Fréttablaðið - 11.04.2015, Page 110
11. apríl 2015 LAUGARDAGUR| LÍFIÐ | 70
DANSAÐ Á BORÐUM
Á APPARAT
Apparat Organ Quartet hélt tónleika á
KEXI Hosteli á fimmtudagskvöld, áður
en sveitin heldur í tónleikaferð vestur
yfir haf. Spilaði hljómsveitin meðal
annars áður óheyrt efni í bland við
gamla klassík. Fullt var út úr dyrum á
staðnum og dansaði fólk uppi á borði
sem og á gólfinu. Meðal þeirra sem
mættu má nefna íþróttaálf-
inn Magnús Scheving,
borgarfulltrúann Hall-
dór Auðar Svansson
og grínarana í Mið-
Íslandi. - jóe
„Það var auglýst hérna verkefni
fyrir eldri borgara. Ég hef nú alltaf
haft gaman af músík síðan ég hef
vitað af mér, var forvitin og mætti
á staðinn,“ segir Erla Markúsdóttir,
sjötíu og átta ára gamall meðlimur í
tónlistarhópnum Tónar og trix sem
starfræktur er í Þorlákshöfn. Hóp-
urinn hyggur nú á útgáfu á geisla-
diski og á Erla lag og texta á diskn-
um en þetta er fyrsta lagið sem hún
hefur gefið út.
Tónar og trix urðu til árið 2007
út frá því sem átti að vera tveggja
vikna tónlistarverkefni Ásu Berg-
lindar Hjálmarsdóttur, stjórnanda
hópsins, og skólasystur hennar úr
Listaháskóla Íslands en hefur held-
ur betur öðlast framhaldslíf.
„Svo fóru þær að búa til lög og
láta okkur búa til líka. Þær voru
með hljóðfæri og svona sem ég hafði
aldrei snert áður og það var mjög
gaman,“ segir Erla glöð í bragði en
hún lærði á hljómborð á sínum yngri
árum.
„Ég hef aðeins lært á hljómborð,
sem stelpa fór ég í örfáa tíma í Tón-
listarskóla Rangæinga, það var frá
miðjum febrúar fram í maí,“ segir
hún en síðar eftir að hún hætti að
vinna tók hún til við tónlistariðkun
á ný. „Þá varð maður að finna eitt-
hvað að gera, ég var ekki með hljóð-
færi hérna heima og þá var ýtt á
mig að fara í tónlistarskólann hérna
og þangað fór ég í nokkrar annir,“
segir hún glöð í bragði og sér ekki
eftir því í dag.
„Núna erum við að fara að gefa
út disk. Það er ýmislegt sem getur
gerst,“ segir Erla hlæjandi. „Ég
bjóst ekki við því, þú getur ímynd-
að þér,“ segir hún og skellir upp úr
þegar hún er spurð að því hvort hún
hafi búist við að gefa út geisladisk
sjötíu og átta ára gömul. Söfnun
stendur nú yfir á vefsíðunni Karol-
ina Fund en Erla samdi lagið Haust
sem er á disknum auk textans við
það en áætlað er að diskurinn Tónar
og trix komi út í maí.
„Við vorum að ljúka störfum að
vori til og Ása Berglind sagði að
við myndum gera meira um haust-
ið. Hún ýjaði að því að við gætum
gert eitthvað heima og ég ákvað að
prófa,“ segir hún um tildrög lags-
ins og bætir við að hún skrifi ekki
mikið af lagasmíðunum niður. „Yfir-
leitt týni ég því en hún Ása Berg-
lind skrifaði þetta niður fyrir mig.“
Erla segir starfið með tónlistar-
hópnum afar skemmtilegt og að
hún hafi afar gaman af þeirra viku-
legu hittingum. „Þetta er bara búið
að vera ævintýri frá upphafi, segir
hún ánægð að lokum.
gydaloa@frettabladid.is
Skellti í sumarsmell
Erla Markúsdóttir er sjötíu og átta ára gömul og starfar með tónlistarhópnum
Tónar og trix í Þorlákshöfn. Erla samdi lag og texta á fyrstu plötu hópsins.
HEFUR GAMAN AF MÚSÍK Erla segist
hafa haft gaman af tónlist síðan hún
man eftir sér en hún lærði á hljómborð
sem stelpa. MYND/ÁSABERGLIND Þó sól á lofti lækki
ég leik mér enn um sinn
og æskuárum fækki
ég áfram þráðinn spinn.
Í tónalandi ég lifi
þar lífsgleðina finn,
þó taktfast klukkan tifi
og tíminn hrukki kinn.
Ég trommuna slæ, taktinum næ,
tipla á tá og hæl.
Er Tónar og Trix
með sín tilþrif og mix
tekur lagið með stæl.
Haust
FAGMENNSKA
OG ÞRÓUN
AFÞREYINGAR-
FERÐAMENNSKU
VIÐ NORÐUR-
ATLANTSHAF
ICELANDIC
TOURIST
STOFA
BOARD
NATA, Ferðamálastofa, og Keilir miðstöð fræða,
vísinda og atvinnulífs boða til tveggja daga vinnu-
stofu um afþreyingarferðamennsku (adventure
tourism) við Norður-Atlantshaf. Viðfangsefni
vinnustofunnar eru annars vegar staða og þróun
afþreyingarferðamennsku við Norður-Atlantshaf og
hins vegar gæða- og öryggismál greinarinnar.
Leiðbeinendur koma frá fræðsludeild Adventure
Travel Trade Association (ATTA), AdventureEDU
og eru í fremstu röð á heimsvísu. Vinnustofan
fer fram á ensku.
NATA styrkir ferðir þátttakenda og gistingu á fundar-
stað. Þátttökugjald er kr. 19.790,-.
Skráningarfrestur er til miðnættis 15. apríl
næstkomandi og fer skráning fram á síðu
Ferðamálastofu www.ferdamalastofa.is. Þar er einnig
að finna upplýsingar um leiðbeinendur og dagskrá
vinnustofunnar.
Vinnustofa haldin í Keili að Ásbrú dagana 29.-30. apríl 2015.
Geirsgata 9 | 101 Reykjavík | Sími 535 5500 | Fax 535 5501
Strandgata 29 | 600 Akureyri | Sími 535-5510 | Fax 535 5501
P
O
R
T
h
ön
n
u
n
Hljómsveitin Dikta hefur lokið við tökur og vinnslu
á nýrri plötu sem kemur út í september. Þetta verður
fyrsta plata sveitarinnar í um fjögur ár og jafnframt
fimmta breiðskífa sveitarinnar.
„Platan er alveg tilbúin,“ segir Skúli Gestsson, bassa-
leikari sveitarinnar, og bætir við: „En við liggjum á
henni eins og ormar á gulli.“ Hann segir að ástæða
þess að sveitin bíði með útgáfu plötunnar sé að hún komi
út samtímis hér á landi og erlendis. „Það er ekki eins
hlaupið að því að gefa plötuna út erlendis og við ákváð-
um því að bíða aðeins með hana.“
Skúli segir að sveitin hafi farið nýjar leiðir á þess-
ari óútkomnu plötu, sem enn á eftir að finna titil á.
„Við unnum plötuna með þýska upptökustjóranum Sky
Van Hoff. „Við höfum sjálfir séð um upptökustjórn á
tveimur síðustu plötunum okkar og gert allt þess háttar
á eigin spýtur. Þetta voru því skemmtileg viðbrigði,“
útskýrir hann og bætir við að sveitin hafi farið tvisvar
til Þýskalands og dvalið hjá Van Hoff. „Það er fátt sem
knýr mann áfram eins og reiður maður sem talar þýsku.
Hann tók okkur alveg í gegn, við erum vanir að stjórna
okkur sjálfir.“
Í dag verður nýtt textamyndband við aðra smáskífuna
á óútkomnu plötunni frumflutt á Vísi. Um er að ræða
lagið Sink or Swim. - kak
Létu Þjóðverja öskra sig áfram
Dikta sendir frá sér nýja plötu í september og nýtt myndband í dag.
VIÐBRIGÐI
Skúli Gests-
son segir það
hafa verið
viðbrigði
að vinna
með þýska
upptökustjór-
anum, en
sveitin er
vön að stýra
upptökum
sjálf.
MYND/FLORIAN
TRYKOWSKI
AÐSTOÐARMAÐUR Í
BÍLASTÆÐALEIÐSÖGN
Flokksþing Framsóknarflokksins er
haldið í Grafarvogi um helgina og
er margt um manninn. Um fimm
hundruð flokksmenn sækja þingið.
Nýráðinn, tímabundið, aðstoðar-
maður utanríkisráðherra,
Ágúst Bjarni Garðarsson,
stóð einmitt í ströngu
framan af degi í gær
við að aðstoða fram-
sóknarmenn á einkabílum
við að finna bílastæði.
Stóð hann í gulu vesti
og leiðbeindi öku-
mönnum. Þetta er
líklega nýlunda hjá
aðstoðarmönnum
ráðherra. - sa
FYRIRSÆTA FYRIR
ANNIE LEIBOVITZ
Íslenska fyrirsætan Eva Katrín Bald-
ursdóttir setti inn mynd á Facebook
síðu sína þar sem kemur fram að hún
taki þátt í verkefni með bandaríska
ljósmyndaranum Annie Leibovitz.
Leibovitz er stödd hér á landi en hún
er einna þekktust fyrir að mynda
fyrir tímaritið Vanity
Fair og hefur á ferlinum
myndað stjörnur á borð
við Jennifer Aniston,
George Clooney, Tom
Ford, Angelinu Jolie og
Leonardo DiCaprio
sem hún myndaði
hér á landi árið
2007. - asi
„Ég var alveg: Þú
verður að róa þig
niður, í guðs-
bænum róaðu
þig, slappaðu af.“
ADAM LEVINE,
SÖNGVARI MAROON
5, UM AÐDÁANDANN
SEM HLJÓP UPP
Á SVIÐ TIL HANS Í
MIÐJU LAGI Í TODAY
SHOW.
1
5
-0
9
-2
0
1
5
1
0
:2
4
F
B
1
1
2
s
_
P
1
1
0
K
.p
1
.p
d
f
F
B
1
1
2
s
_
P
0
9
9
K
.p
1
.p
d
f
F
B
1
1
2
s
_
P
0
0
3
K
.p
1
.p
d
f
F
B
1
1
2
s
_
P
0
1
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
6
4
0
-7
8
C
C
1
6
4
0
-7
7
9
0
1
6
4
0
-7
6
5
4
1
6
4
0
-7
5
1
8
2
8
0
X
4
0
0
3
A
F
B
1
1
2
s
_
1
0
_
4
_
2
0
1
5
C
M
Y
K