Ægir - 01.08.2013, Síða 13

13
V E I Ð I T Æ K N I
Fyrirtækið Pólar toghlerar hef-
ur hannað nýja gerð toghlera
sem geta stuðlað að hag-
kvæmari veiðum og minni
orkunotkun skipa. Skipstjórar
og skipstjórnarmenn sem
stunda uppsjávarveiðar hafa
sýnt þessum byltingarkenndu
toghlerum mikinn áhuga og
sjá þeir mikinn hag í því að
geta stjórnað afstöðu á milli
hleranna. t.d. þegar togað er
með eða á móti straumi. Eða
fjarlægð veiðarfærisins frá yf-
irborði sjávar. Óhætt er að
segja að um byltingu sé að
ræða í hönnun á toghlerum og
er þetta í fyrsta sinn sem
hægt er að stýra þeim með
þráðlausum samskiptum frá
brú.
Atli Már Jósafatsson, fram-
kvæmdastjóri hjá Pólar tog-
hlerum, segir að í hlerunum
sé mekanískur búnaður sem
stjórnar stýranlegum vængj-
um þeirra. Þráðlaus samskipti
verða frá skipunum að hler-
unum.
Í janúar síðastliðnum var
toghlerinn, sem kallast Posei-
don, prófaður um borð í
rannsóknaskipinu Árna Frið-
rikssyni. Hugmyndin að baki
tækninni er sú að hægt sé að
stýra afstöðu vængjanna á
sem hagkvæmastan hátt með
tilliti til straumflæðis sem
eykur afköst í veiðum og
dregur verulega úr orkunotk-
un.
Allt upp í 16 fermetra hlerar
Toghlerarnir eru með sex
straumlínulöguðum vængjum
og með þessari byltingar-
kenndu tækni er auðveldara
að beina veiðarfærunum að
fisktorfum sem skipstjórnar-
menn sjá á fiskleitartækjum í
brú skipsins. Atli Már segir að
prófanir á búnaðinum hafi
komið sérlega vel út og von-
ast hann til að hægt verði að
markaðssetja þessa nýju gerð
toghlera fyrir lok næsta árs.
Pólar býður einnig upp á
margar tegundir toghlera sem
henta til allra fiskveiða þar
sem aðaláherslan við hönnun
er góður þankraftur toghler-
anna og ekki síður lítið við-
nám.
„Við seljum allt frá eins
fermetra hlerum til veiða á
rækju í svokölluðu „bómu-
kerfi“ og upp í 16 fermetra
flottrollshlera til veiða á upp-
sjávarskipum. Og allt þar á
milli,“ segir Atli en Pólar eru
m.a. framleiddir hjá verktök-
um í Litháen, Portúgal, Kína
og Argentínu.
Byltingarkenndum tog-
hlerum stýrt þráðlaust
30 pör af Neptune 1,1 fermetra hlerum bíða afgreiðslu hjá Jessn í Kína fyrir Texas.
Poseidon hlera kastað á Árna Friðrikssyni.