Frjáls verslun - 01.04.2008, Síða 20

20 F R J Á L S V E R S L U N • 4 . T B L . 2 0 0 8
Forsíðugrein
Ingvaldur kallar þetta „hobbýverslun“. Fyrir hann sem versl-
unarrekanda þýðir þetta að verslanir verða að vera aðlaðandi, varan
verður að vera sýnileg og taka þarf vel á móti viðskiptavinunum.
„Það er rosaleg samkeppni og álagningin lítil,“ segir Ingvaldur.
„Við erum ekki alltaf með lægsta verðið en viljum tryggja að
viðskiptavinurinn fái góða þjónustu og þá vöru sem hann leitar
eftir.“
Óboðinn gestur
Ingvaldur hefur sjálfur eftirlit með þjónustunni í verslunum Merl-
ins. Hann kemur í búðirnar án þess að gera boð á undan sér. Hann
ver oft tveimur dögum í viku í þessar heimsóknir og segist alltaf
vera með annan fótinn í búðunum.
„Flestir starfsmenn þekkja mig og sjá þegar ég kem. Þeir taka
því ekki á móti mér eins og hverjum öðrum viðskiptavini,“ segir
Ingvaldur. „Ég er ánægðastur þegar nýr starfsmaður tekur á móti
mér og ég fæ sömu góðu þjónustuna og allir viðskiptavinir eiga
að fá.“
Ingvaldur segir að þessar fyrirvaralausu heimsóknir hafi í fyrstu
valdið óánægju. Einn verslunarstjóri sagði upp vegna ónæðis af
heimsóknunum. Áður höfðu yfirmenn í fyrirtækinu boðað komu
sína. Þá ruku allir upp til handa og fóta og settu upp sparisvipinn
áður en eftirlitið kom.
„Ég hef bent starfsfólkinu á að markmiðið er ekki að þóknast
mér heldur að þóknast viðskiptavinunum. Það á alltaf að taka vel á
móti öllum. Það er ekki nóg að allt líti vel út þegar yfirmennirnir
koma,“ segir Ingvaldur.
Ingvaldur segist ekki hafa orðið var við andúð vegna þess að
hann er útlendingur – eða Íslendingur – sem fær það hlutverk að
taka erfiðar ákvarðanir í fyrirtæki í vanda.
Sólarhringsvinna
Þegar ég spyr um vinnutímann hjá Ingvaldi komumst við að því að
þetta er sólarhringsvinna.
„Ég er í raun og veru alltaf í vinnunni. Fyrir mig er þetta bæði
vinna og áhugamál,“ segir Ingvaldur. Hann reynir þó að standa sig
sem fjölskyldumaður. Kona hans er Brynja Blanda Brynleifsdóttir,
36 ára viðskiptafræðingur, og börnin eru tvö: Maríanna Björg, 6
ára skólastúlka, og Einar Helgi, 3 ára leikskólapiltur.
„Ég reyni alltaf að koma heim í mat á kvöldin og borða með
fjölskyldunni,“ segir Ingvaldur. „Síðan þegar börnin eru komin í ró
byrjar vinnan oft aftur hjá mér.“
Börnin tala dönskuna reiprennandi eins og þau væru innfædd.
Foreldrarnir eru tregari við tungumálanámið.
„Ég hélt fyrst að ég yrði fljótur að ná dönskunni en það hefur
ekki gengið alltof vel. Ég er enn frekar stirður í dönskunni,“ segir
Ingvaldur. Hjá Merlin talar hann því oftast ensku.
Fjölskyldan hefur búið í Óðinsvéum í tvö ár. Næsta vetur er
hins vegar ætlunin að vera á Íslandi, bæði til að halda tengslum
við landið og vegna þess að ný verkefni bíða hjá BT-búðunum.
Hann er enn að vinna í ritgerðinni sem hann skilaði í september
árið 2005.
Umsvif Merlins og BT
Velta á síðasta fjárhagsári:
800 milljónir danskar krónur í Danmörku.
2.500 milljónir íslenskar krónur á Íslandi.
Samtals velta í íslenskum krónum ca. 15 milljarðar.
Sala:
4,5 milljón hlutir seldir á ári.
Stöðugildi hjá Merlin-keðjunni:
317. En um 600 eru á launaskrá
Voru 491 við yfirtökuna. En um 800 voru þá á launaskrá.
Fjögur álíka stór vörusvið:
Fartækni• : Farsímar og aðrir símar, myndavélar, upptöku-
vélar, filmur, GPS-tæki, MP3-spilarar og aðrir spilarar ásamt
þjónustu og fylgihlutum - 20% markaðshlutdeild.
Tölvutækni• : Tölvur, skjáir, prentarar, minniskubbar og fylgi-
hlutir - 15% markaðshlutdeild í Danmörku, meiri á Íslandi.
Stafræn skemmtun• : Tölvuleikir, kvikmyndir og tónlist á
DVD, leikföng fyrir fullorðna og börn – leiðandi á Íslandi,
sterkir í Danmörku.
Heimilisskemmtun• : Sjónvörp, geislapilarar og græjur –
mestu sóknarfærin fyrir Merlin.
Helstu keppinautar:
Í Danmörku: Fona, Expert og Elgiganten
Á Íslandi: Elkó og Max
Auglýsingar Merlins
eftir að Íslendingarnir keyptu fyrirtækið
Ákveðið var að gera nýtt slagorð. Úr varð slagorðið: „Det’ damn
billigt“....„þa’r fjári ódýrt“. Það er notað í bland við eldra slagorð:
„Magisk verden af små priser“...„töfraheimur lágra verða“.
Nýja vörumerki Merlins í Danmörku er hannað af Cosmographic í
Óðinsvéum. En það fyrirtæki sér um hönnun og umbrot fyrir Merlin
og BT.
Sjónvarpsauglýsingar eru hannaðar af Miðstræti í Reykjavík.
Mikla athygli hefur vakið í Danmörku að Merlin varð sér úti um
„eigin rödd“. Rödd Merlins í útvarpsauglýsingum er frá einum þekkt-
asta uppistandara Dana, Uffe Holm. Þetta er fræg, rám og hás
rödd. Það vekur ekki síður athygli að Merlin leyfir Uffe Holm að ráða
því sjálfur hvað hann segir í auglýsingunum.
Einkennisdýr í Danmörku er kanína og hún kemur mikið við sögu
í öllum auglýsingum og útstillingum Merlins. Ingvaldur útskýrir af
hverju: „Merlin er líka nafn á seiðkarlinum í sögunum um Arthúr
konung. Grínið hjá okkur var það að nú væri töframaðurinn horfinn
á braut en hafði skilið eftir pípuhattinn og töfrasprotann. Upp úr
pípuhattinum stökk gul kanína og tók hún töfrasprotann og byrjaði
að galdra sem mest hún mátti án þess að kunna tökin á sprot-
anum góða. Hún beitti m.a. galdri á verð í búðunum sem hríð-
lækkaði og oft niður fyrir öll velsæmismörk.“