um þetta efni hafi ekki enn komið fram
á Alþingi.“
Viðskiptavinir KPMG eru fjölmargir, allt frá stærstu fyrirtækjum
landsins til einstaklinga: „Ef við tökum fimmtíu stærstu fyrirtæki
landsins þá er um það bil helmingur þeirra í viðskiptum hjá okkur.
Hlutfallið minnkar aðeins þegar 100 stærstu fyrirtækin eru tekin
saman, sem segir okkur að við erum stórir þegar kemur að stærstu
fyrirtækjunum. Þessi fyrirtæki eru meira og minna í alþjóðlegum
samskiptum og vinna okkar verður sífellt meiri á alþjóðlegum
vettvangi. Það býður upp á fjölbreytileika og spennandi tækifæri í
starfi og gerir að verkum að starfsmenn okkar eru í tiltölulega miklum
samskiptum við félaga okkar hjá KPMG í öðrum löndum, einkum
Evrópu.“
Höfum rými fyrir gott fólk
Sigurður segir að endurskoðun í dag eigi litla samleið með
endurskoðun fyrri tíma: „Hlutverk okkar er í vaxandi mæli að selja
þekkingu. Fjölbreytnin er endalaus og í dag er mjög skemmtilegt
og gefandi að vinna hjá þekkingarfyrirtæki á borð við KPMG, sem
starfar á þremur fjölbreyttum sviðum í alþjóðlegu umhverfi. Það er
af sem áður var að starfsmenn í endurskoðun séu eingöngu að rýna
í tölur. Starfsmenn KPMG, hvort sem það eru endurskoðendur,
lögfræðingar, viðskiptafræðingar, verkfræðingar eða aðrir, vinna
mikið saman og efla þannig enn frekar þekkingu sína og fyrirtækisins
auk þess að vera í miklum samskiptum við fólk í viðskiptalífinu.“
KPMG á Íslandi hefur vaxið mikið á síðustu tveimur árum,
starfsmönnum fjölgað og Sigurður sér fram á meiri stækkun: „Við
erum einfaldlega að víkka út starfsemina og höfum þar af leiðandi
rými fyrir gott fólk og vildum gjarnan sjá einstaklinga með sem
víðtækastan bakgrunn og menntun til að starfa með okkur. Alþjóðleg
þróun er stækkun þekkingarfyrirtækja á borð við KPMG. Vöxtur
fyrirtækisins er á öllum sviðum, þó einna mestur á fyrirtækjasviði og
skattasviði og í sérfræðiþörfinni í kringum endurskoðunina. Kemur
það til vegna þeirrar hröðu þróunar sem er í viðskiptalífinu og að þær
reglur sem við vinnum eftir eru mun flóknari en áður. Þetta á ekki
eingöngu við um fyrirtæki eins og KPMG á Íslandi heldur virðist það
sama vera að gerast í allri Vestur-Evrópu.“
Fjölbreytt og spennandi
störf í alþjóðlegu umhverfi
Borgartúni 27
105 Reykjavík
Sími: 545 6000
Netfang: kpmg@kpmg.is
Starfsmenn KPMG, hvort sem það
eru endurskoðendur, lögfræðingar,
viðskiptafræðingar, verkfræðingar eða
aðrir, vinna mikið saman og efla þannig
enn frekar þekkingu sína og fyrirtækisins
auk þess að vera í miklum samskiptum
við fólk í viðskiptalífinu.
F R J Á L S V E R S L U N • 3 . T B L . 2 0 0 7 49