Tímarit Máls og menningar - 01.07.1939, Qupperneq 18

Eins og áður er sagt, hefur. tíminn verið of naumur til þess
að gera sundurliðaða áætlun um allt verkið og semja við alia
þá höfunda, sem leitað mun verða til, áður en þessi greinargerð
var birt. Á þetta einkum við um II. og III. bindi. Nokkuð hefur
þó verið gert, og var þá sjálfsagt að snúa sér þegar að I. bind-
inu, um landið, sem einna lengstan undirbúning þarf og rilstjór-
inn mun hlutast minnst til um. Þessir menn hafa þegar heitið
að rita mestan hluta þess bindis: mag. sc. Árni Friðriksson fiski-
fræðingur, Hákon Bjarnason skógræktarstjóri, dr. phil. Þorkeli
Jóhannesson og fil. lic. Sigurður Þórarinsson. Fleiri mætir meni’
hafa haft góð orð um að leggja þar nokkuð að mörkum, þó að
það sé ekki fullráðið. En eg veit, að í þetta sinn þarf ekki að
nefna fleiri nöfn til þess að sannfæra félagsmenn um, að reynt
verði að gera allt verkið svo vel úr garði sem kostur er á með
samvinnu við hæfustu menn á hverju sviði,
Þessa greinargerð álít eg nægilega i hráðina til þess að félags-
menn Máls og menningar eigi að geta skorið úr þvi hver fyrir
sig, livort þeir vilji stuðla að þvi, að þetta fyrirhugaða ritverk,
Arfur íslendinga, verði flutt ofan úr skýjunum og niður á jörðina,
1. júlí 1939.
SIGURÐUR NORDAL.
56