Frjáls verslun - 01.03.2007, Blaðsíða 76

76 F R J Á L S V E R S L U N • 3 . T B L . 2 0 0 7
Það eru átta þekktir háskólar í New York.
Tveir þeirra eru þó þekktastir; Columbia og
New York University. Columbia University
er einn þekktasti háskóli í Bandaríkjunum.
Hann er á vesturströnd Manhattan, skammt
frá Harlem. Ég mæli með því að skoða
þennan skóla. New York University er í
Greenwich Village hverfinu. Þá eru auðvitað
ótal söfn í New York sem hægt er að skoða,
eins og Guggenheim-safnið, Museum of
Modern Art og Museum of TV&Radio,
svo nokkur séu nefnd.
Að lokum hvet ég alla til að fara í
gönguferð um Central Park – eða Miðgarð.
Eða að aka um garðinn á lítilli hestakerru.
Þetta er skemmtilegur og stór garður.
Þegar við hjónin vorum á ferðinni í New
York í febrúar vorum við búin að lofa okkur
því að fara í þyrluflug yfir Manhattan og
Frelsisstyttuna. Ekkert varð af því. Það
verður bara næst.
Já, næst vegna þess að þegar þú yfirgefur
New York þá ertu þegar farinn að velta
fyrir þér næstu ferð til borgarinnar. Enda,
hvernig borðar maður stórt epli? Í bitum!
ferðalag
1. Gönguferð um Time Square sem er á
horni 42. strætis og Broadway. Eigum við
ekki að segja að þetta sé umtalaðasta torg í
heimi?
2. Skoðunarferð í sögufrægar byggingar á
borð við byggingu Sameinuðu þjóðanna og
Empire State. Fyrir 11. september var ferð
upp í tvíburaturnana, World Trade Center,
vinsælasta skoðunarferðin. Turnarnir
gnæfðu vel yfir aðra skýjakljúfa í borginni.
3. Söngleik á Broadway. Það er eiginlega
skylda. Ég nefni þekkta og vinsæla söngleiki
eins og Mamma mia eftir þá Abba-bræður,
Benny Andersson og Björn Ulvæus. Fólk
kemur syngjandi út af Mamma mia.
Þá nefni ég söngleikinn Beauty and the
Beast. Hann var betri en ég átti von á.
Í leikhúshverfinu er af nógu að taka.
Kannið líka hvort einhverjar stórstjörnur
eru með tónleika í Radio City Music Hall
eða Carnegie Hall. Svo eru djassklúbbarnir
iðandi af lífi öll kvöld.
Í NeW YOrK MÆlI Ég Með
Wall Street lætur lítið yfir sér í
rólegheitunum á sunnudegi. Lítill
götuveggur blasir við til að takmarka
umferðina.
Canal-stræti er þekktasta verslunargatan í Kínahverfinu. Hér erum
við á gatnamótum Canal-strætis og Lafeytta-strætis.