Frjáls verslun - 01.04.2008, Page 54
54 F R J Á L S V E R S L U N • 4 . T B L . 2 0 0 8
v i ð S k i p t a M E n n t u n
því hefur verið haldið fram að kreppur og atvinnuleysi hræri upp í fólki með háskólamenntun og ýti við því að fara í frekara nám. Hugsunin er sú að fólk með MBA-nám eða meistaranám í viðskiptum sé eftirsóttara í vinnu og með
meira atvinnuöryggi þegar skórinn kreppir. Þá má halda því fram að
fólk sem missir vinnuna í niðursveiflu og fær ekki auðveldlega vinnu
aftur nýti tækifærið og fari í framhaldsnám til að eiga auðveldara með
að fá vinnu aftur. Það sem mælir á móti öllum þessum kenningum er
að fólk hefur væntanlega síður efni á því að fara í framhaldsnám og
setjast á skólabekk í kreppu og atvinnuleysi.
Þetta eru fróðlegar pælingar sem hafa orðið áleitnari að und-
anförnu þegar tal um lánsfjárkreppu, niðursveiflu, verðbólgu og
fyrirsjáanlegt óöryggi á vinnumarkaði er í hámarki. Fólki hefur verið
sagt upp í fjármálageiranum að undanförnu og nýlegar uppsagnir hjá
Glitni eru til marks um að það eru breyttir tímar.
En skoðum betur framhaldsnám í viðskiptum hér á landi. Meist-
aranám í viðskiptum og hagfræði er kennt í fjórum háskólum;
Háskóla Íslands, Háskólanum í Reykjavík, Háskólanum á Bifröst og
Háskólanum á Akureyri.
Framboðið af námsleiðum eykst sífellt og barátta skólanna
um nemendur harðnar ár frá ári, ef marka má það magn auglýs-
inga sem skólarnir hafa lagt í á vormánuðum. Þrátt fyrir mátt
auglýsinga- og kynningarstarfs kemur það hins vegar ekki í veg
fyrir skyndilegar breytingar á vali fólks til náms, svo sem vegna
breytinga á efnahagsástandi. Til dæmis virðist sem hræringar á fjár-
málamörkum hafi haft áhrif á val nemenda í meistaranámi í við-
skiptafræði og hagfræði við Háskóla Íslands því færri velja nú MS
í fjármálum fyrirtækja og meistaranám í fjármálahagfræði en áður.
Á sama tíma vex MS-nám í stjórnun og stefnumótun ásmegin sem
og MS-nám í viðskiptafræði.
Fólk með grunnháskólagráður vill tryggja stöðu sína enn betur á atvinnumarkaði þegar
hægist um á atvinnumarkaði. Það lítur því á mastersnám sem nokkurs konar atvinnutryggingu.
Aukin sókn er í meistaranám við háskólana um þessar mundir.
„Það er mín tilfinning að margir leiti í nám nú,
bæði framhaldsnám og grunnnám, í ljósi breyttra
aðstæðna á vinnumarkaði og vegna fjármálakrepp-
unnar sem hefur gengið yfir. Það stefnir til dæmis
í meiri aðsókn í meistaranámið í viðskiptafræði
og mögulega metaðsókn í
grunnámið,“ segir Ingi Rúnar
Eðvarðsson, deildarforseti við-
skiptafræðideildar Háskólans á
Akureyri.
MS-námið í viðskiptafræði var í
boði í fyrsta skipti við háskólann í
fyrra og þá sóttu um 35 manns um inngöngu. „Nú
þegar hafa 25 manns sótt um en umsóknarfrestur
er fram í byrjun júní. Við höfum fengið fjölda góðra
umsókna, til dæmis frá fólki sem hefur lokið grunn-
námi við HR og Bifröst og fólki sem hefur lokið
meistaranámi í verkfræði og öðrum greinum. Það
má alveg gera ráð fyrir fjölda umsókna í lok maí og
því stefnir í enn meiri aðsókn en í fyrra. Það sama
má segja um grunnnámið, umsóknir verða vænt-
anlega fleiri núna. Við fengum
125 umsóknir í fyrra en þær
eru nú þegar um 70,“ segir Ingi
Rúnar.
„Ég hugsa að ein ástæðan
fyrir því hversu margir sækja nú
um hefðbundið meistaranám í við-
skiptum sé sú að margir vilja auka möguleika sína
enda hafa aðstæður í efnahagslífi breyst afar mikið.
Fólk lítur á námið sem góða tryggingu fyrir góðum
störfum.“
Ingi Rúnar Eðvarðsson:
góð trygging fyrir starfi
„það stefnir í meiri
aðsókn í meistaranám
í viðskiptafræði.“
tExtI: gísli þorsteinsson • MyNdIR: geir ólafsson o. fl.
rekur kreppa fólk í nám?
Ingi Rúnar Eðvarðsson, deild-
arforseti viðskiptafræðideildar
Háskólans á Akureyri.