Frjáls verslun - 01.03.2007, Qupperneq 61

F R J Á L S V E R S L U N • 3 . T B L . 2 0 0 7 61
KOSNINGAR 2007
Þetta torveldar fyrir vikið lesendum að leika sér með afdráttarlaus
svör formannanna til að mynda ríkisstjórn. Á móti má segja að það
skipti ekki höfuðmáli þar sem slíkur leikur lesenda er auðvitað fyrst
og fremst til gamans gerður.
Það breytir því samt ekki að kjósendur vilja auðvitað skýr, ákveðin
og afráttarlaus svör um stefnu flokkanna áður en þeir ganga að kjör-
borðinu. Þeir vilja fá þessar upplýsingar á einföldu máli svo þeir
viti nákvæmlega hvar þeir hafa flokkana þegar inn í kjörklefann er
komið.
Stjórn Sjálfstæðisflokks og Framsóknarflokks?
Þegar horft er á svörin í töflunni (og útskýringar Geirs Haarde neð-
anmáls) virðist ljóst að leiðir Sjálfstæðisflokks og Framsóknarflokks
liggja oftast saman.
Sömuleiðis slá hjörtu Samfylkingar og Vinstri
grænna nokkuð saman en þó kemur á óvart
hvað afstaða þeirra í skattamálum er ólík. Að
sjálfsögðu var vitað fyrir að þessir flokkar væru
algjörlega á öndverðum meiði í afstöðunni til
evrunnar og Evrópusambandsins.
Stjórn Samfylkingar og Vinstri grænna?
Vinstri grænir vilja hvorki minnka skatttekjur né draga úr ríkisút-
gjöldum – en Samfylking vill hið gagnstæða, vill bæði draga úr
skatttekjum og ríkisútgjöldum. Þá vill Samfylking ekki taka upp
hátekjuskatt aftur en það vilja Vinstri grænir. Þá vilja Vinstri grænir
hækka fjármagnstekjuskattinn en Samfylking ekki.
Samfylking og Vinstri grænir eru á öndverðum meiði varðandi
það að skera niður styrki til bænda. Þótt ríkið hafi samið við bændur
um árlega styrki til ársins 2010 þá er það engu að síður háð því að
Alþingi samþykki á hverju ári styrk viðkomandi árs. Samfylking og
Vinstri grænir eru á gjörólíkum nótum í Evrópumálum. Hins vegar
verður ekki annað séð en að flokkarnir gangi í takt í umhverfismálum.
Að vísu er óljóst hvort afstaða þeirra til umhverfisspjalla af völdum
sauðfjárræktar sé sú sama.
Stjórn Sjálfstæðisflokks og Samfylkingar?
Að undanförnu hafa umræður um hugsanlegt samstarf Sjálfstæð-
isflokks og Samfylkingar fengið aukinn þunga í ljósi kannana um
að Framsóknarflokkur fái ekki nægilegt fylgi í kosningunum til að
mynda ríkisstjórn – einn flokka – með sjálfstæðismönnum. Það sama
er uppi á teningnum varðandi hugsanlega ríkisstjórn Samfylkingar
og Vinstri grænna, samkvæmt könnunum er ólíklegt að þessir tveir
flokkar fái nægilegt fylgi til að mynda saman
ríkisstjórn.
Það vekur athygli að Sjálfstæðisflokkur og
Samfylking virðast ganga í takt í ríkisfjármál-
unum, báðir flokkar vilja að ríkið dragi úr skatt-
tekjum sínum og ríkisútgjöldum. Flokkarnir
eru hins vegar með gjörólíka afstöðu varðandi
evruna og inngöngu í Evrópusambandið. Það
eru þó tæplega mál sem myndi stranda á í við-
ræðum þeirra um stjórnarmyndun.
Sjálfstæðisflokkur og Samfylking eru hins vegar með ólíka afstöðu
gagnvart því að lækka tekjuskattshlutfall fyrirtækja úr 18% og að
hækka skattleysismörk á tekjur launafólks.
Samfylking vill ekki lækka skattprósentuna á fyrirtækin en vill
hækka skattleysismörk einstaklinga. Sjálfstæðisflokkur vill hið gagn-
stæða; lækka skattprósentuna á fyrirtækin en ekki hækka skattleysis-
FORMENNIRNIR TEKNIR Á TEPPIÐ
Steingrímur J. Sigfússon. Ómar Ragnarsson.Guðjón Arnar Kristjánsson.
Þegar horft er á svörin
virðist ljóst að leiðir
Sjálfstæðisflokks og
Framsóknarflokks liggja
oftast saman.