Neytendablaðið - 01.03.2010, Blaðsíða 10
Neytendasamtökin fundu 36 DVD-spilara og 14 Blu-ray-spilara
til sölu í verslunum hér á landi. Meðalverð DVD-spilara var rétt
yfir 20.000 kr. en meðalverð Blu-Ray-spilara var 85.000 kr.
Ódýrasti DVD-spilarinn kostaði 9.995 kr. en ódýrasti Blu-Ray-
spilarinn 49.900 kr. Af þessum spilurum voru 3 „upconverting“
DVD-spilarar og 7 Blu-ray-spilarar í nýlegri gæðakönnun ICRT.
Af þessum áðurnefndu 3 „upconverting“ DVD-spilurum fékk Philips
DVP-3360 bestu einkunn og hann var einnig á lægsta verðinu. LG
DVX-482H var með miklu lélegri myndgæði en aðrir spilarar og
var einnig aðeins dýrari en hinir. Lægri heildareinkunn þessara
spilara skýrist að hluta til einfaldlega af því að þeir geta ekki spilað
Blu-ray-diska.
Af Blu-ray-spilurum fengu LG BD-370 og Samsung BD-P1600
bestu einkunnirnar og þeir voru á verði sem er nálægt eða undir
meðatali allra Blurayspilara. Dýrustu spilararnir (Denon, Yamaha,
og Pioneer) fengu lægri heildareinkunnir. Ódýrustu spilararnir
(Philips BDP-3000 og LG BD-350) fengu ásættanlegar einkunnir.
Þó voru myndgæðin lélegri en í öðrum blu-ray-spilurum þegar
spilaðir voru DVD-diskar, en jafngóð þegar spilaðir voru blu-ray-
diskar.
Markaðskönnun
Neytendasamtökin könnuðu framboð og verð á DVD spilurum
og Blu-Ray spilurum í fyrri hluta febrúarmánaðar sl. og náði
könnunin til 7 seljenda. Alls reyndust 36 mismunandi DVD spilarar
til í þessum verslunum. Af þeim eru 34 án upptöku en 2 eru með
upptöku. Lægsta verð á DVD spilurum án upptöku var 9.995 kr. en
það hæsta 70.557 kr. Þeir tveir DVD spilarar sem hægt er að taka
upp á kostuðu 79.995 kr. og 99.995 kr.
Alls reyndust 14 mismunandi Blu-Ray spilarar vera til í þessum
verslunum. Enginn þessara spilara eru með upptökumöguleikum.
Lægsta verð á Blu-Ray spilurunum var 49.900 kr. en það hæsta
199.995 kr.
Blu-ray og DVD-spilarar fyrir eigendur stórra 1080p skjáa
Á síðustu árum hafa margir keypt sér stóra LCD- og plasmaskjái
sem sýna myndir í upplausninni 1920 x 1080. Nóg er til af
myndefni sem við viljum spila á þessum stóru skjám; bíómyndir
á DVD eða jafnvel nýju Blu-ray-formati, en einnig heimagerð
fjölskyldumyndbönd sem við höfum brennt á DVD-diska.
Spurningin er: Eftir að hafa keypt flatskjá, hvað eigum við að
kaupa til að spila myndirnar á?
480p og 1080p
Áður fyrr var algengasta upplausnin 720 x 480 pixlar. Margar
fjöldaframleiddar kvikmyndir á DVD nota þennan staðal og einnig
var hann notaður eða studdur af mörgum skjám. Heimagerðar
fjölskyldumyndir geta verið í mismunandi stærðum. Nýju skjáirnir,
sem eru 1080 pixlar í breidd, geta enn sýnt þessar gömlu eða litlu
stærðir. Skjárinn þarf einfaldlega að geta stækkað minni myndir
upp í 1920 x 1080 pixla. En þær myndir nýta auðvitað ekki alla
upplausnarhæfileika nýjustu skjáanna. Framleiðendur hafa þróað
nýjan staðal fyrir geisladiska sem nýtir meðal annars alla 1920 x
1080 pixla, það er Blu-ray.
Blu-ray
Blu-ray er ný tegund geisladiska sem inniheldur 25 GB eða fimm
sinnum meiri upplýsingar en venjulegir „gamaldags“ DVD-diskar.
Fjöldaframleiddar kvikmyndir eru á Blu-ray-diskum í upplausninni
1920 x 1080 og Blu-ray-spilarar geta sent frá sér videostraum sem
er í upplausninni 1920 x 1080, en það gátu gamlir DVD-spilarar
ekki. Blu-ray-spilarar geta líka spilað DVD-diska (DVD-spilarar
geta ekki spilað Blu-ray-diska). En Blu-ray-diskar og -spilarar kosta
enn mun meira en DVD-diskar og DVD-spilarar. Markaðskönnun á
Íslandi sýndi að meðalverð á Blu-ray-spilara er um 85.000 kr.
Á ég að kaupa Blu-ray-spilara?
1920 x 1080 er örugglega framtíðin, og Blu-ray hugsanlega líka, en
spurningin er hvort það borgi sig að hlaupa strax til. Flestar ef ekki
allar bíómyndir eru enn gefnar út á DVD. Heimatilbúin myndbönd
eru ennþá venjulega brennd á DVD vegna þess að Blu-ray-skrifarar
og diskarnir sjálfir eru mjög dýrir. Foreldrar kaupa ennþá frekar
DVD-diska fyrir lítil börn vegna þess að tölvur geta auðveldlega
Gæðakönnun
á Blue-Ray spilurum
LG BD-370 Samsung BD-P1600
Markaðskönnunin er aðgengileg félagsmönnum á heima-
síðu Neytendasamtakanna.
10 NEYTENDABLA‹I‹ 1. TBL. 2010