Franskir dagar - 01.07.2005, Blaðsíða 22

Jieyvagnaakstur, varðeldur og brekkusöngur
Á föstudagskvöldi kl. 21:00 hefst heyvagnaakstur frá
slökkvistöðinni við Skólaveg að Búðagrund.
Heyvagnaaksturinn er orðinn fastur liður í hátíðarhöldum
Franska daga og er talinn ómissandi upphitun fyrir varðeld
og brekkusöng seinna um kvöldið. Að þessu sinni verða
heyvagnarnir þrír og farnar verða eins margar ferðir og þarf
til að allir komist með sem vilja. Við varðeldinn mun hinn
stórskemmtilegi Circus Atlanis leika sér að eldi í orðsins
fyllstu merkingu. Að því loknu verður brekkusöngurinn
víðfrægi þar sem allir sameinast í söng og gleði.
Hótel Bjarg stendur fyrir nokkrum skemmtilegum uppákomum á Frönskum
dögum, auk þess að bjóða upp á sérstök tilboð á veitingum alla helgina.
Á föstudagskvöldinu mun trúbadorinn Labbi í Mánum troða upp með bæði
gömlum og nýjum lögum á hótelbarnum og er miðaverð 1200 kr.
Á laugardagskvöldinu býður Hótel Bjarg svo upp á tvo dansleiki. Annars vegar
er það stórdansleikur með hljómsveitinni Karma í félagsheimilinu Skrúði og hins
vegar Línudansaball á neðri hæð hótelsins. Miðaverð er aðeins 2500 kr og gildir
miðinn á báða dansleikina.
Jjöllistahópurinn Circusjltlantis
Circus Atlantis er fjöllistahópur sem stofnaður var í júní 1999,
af nokkrum bjartsýnum ungmennum á Akureyri og er afrakstur
námskeiðs sem haldið var á vegum Kompanísins, Leikfélags
Akureyrar og sænska fjöllistahópsins Cirkus Cirkör. í
augnablikinu starfa tíu manns í sýningarhópnum en nokkrir í
viðbót koma nálægt förðun, tónlist, búningahönnun og fleiru
slíku. Circus Atlantis sér um stórar og smáar sýningar, trúðalæti,
eldsýningar, jogglsýningar, álfa og tröll, svo eitthvað sé nefnt.
Hópurinn hefur tekið þátt í fjölmörgum sýningum á síðustu
fjórum árum og má þar nefna aö hópurinn hefur frá upphafi
verið fastur liður á verslunarmannahelgar hátíðum á Akureyri.
Hópurinn hefur alltaf lagt ríka áherslu á vímuleysi og hefur
strangar reglur varðandi notkun vímugjafa af nokkru tagi.
í upphafi starfaði fjöllistahópurinn líkt og götuleikhús gera víða
um land. Sýningar hópsins byggðust aðallega upp á
stultugöngu, trúðalátum og eldspúurum. Starf hópsins hefur
þó tekið stórfeldum breytingum frá því formi og í dag er Circus
Atlantis sannkallaður sirkus og inniheldur meðlimi sem hafa
sérhæft sig í listgreinum sem eru meðteknar og viðhafðar í
fjöllistahúsum víða um heim. Hópurinn hefur að meðaltali tekið
að sér um 20 verkefni á ári og hefur því yfir mikilli reynslu og
myndarlegri ferilskrá að ráða. Frekari upplýsingar er að finna
á heimasíðunni http://www.heimsnet.is/circusatlantis
■
22