Víkurfréttir - 05.09.2013, Page 25

VÍKURFRÉTTIR • fimmtudagurinn 5. september 2013 25
ÖRLYGUR
Á HVÍTA TJALDINU
þriggja stiga línuna því hann var
það öflugur í gegnumbrotum í
teignum. Þegar hann var farinn
að setja þriggja stiga skotin niður
reglulega þá var ekkert hægt að
gera til þess að stoppa hann. Ölli
var að vinna meira í skotinu sínu og
ef hann hefði náð að fullkomna það
er aldrei að vita hvar hann hefði
endað, því hann var með allan
pakkann,“ segir Logi um vin sinn.
Sumarið eftir að grunnskólagöngu
lauk voru Örlygur og Logi teknir
inn í hópinn hjá meistaraflokk
hjá Njarðvík þar sem Friðrik Ingi
Rúnarsson var við stjórnvölin.
Logi segist hafa fundið fyrir því
strax að þeim var ætlað hlutverk í
liðinu. Hann man sérstaklega eftir
því hve gaman það var að upplifa
það með besta félaga sínum að fá
að spila með fyrirmyndum þeirra,
eins og Teiti Örlygssyni og fleirum
kempum.
„Við höfðum aldrei unnið neitt í
yngri flokkum þar sem Keflavík
og KR voru með mjög öflug lið.
Við fengum því þarna uppreisn
æru með því að vinna þarna Ís-
landsmeistaratitil,“ segir Logi þegar
hann rifjar upp þennan tíma en
hann minnist þess hve Örlygur
var var vel í stakk búinn til þess að
grípa tækifærið á stóra sviðinu.
„Hann var tilbúinn bæði andlega
og líkamlega. Sem leikstjórnandi
þá þurfti Ölli að binda saman þetta
lið sem var fullt af reynslumiklum
mönnum. Ég hef aldrei séð tvo 16
ára stráka koma inn í svona lið og
hafa mikil áhrif, eins og Ölli gerði
svo sannarlega. Ég held að það
sé nánast einsdæmi, sérstaklega í
ljósi þess að við fórum alla leið og
unnum titilinn.“
Eftir að Örlygur kom heim frá
Bandaríkjunum 18 ára gamall hafði
hann tekið miklum framförum og
var oft nefndur í sömu andrá og
bestu leikmenn landsins.
„Í mínum huga var hann ekkert
efnilegur lengur. Hann var það
þegar hann var 16 ára. Eftir að hann
kom heim frá Bandaríkjunum 18
ára þá var hann einn okkar besti
körfuboltamaður.
Síðasta tímabil Örlygs var minnis-
stætt fyrir margra hluti sakir.
Örlygur var þá einn af bestu leik-
mönnum mótsins fyrir áramót.
Hann hafði unnið sér sæti í A-lands-
liði Íslands þar sem hann lék þrjá
leiki. Hann var svo valinn í stjörnu-
lið KKÍ fyrstur leikmanna. Örlygur
skoraði tæp 15 stig að meðaltali
þetta tímabil, gaf 5 stoðsendingar
og stal 3 boltum í leik. Þrisvar
náði hann svokallaðri þrefaldri
tvennu. (Þreföld tvenna er hugtak
í körfubolta og á við um það þegar
leikmaður nær tveggja stafa tölu
þ.e. 10 eða meira í þremur af eftir-
farandi fimm: stigum, fráköstum,
stoðsendingum, vörðum skotum
og stolnum boltum.) Það þykir
ansi merkilegt afrek að ná einni
slíkri tvennu á ferlinum en sjá má á
þessum tölum hversu fjölhæfur og
öflugur leikmaður Örlygur var.

Þann 21. maí hefði Örlygur orðið
32 ára gamall. Þeir sem kynntust
honum og sáu hann leika listir
sýnar á körfuboltavellinum halda
minningu hans á lofti hvern ein-
asta dag. Undirritaður var sjálfur
þeirrar gæfu aðnjótandi að hafa
notið vináttu Örlygs en hann var
fyrst og fremst frábær persónuleiki.
Hrífandi og skemmtilegur. Hann
var einnig gæddur ótrúlegum hæfi-
leikum í körfubolta.
Myndin verður sýnd alla Ljós-
anæturhelgina eða frá miðvikudeg-
inum 4. september til sunnudags-
ins 8. september. Upplýsingar um
sýningartíma eru á sambio.is.
Minningar- og styktarsjóður Ölla
Minningar- og styktarsjóður Ölla sem hefur starfsemi haustið 2013
hefur það að markmiði að styrkja börn á Íslandi til íþróttaiðkunar
sem ekki eiga kost á því vegna bágrar fjárhagsstöðu foreldra eða um-
sjónarmanna. Stjórn sjóðsins skipa þau: Ólafur Stefánsson, handknatt-
leiksmaður, Margrét Sanders, framkvæmdastjóri Deloitte og Halla
Heimisdóttir, íþrótta- og lýðheilsufræðingur. Verndari sjóðsins er Þor-
grímur Þráinsson. Minningarsjóðurinn er stofnaður af fjölskyldu Ölla í
tilefni af gerð heimildamyndarinnar.
STYRKIR ÚR SJÓÐNUM
Við áætlum að veita styrki úr sjóðnum tvisvar til þrisvar á ári; á haustin,
eftir áramótin og í byrjun sumars ef vel stendur á. Styrkirnir eru ætlaðir
til æfingagjalda, útbúnaðar o.s.frv. Enn á eftir að skilgreina nákvæm-
lega hvernig fólk sækir um styrki úr sjóðnum en líklegt er að það verði
í gegnum félagsþjónustuna og svo geta kennarar, þjálfarar og aðrir sem
vinna með börnum komið með ábendingar til sjóðsins um það hvar
þörfin er til staðar.
Þeir sem vilja leggja málefninu lið geta lagt inn á reikning sjóðsins
0322-26-021050 sem er í fjárvörslu Deloitte ehf., kt. 521098-2449.
FB-síða sjóðsins:
https://www.facebook.com/minningarsjodurolla
„Hann var mjög nálægt
því að vera hinn full-
komni íþróttamaður“
Sá stóri fer á loft. Langþráð stund
eftir titlaþurrð í yngri flokkum.
María Rut
frænka Örlygs
og Særún
móðir hans
standa að
minningar-
sjóði Ölla.