Frjáls verslun - 01.03.2007, Side 52
52 F R J Á L S V E R S L U N • 3 . T B L . 2 0 0 7
eigin flokk sem ég fór með í útilegur þegar
ég var þrettán ára,“ segir Sólveig.
Samvinnuskólinn á Bifröst
Sólveig var fjörugur unglingur og eftir fallið
á landsprófi stóð til að reyna aftur. Málin
þróuðust þó þannig að henni var smyglað
inn í Samvinnuskólann á Bifröst eins og
hún orðar það sjálf. „Samvinnuskólinn var
tveggja ára nám og í fyrstu þótti mér ógn-
vænleg tilhugsun að vera í Borgarfirði í tvo
vetur og hótaði foreldrum mínum að ég yrði
þar ekki lengi. Raunin varð önnur og ég
lauk náminu þar. Félagslífið í skólanum var
hreint út sagt frábært og þar fékk ég loksins
að spila fótbolta með strákunum og mátti
vera í íþróttasalnum eins mikið og ég vildi
og það sló á heimþrána. Samvinnuskólinn
var á þessum tíma útungunarstöð fyrir kaup-
félagsstjóra og aldursmunur nemenda meiri
en í flestum öðrum skólum. Við vorum
nokkur sextán ára en flestir rúmlega tvítugir
og elsti nemandinn var þrjátíu og sex ára og
það setti sterkan svip á félagslífið. Námið var
dálítið sérstakt og við lærðum til dæmis sögu
Samvinnuhreyfingarinnar og fórum í náms-
ferð til Akureyrar þar sem við heimsóttum
höfuðstöðvar Sambandsins, Saumastofuna
Heklu og KEA í bak og fyrir,“ segir Sólveig.
Í Samvinnuskólanum kynntist Sólveig
fyrsta sambýlismanni sínum og barnsföður,
Ársæli Harðarsyni. Að loknu námi fluttu þau
til Kaupmannahafnar. Ársæll fór í framhalds-
nám en Sólveig að vinna.
„Á þessum tíma átti ég mér stóra drauma
og ætlaði mér að komast í gott starf. Ég hef
sjaldnast miklað hlutina fyrir mér og sé yfir-
leitt ekki hindranir og það hefur bæði góðar
og slæmar hliðar og stundum dálítið skraut-
legar. Ég var góð í vélritun og sló inn eins
og hríðskotabyssa og sótti því um starf sem
einkaritari hjá forstjóra Shell í Danmörku.
Ég var önnur af tveimur úr hópi hundrað
umsækjenda sem komust í viðtal og hefði
fengið starfið ef ég hefði getað lesið skriftina
hjá karlinum. Því miður var skriftin hans
gersamlega ofar mínum skilningi. Ég fékk
loks vinnu í þvottahúsi og með tímanum
vann ég mig upp í að vera yfir handklæðavél-
inni. Auk þess sem ég starfaði á kaffiteríu
og rak Jónshús um tíma ásamt manninum
mínum,“ segir Sólveig.
„Hugmyndin að Kvennalistanum varð
til í Jónshúsi á þessum tíma og satt best að
segja fannst mér þetta frekar reiðar og öfga-
fullar kerlingar sem stóðu að honum á sínum
tíma þótt ég hafi aðra skoðun í dag. Ég bjó í
Kaupmannahöfn í sex ár og vann helminginn
af tímanum en fór í þriggja ára nám í handa-
vinnukennslu áður en ég kom heim árið
S Ó LV E I G E I R Í K S D Ó T T I R Í N Æ R M Y N D
Inga Lára Birgisdóttir:
Möndlumjólk og
Louis Armstrong
Inga Lára Birgisdóttir, sem hefur
verið vinkona Sólveigar í 23
ár, segir að hún sé ótrúlega
skemmtileg og örlát: „Solla
er grallari í sér en jafnframt
umhyggjusöm og sönn í því sem
hún tekur sér fyrir hendur. Hún
hefur einstakt lag á að hrífa fólk
með sér. Sem dæmi þá hefur
hún séð um veitingar í nokkrum
barnaafmælum fyrir mig og
það er ótrúlegt að sjá hvernig
hún leikur sér við krakkana og
hvernig þeir háma í sig græn-
meti til að gera henni til geðs.
Sólveig er líka ótrúlega geðgóð
og er búin að vera í góðu skapi
frá því að ég kynntist henni. Hún
er líka hugmyndaríkur og góður
kokkur og mikil ástríðumann-
eskja. Þrátt fyrir miklar hugsjónir
og gleði er hún jarðtengd og
útsjónarsöm.
Einu sinni stóð þannig á hjá
mér og fjölskyldunni minni að
við vorum á milli íbúða. Þegar
Solla frétti af vandræðum
okkar fannst henni sjálfsagt
að við, fjögurra manna fjöl-
skylda, flyttum inn á hana og við
bjuggum þar í tæpt ár. Eftir á
að hyggja er ótrúlegt hvað sam-
búðin gekk vel og ég minnist
þess ekki að okkur hafi nokkurn
tíma orðið sundurorða. Allan
þann tíma sem við bjuggum
saman var Solla fyrst allra á
fætur og bjó til möndlumjólk
handa okkur hinum og stundum
bætti hún um betur og spilaði
It’s a wonderful life með Louis
Armstrong.
Solla er frekar pjöttuð með
hárið á sér og einu sinni þegar
við vorum á ferðalagi um Suður-
Afríku vildi ekki betur til en að
fugl dritaði í hárið á henni. Hún
rauk beint á hárgreiðslustofu til
að láta þvo skítinn úr og strax
á eftir fórum við á aðra stofu
þar sem hún lét þvo á sér hárið
aftur.
Sannfæringarmáttur Sollu
hefur aðeins einu sinni orðið
til þess að við hjónin höfum
hugsað henni þegjandi þörfina
og það var þegar henni tókst
að sannfæra okkur um að við
þyrftum að fara á þarmaskol-
unarnámskeið. Solla er vakin
og sofin yfir velferð okkar og ég
er sannfærð um að hún vildi
okkur vel. Ég ætla ekki að fara
nánar út í námskeiðið en það
er alveg víst að við förum ekki
á slíkt aftur,“ segir Inga Lára
Birgisdóttir.
Laila Awad:
Fær fólk til að gera
furðulegustu hluti
„Ég kynntist Sólveigu fyrir 13
eða 14 árum en urðum nánar
vinkonur fyrir rúmum 8 árum
og í dag er hún nánast eins og
systir mín,“ segir Laila Awad,
starfsmaður á auglýsingadeild
Fréttablaðsins. „Sólveig er
rosalega þróttmikil og jákvæð
manneskja. Hún er hugrökk
og kýlir á hlutina án þess að
S
AG
T
U
M
S
Ó
LV
EI
G
U
E
IR
ÍK
S
D
Ó
TT
U
R
:
Inga Lára Birgisdóttir. Laila Awad.