Frjáls verslun - 01.03.2007, Side 78
78 F R J Á L S V E R S L U N • 3 . T B L . 2 0 0 7
H
vað skyldu þær eiga sameiginlegt, Spider-Man 3, Pirates of the
Caribbean: At Worlds End, Shrek the Third, Ocean’s Thirteen og
The Bourne Ultimatum, annað en að vera rándýrar framhalds-
myndir og allar frumsýndar í sumar? Jú, þær eru allar númer
þrjú í röð framhaldssería, sem hafa notið mikilla vinsælda. Og ef eitt-
hvað er að marka máltækið: Allt er þegar þrennt er, þá ættu þær að
vera lokamyndirnar í seríunum. Ekki hef ég trú á máltækinu þegar
kemur að kaupunum á eyrinni í Hollywood. Þar er skortur á góðum
handritum og þar af leiðandi er treyst á framhaldsmyndir og ef mynd-
irnar fimm skila sama hagnaði og fyrirrennarar þeirra þá verður kýrin
mjólkuð til síðasta dropa. Ekki skal samt af þessum seríum tekið, að
skemmtanagildi þeirra er yfirleitt mikið og margt verra komið frá
bandarísku iðnaðarfabríkunni.
Spider-Man 3 Nokkur
von er að Spider-Man 3
verði síðasta kvikmyndin
í seríunni, þar sem aðal-
leikararnir, Tobey Maguire
og Kirsten Dunst, hafa lýst
því yfir að þau hafi ekki
áhuga á að leika í enn einni
myndinni um Köngulóar-
manninn. Þarna er miklir
peningar í húfi og alltaf
hægt að skipta um leikara
ef þriðja myndin gengur
jafn vel og þær fyrri þó
það sé vafasöm ákvörðun
þar sem Maguire og Dunst
hafa sýnt góðan leik og
samleikur þeirra er með
miklum ágætum. Brúttó-
tekjur af Spider-Man 1
voru 822 milljónir dollara og af Spider-Man 2, 784 milljónir dollara,
samtals eru það rúmlega 110 milljarðar í íslenskum krónum.
Sem fyrr leikstýrir Sam Raimi og gestaleikarar að þessu sinni eru
Thomas Haden Church, James Franco, Topher Grace og Bryce Dal-
las Howard. Spider-Man á í höggi við tvo óvini og hefur annar þeirra,
Sandman (Church), öðlast aukinn mátt við að vera nálægt kjarnorku-
sprengju og hinn, Vendom (Grace), á harma að hefna. Spider-Man 3
verður frumsýnd í Bandaríkjunum 4. maí og sama dag hér á landi.
Pirates of the Caribbean: At the Worlds End Það er látið að því
liggja að At Worlds End verði síðasta myndin í seríunni um sjóræn-
ingjana í Karíbahafi. Að vísu er það aðeins Keira Knightley sem
opinberlega hefur sagt að hún sé búin að fá nóg. Ef Johnny Depp og
Orlando Bloom eru tilbúnir að halda áfram þá verður sjálfsagt fjórða
myndin gerð. Mynd 2 er ein af vinsælustu kvikmyndum sögunnar.
Annars urðu brúttótekjur á heimsvísu 654 milljónir dollarar af Pirates
of the Caribbean: The Curse of the Black Pearl og 1.054 milljónir
dollarar af Pirates of the Caribbean: Dead Man’s Chest. Í íslenskum
krónum er það tæpir 120 milljarðar samanlagt.
Pirates of the Caribbean: At Worlds End er nánast beint framhald af
mynd tvö þar sem Will (Bloom) og Elizabeth (Knightley) fá óvænta
hjálp frá Barbarossa (Geoffrey Rush) við að bjarga Jack Sparrow
(Depp) en hann var numinn á brott í síðustu mynd. Leikstjóri er
Gore Verbinski og hefur hann leikstýrt öllum myndunum. Myndin
verður frumsýnd í Bandaríkjunum 25. maí og sama dag hér á landi.
Shrek the Third Skrekkur og félagar eru mættir í þriðja sinn. Fyrri
myndirnar tvær urðu ekki aðeins mjög vinsælar heldur rómaðar fyrir
gæði og eru meðal bestu tölvugerðra teiknimynda. Hér getum við
með öruggri vissu sagt að máltækið „Allt er þegar þrennt er“ gengur
ekki upp, þar sem þegar er farið að undirbúa fjórðu myndina. Teikni-
myndir verða ekki vinsælli, Shrek halaði inn í brúttótekjur á heims-
vísu 484 milljónir dollara og Shrek 2 920 milljónir dollara. Samtals er
það í íslenskum krónum um 98 milljarðar.
TEXTI: HILMAR KARLSSON
KVIKMYNDIR
ALLT ER ÞEGAR ÞRENNT ER
FRAMHALDSMYNDAFÁRIÐ AÐ HEFJAST:
– segir máltækið, fimm framhaldsmyndir sumarsins hafa seríunúmerið 3
Tobey Maguire í hlutverki köngulóar-
mannsins Peter Parker í Spider-Man 3.
Jack Sparrow (Johnny Depp) fær hér óblíðar móttökur hjá Sao Feng
(Yun-Fat Chow) í Pirates of Caribbean: At World’s End.
George Clooney og Brad Pitt í hlutverkum
sínum í Ocean’s Thirteen.