Ægir - 01.10.2007, Blaðsíða 26

2
Nesútgáfan hefur sent frá sér
sannkallað stórvirki, „Silfur
hafsins – gull Íslands – Síld-
arsaga Íslands“, sem er
þriggja binda verk, samtals
1104 bls. í A4 broti með um
800 ljósmyndum og teikning-
um. Þetta er eins og nafnið
gefur til kynna síldarsaga
Íslendinga í hnotskurn. Hér er
rakin saga síldveiðanna og
vinnsla hennar frá fyrstu tíð,
greint frá frumkvæði Norð-
manna að síldveiðum við
strendur Íslands á 19. öld og
síldarævintýrum Íslendinga á
liðinni öld. Auk þess að veita
gleggri innsýn í þennan merka
kafla atvinnulífssögu Íslands
en áður hefur verið færður á
prent gefur ritverkið mynd af
sögu atvinnu- og mannlífs á
Íslandi á liðnum öldum. Fjöldi
fræði- og vísindamanna hafa
lagt hönd á plóg til þess að
gera þessari sögu viðhlítandi
skil. Höfundar efnis eru
Hreinn Ragnarsson, Jakob
Jakobsson, Guðni Th. Jóhann-
esson, Benedikt Sigurðsson,
Birgir Sigurðsson, Hjörtur
Gíslason, Jón Þ. Þór og Stein-
ar J. Lúðvíksson.
Í fyrsta bindi ritverksins er
fjallað um upphaf síldveiða
og verslunar með síld í Evr-
ópu frá því á miðöldum, um
síldveiðar Norðmanna við
landið á nítjándu öld og að-
komu Íslendinga að síldinni á
þeim tíma. Þar er einnig farið
yfir helstu síldarstofna heims
og útbreiðslu þeirra og loks
fjallað um tengsl mannsins og
síldarinnar á Íslandi fram
undir síðustu aldamót.
Í öðru bindinu er farið yfir
síldarútveg á tuttugustu öld,
síldarrannsóknir, veiðarfæri
og veiðitækni og söltunarstaði
á landinu öllu. Á þeirri öld
urðu mestu breytingar sem
orðið hafa í íslenskum sjáv-
arútvegi og framfarirnar nán-
ast ótrúlegar. Tækninni
fleygði fram og skipin urðu
stöðugt stærri, öflugri og
öruggari.
Í þriðja bindinu er sagt frá
markaðsmálum og Síldarút-
vegsnefnd og forverum henn-
ar, greint frá vinnslu síld-
Síldarsaga Íslands k­omin út í þriggja binda ritverk­i – sannk­allað stórvirk­i:
Sex kíló af sögu-
legum fróðleik!
S Í L D A R S A G A N
Létt yfir stúlkunum í kaffipásu á Siglufirði 1955. „Pöntun“ á Seyðisfirði.
Óli Tynes var mikils metinn athafnamaður á Siglufirði á fyrri hluta 20. aldar. Hér setur hann sig í valdsmannslegar stellingar á
planinu. Hann var hið mesta ljúfmenni en gat verið uppátektarsamur í hegðun.