Frjáls verslun - 01.03.2007, Qupperneq 53

F R J Á L S V E R S L U N • 3 . T B L . 2 0 0 7 53
1984. Við Ársæll eignuðust árið 1980 dóttur
sem heitir Hildur, en við skildum áður en ég
kom heim. Fyrsta veturinn kenndi ég handa-
vinnu í Fellaskóla en þar sem ég fékk námið
mitt ekki metið var ég ráðin sem leiðbein-
andi og gat engan veginn lifað af laununum
svo að ég hætti,“ segir Sólveig.
Eftir það starfaði Sólveig í tvö ár hjá Dóru
Einarsdóttur fatahönnuði og á meðal annars
heiðurinn af því að hafa saumað búningana
á fyrstu Eurovision-keppendurna sem sungu
Gleðibankann. Árið 1987 innritaðist Sólveig
í Myndlistar- og handíðaskólann og lauk
námi sem textílhönnuður með áherslu á
fatasaum árið 1991.
Sólveig kynnist öðrum sambýlismanni
sínum, Ólafi Jónssyni, 1992 og þau bjuggu
saman í sjö ár og eiga saman dóttur, Guð-
rúnu Júlíu sem er fædd 1994. Á síðasta ári
í textílhönnun tók Sólveig þátt í alþjóðlegri
hönnunarkeppni Smirnoff í Hollandi og
lenti í þriðja sæti.
„Þrátt fyrir gott gengi í keppninni og
stórt viðtal á MTV og í fleiri erlendum
fjölmiðlum fór lítið fyrir árangrinum hér
á landi og hann fór fram hjá flestum. Mér
var að vísu boðin mjög spennandi vinna hjá
Álafossi, en fyrirtækið fór á hausinn stuttu
seinna. Eftir á að hyggja held ég hreinlega að
einhver öfl hafi gætt þess að ég færi ekki út í
textílinn og mér hafi verið ætlað annað hlut-
skipti. Ég vann sem kokkur á Næstu grösum
með náminu í Myndlistarskólanum en var
þar í fullu starfi eftir að náminu lauk árið
1991,“ segir Sólveig.
Matarofnæmi og náttúrufæði
Afskipti Sólveigar af náttúrufæði hófst í
Kaupmannahöfn í kjölfar þess að hún var
nítján ára greind með ofnæmi fyrir dýrapró-
teinum, frjókornum og dýrahárum og hafði
verið með það frá fæðingu.
„Áhugi minn á matreiðslu var enginn
fyrir þann tíma og með herkjum að ég gæti
soðið vatn hjálparlaust. Mér var bent á að
ef ég breytti um mataræði gæti ég fengið
heilsuna aftur og farið að líða betur. Það er
svo skrítið að þegar maður stendur á kross-
götum í lífinu er maður til í allt og ég skellti
mér af krafti út í heilsufæðið. Ég fór að sækja
námskeið og þá kom í ljós að ég gat alveg
eldað og maðurinn minn, sem hélt ég væri
gersneydd öllum hæfileikum í eldhúsinu, sá
á mér mikla breytingu. Ég er dellukerling
í eðli mínu og sökkti mér á bólakaf og af
ástríðu í nýja mataræðið og heilsusamlegt
líferni. Stundaði jóga og fór á jógasetur þar
sem ég þagði í mánuð, fór í stólpípur og allt
sem því fylgir.
S Ó LV E I G E I R Í K S D Ó T T I R Í N Æ R M Y N D
mikla þá fyrir sér. Þrátt fyrir
mikinn áhuga á heilsufæði og
hollum lífsháttum er hún ekki
ýtin og treður skoðunum sínum
ekki upp á fólk. Mér finnst hún
fremur ganga fram með góðu
fordæmi og vera fyrirmynd. Hún
er uppfull af fróðleik um sitt fag
og síviljug að uppfræða þá sem
vilja vita meira.
Sólveig hefur ótrúlegt lag á
og kænsku til að fá mann til
að gera ótrúlegustu hluti. Á ein-
hvern mjúkan og þægilegan hátt
tekst henni að fá mann til að
segja já án þess að maður fatti
það. Ekki alls fyrir löngu fékk
hún mig til að dansa einhvers
konar riddaradans fyrir framan
fullt af ókunnugu fólki í þrítugs
afmæli sameiginlegrar vinkonu
okkar og það hefði engum tekist
að fá mig til að gera nema Sollu.
Hún er rosalega dugleg og
hjálpsöm manneskja og vonandi
hef ég lært af henni hvað það
varðar. Dugnaðurinn lýsir sér ef
til vill í því að þegar við hin erum
að mæta til vinnu á morgnana
þá er Solla búin að vera að í
nokkra klukkutíma og þegar við
erum að fara heim er hún enn
á fullu.
Hjálpsemin hefur aftur á
móti stundum komið henni í
vandræðalega stöðu. Í gegnum
tíðina hefur Solla farið í ófáar
heimsóknir til fólks sem á í
vandræðum með meltinguna og
sumar þeirra hafa verið vægast
sagt mjög einkennilegar og jafn-
vel vandræðalegar. Sólveig veit
örugglega meira en flestir aðrir
um meltingarvandamál þjóð-
arinnar,“ segir Laila Awad.
Þorlákur Morthens:
Listamaður
og frumherji
Þorlákur Morthens, eða myndlist-
armaðurinn Tolli, er gamall vinur
Sólveigar og sagði um hana: „Ég
kynntist henni í gegnum konuna
mína, Gunnýju, og á Sollu að
þakka að við erum gift. Solla
studdi Gunnýju með ráðum og
dáðum í tilhugalífi okkar og hélt
því fram að ég væri góður kostur
í stöðunni og fyrir það er ég
henni ævinlega þakklátur.
Solla er gegnheill idealisti
og það sem hún tekur sér fyrir
hendur gerir hún af ástríðu.
Að mínu mati skín í gegnum
allt sem hún gerir að hún er
listamaður og með menntun
á því sviði. Matreiðsla eins og
Solla leggur stund á hana er
allt annað og meira en elda-
mennska. Hjá henni er þetta
heimspeki og lífstíll. Solla er
frumherji í matargerð og því
sem koma skal, þ.e.a.s. að við
borðum mat sem nærir bæði sál
og líkama og er í jafnvægi við
náttúruna.
Mörgum kann að þykja Solla
stjórnsöm og hún er það líklega
á sinn hátt. Hún hefði aftur
á móti aldrei komist þangað
sem hún er nema hafa mjög
skýra sýn og vera með kláran
fókus á tindinn,“ sagði Þorlákur
Morthens.
Þorlákur Morthens.